Ihoseya 2:17 - IWE ỌNỊNỊ

¹⁷ Ẹnẹyịmavara kà ọnị vaa mẹ ka Isirẹrị o hi ayị ori Ịbaarị nịnị, dị ọza ẹ yị kụkụ hị́ ịrẹha ẹnịnị vụrụ-vụrụ.

Ihoseya 2:17 ပူးပေါင်းရင်းမြစ်များ

Ahẹ Ụgama 16:4

Ama aza ana aa hẹkẹ ori avọọ, ụya ẹnịnị vaa da dẹngụ Ẹ̀ẹ yàa mẹ̀ ịsọvọ, ama mẹ yị va bẹ ụvọọ tụ́ ọ yị wa Mẹ yị vaa kà ịrẹyị kanyị wa.

Ọyịkụra 15:1

Ahẹ oni Imosiisi ọnịrị Anisirẹrị jị gono Ẹnẹyịmavara ịhị ọnọọ yị: “Maa jị ahẹ gono Ẹnẹyịmavara agụvị ka ọ sị ọnịvị amị huna, ọ raà sị zụ̀ ka ọnị Ộ nyị ụbanyị. Umaata ọnịrị onumaata vị ọnị ọ tụ́ ụvọ và hi òkū.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Ijosuwa 23:7

Asị ẹwụrị aza ẹnẹnị ana vọ beri ẹwụ nịnị rị vabẹ. Asị ụ kà ịrẹyị ịrẹha ori ẹnịnị, a vị dị ụ wa sị̀ hị́ eku, a vị ka wa hẹkẹ ẹ, dị ụ wa tana tụra ẹtẹ yị wa.

Ijosuwa 7:26

Dị e gu ịrẹta ẹnẹ ẹ sị wụ̀ wa ku wa ịrẹsụ, dị ọ nẹba ẹtẹẹtẹrẹ nị ịrẹta ẹnẹẹ hi hi ịzọọ booro ve tu ajịnị. Agụvị avọọ aa hị́ ịzọọ inozi akanya.