Ihoseya 2:18 - IWE ỌNỊNỊ

¹⁸ Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ihoseya 2:18 ပူးပေါင်းရင်းမြစ်များ

Ijoovu 5:22

Uye ịnị avị e yi vee chire wu angwa. Ẹwụ vene vee nyinyi ịnị ụmẹ ọnị ọzọza ee hí angwa ụngwẹ ọnịrị ezigi.

Ijoovu 5:23

We yi re ẹngụkata ịnị aarẹ awụ, uye ịnị avị ẹ yị vaa du ịsa ịnị aarẹ ha.

Ahẹ Ụgama 148:10

Ẹwụ nịnị avaba uye ịnị avị ọnịrị imaaru ne beri avaba uye ana vọ ọnịrị inomi nịnị ọ̀ọ kụ́ Ẹnẹyịmavara avọ.

Ahẹ Ụgama 23:2

Ộ mẹ mị ka maa hụtẹtẹ dị maa tụ́ ụhwọ́ ịzị avị ohwoohu hi. Ộ sị mị nọ ịnị enyi enee si hẹẹ-hẹẹ.

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ayịsaya 2:11

Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:4

Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata. Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ, dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ. Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị. Ẹnịnị ẹ yị kụkụ vaa jị ẹnya ịrẹkụ.

Ayịsaya 26:1

Ụmẹ ọnya aa vẹ. Ịnị ụmẹ ọnọọ, aza maanị vaa jị ahẹ ịnị ẹtẹ Ijuda dị a ka: Ẹkụra ayị ộ nyị ụkata! Ohomorihi ọnị ụvọta ee sere ọvọ ana a jị kara a nị!

Ayịsaya 32:18

Aza Ohomorihi ẹ yị kụkụ vaa hụrẹ ayị ịnẹ. Ẹngwọọrọ vaa yà ini eehi ẹnịnị, dị ayị ẹnịnị nẹtẹ.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 65:25

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ijeremaya 30:10

Ọ kà, ẹwụ nịnị aza anị, Anisirẹrị, asị ụ hí angwa nịnị; asị ayị hụrẹ ụ nịnị ịnẹ. Ẹnẹyịmavara kà ọnị vaa dọ ẹwụrị ezi ẹwụ nịnị ha hụrị aha ẹnẹẹnẹ ịzị a za awụ nịnị ọrịhị hi avọọ. Ụ vanaa nyị ẹngwọọrọ, dị ọnị ee sere ụ nịnị. É ma vana nyị ọza ana vaa mẹ angwaa hi wu nịnị.

Ijeremaya 33:16

Ọ kà ụmẹ ọnọọ, a vaa dọ Anijuda ọnịrị Anijerusarẹmị nịnịị ha, dị ẹ kuku hi ịnị ẹngwọọrọ. Ijerusarẹmị á kụkụ vaa hị́ Ẹnẹyịmavara ọ dọ yị ha nị.

Ezikẹẹrị 34:25

Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.

Ezikẹẹrị 39:1

Ezikẹẹrị ka, Ẹnẹyịmavara Ananyịwa ộ kà a yị ọnị ka, ọnị Ozi ọza, ọnị ọ̀ na tụ́ Ịgọgị ohuvọ, ọnị ọ̀ kà a yị Ịgọgị ana vị ohinọyị Animeseki ọnịrị Itubari ka, ọnị Ẹnẹyịmavara vị ọnịvị anị o.

Ịzakaraya 14:4

Ịnị ụmọ ọnọọ Ẹnẹyịmavara vaa jẹẹ ịrẹsụ Ataba orivi, eyi ịzị ọyịị̄ zị hụrẹ vẹ Ijerusarẹmị, ịjọnọọ upoporo vaa ga ataba orivi hi oze ẹẹva. Achẹva anị va ya eyi ẹbẹẹba, dị ọsa ya eyi ụvẹtẹ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịzakaraya 3:10

Ịhị ọnọọ Ẹnẹyịmavara kà ọzọza vaa hị́ ọnọhụva anị ka ọ yaayịtẹ uruvo ọchị ịvayịnị ọnịrị ihwigi.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.