Ihoseya 2:13 - IWE ỌNỊNỊ

¹³ Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 2:13 ပူးပေါင်းရင်းမြစ်များ

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

2 Ohinọyị 10:28

Avọọ Ijehu mẹmẹ ku ori ana aā hị́ Ịbaarị hụrị ẹtẹ Ísirẹrị nị.

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

Ijoovu 8:13

Avọọ ẹhẹ aza edivi ene hi ayị Ohomorihi mẹ vaa ya nị. Ẹnịnị vene vee vu.

Ahẹ Ụgama 106:13

Ama ịjị ọ naa mẹ ụmẹ chee, ayị ịsa oni Ohomorihi mẹ ô hi wa, ẹnịnị ẹ yị kụkụ jẹẹ zi ka Ohomorihi ò juwe yị ẹnị ịnị ịsa ẹnị ẹ yaa mẹ.

Ahẹ Ụgama 106:21

Ẹnịnị ê hi ayị Ohomorihi ana dọ wa tụ́, dị ọ vavọọ mẹ ịvọpa ịnị ẹtẹ Ijipiti,

Ahẹ Ụgama 78:11

Aza ẹnẹẹ ê hi ayị ụkọrọ ịvọpa oni Ohomorihi mẹ zụ̀ wa.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ayịsaya 17:10

Ẹwụ nịnị Anisirẹrị, we reè hi ayị Ohomorihi ana dọ wụ nịnị ha. Wẹ yị kụkụ tamayị ka ọnị ọ vị ụkata ana sị wụ nịnị tẹ nị. Wá tọ̀ọ́ ihu ene zoza hụrẹ ẹkụra ọsa va da ụbazị agụvị we re oze hẹkẹ ori anẹkụra ọsa.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Arụwẹ 1:4

Avaba oze Ijerusarẹmị aa zị ẹngụ ka ẹ yị ọza ana aa zị ẹnị. Avaba Oze ovwoovu ọbanyị anaā zịị ngụ ẹkụra vi osusu Ẹ yị nyị ọza ana kụkụ a vẹ ịnị irehi Ohomorihi vaa mẹ ahẹkẹ ẹkụhị eche. Ezi ẹnyẹnẹẹ anaā jị ahẹ ịnị irehi Ohomorihi kụkụ e sụ ùnè, dị ohirẹsụ irehi Ohomorihi nịnị eè rimanya nị. Ijerusarẹmị aa ba arụwẹ ọngwọọngụ.

Arụwẹ 5:14

Azọkụ nịnị ẹ yị kụkụ gẹ enoze oze ana ngụ ẹkụra, ọpa ezweyi ẹnị ẹ̀ yị kụkụ mẹ aahẹ.

Ezikẹẹrị 16:12

Ọnị ộ sị ochirigege chire wu aahị, ọnị ộ kụ ịsụtọ hi wu ụtọ, dị ọnị kú wu amu ohinọyị gẹgẹrẹgẹ nị.

Ezikẹẹrị 16:17

Ọ kà igooru ọnịrị isuu ọnị ọnị sị wụ vị ọnị ụ sị, dị ụ sị mẹ ịsị e vene ọnọrụ jẹẹ, dị waa hẹkẹ wa.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Ezikẹẹrị 23:35

Avọọ, Ẹnẹyịmavara Ananyị ụkata hu ka, agụvị ka wê hí ayị anị, waa varẹma ka ọnị, ụ vaa rị ụya ịsị ọnị ụ vavọọ aa dụ gògògò avọọ, dị ụ rị ụya ịrẹkọyịsẹ awụ.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 13:1

Ịnị ịyẹẹyẹ, Anehwireemi ọ̀ọ ka ịrẹyị kẹnẹ, avaba Anisirẹrị ana vọ eē hí angwa ẹnịnị agụvị ka ẹnịnị vị aza ẹnị ana vọ sị eyi tụra. Ama Anehwireemi nịnị a raà mẹ̀ ebira odivi hi Ẹnẹyịmavara. Ẹnịnị aa hẹkẹ ori ana hị́ Ịbaarị, di e yee vú ẹtẹ nị.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 2:5

Ọnyị ẹnịnị vị ọsẹrẹka ana sị ụhị wara rị. Ịnị ịrẹkọyịsẹ ọ ya dọ ịrẹẹ ẹnẹẹ nị. Ọ kà ọnị aa dụ onyeehi zịị agụvị dị ọnị ọ rị, dị ọnị o hu, dị ọnị nyị achị ọnịrị angwẹ orivi ne beri eche nị.

Ihoseya 2:7

Ọ̀ọ dụ onyeehi anị pooro, ụvọ anị e yi vee ku ọ. Òo si wa, o yi vee re wa. Ịjọnọọ ọ vaa kà a ka ọnị aa va ka ọva ịpaapa na, ịzị ẹhẹ anị yaa ze yọ hu.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Iwe Ọhụhị Imosiisi ana aa hị́ Ọyịvatụrọda 32:18

Ê hi ayị Ohomorihi ẹnịnị, ọdọzaha ọbanyị ẹnịnị ana sị ụhwẹ yị wa.

Iwe Ọhụhị Imosiisi ana aa hị́ Ọyịvatụrọda 6:12

Asị ụ hi ayị Ẹnẹyịmavara ana tụ wụ hụụnị irehi ọrịhị ịnị Ijipiti.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.

1 Ịsamụwẹrị 12:9

Ama ohiku awụ nịnị ê hi ayị Ẹnẹyịmavara ana vi Ohomorihi ẹnịnị. Di Ohomorihi va sị oze yị ọga isoja Anihazọ anaā hị́ Isisera ọnịrị Anihwirisiti ne beri ohinọyị Animowabi, dị ẹ kụ́ ịrẹkụ ne tù ohiku awụ nịnị nị.