Ihoseya 2:11 - IWE ỌNỊNỊ

¹¹ Ộ kà ọnị rẹ vaa za avaba eche Anisirẹrị jẹẹ; eche ụhwẹ-ụhwẹ ọnịrị eche ịrayị-ịrayị ẹnịnị ne beri eche ụhwọtụ irenyi-irenyi ọnịrị avaba eche ana vọ.

Ihoseya 2:11 ပူးပေါင်းရင်းမြစ်များ

1 Ohinọyị 12:32

Ịnị ana tụ́ ọ ẹkụhị ẹwụrẹhị ịnị ụhwẹ ịhịnta ịrayị, di Ijerobowami rị eche ahẹkẹ nị. Ịnị ụhwẹ ọnọọ ọ sị rị eche ọnọọ nị anka ịnị ụhwẹ ana aā sịị rị eche Ijuda. Dị ọnị rẹ mẹ̀ ịsọvọ ana aā rị ịra aha ịsọvọ nị. Avọọ ọ mẹ̀ rẹ mẹ Ịbẹtẹrị nị, Ọ mẹ̀ ịsọvọ yi imaaru ẹnẹẹ ọnị ọ mẹ. Ọ kụ́ ohirẹsụ irehi Ohomorihi hi Ịbẹtẹrị ịzị ọ dà aha ọnẹba tụ́.

Ijeremaya 16:9

Ẹnẹyịmavara Ochẹtẹẹngụ ka Ijeremaya ọ̀ wụ ịsị ọnị Ohomorihi Anisirẹrị nịnị aa kà. Eyi awụ-eyi awụ, ọnị vaa mẹ̀ ẹ dị aza ẹ́ ma vana wụ́ aahẹ ka aza aa jẹ ịrajẹ ọnịrị ka eyee hine ayị. Ẹ́ ma vana nyị ka vị aza aa nyị ẹngụ anka ẹvarose dị ẹ yaa mẹ aahẹ nị.

Ijeremaya 25:10

Ọ kà ọnị ẹ yị ma vana zẹẹ ka à wụ́ ọngwẹ ẹnịnị ka eyee hine ayị; ọza ẹ yị ma vana wụ́ ọngwẹ ẹnị ka ẹ yaa jẹ agụvị ẹvarose anaa nyị ẹngụ nị. Ọza ẹ yị ma vana wụ́ ka ẹyaa kwọ ịsa. Ịra ẹ yị ma vana za ịnị ozotupa ẹnịnị.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ezikẹẹrị 26:13

Ẹnẹyịmavara kà ọnị vaa za ahẹ ọnị waa jị nịnị avọọ jẹẹ, ọza ẹ́ yị ma vana wụ ka waa mẹ aahẹ nịnị.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Ireevi 26:20

Avaba ụkọrọ ẹnẹ ẹyaa sị ụmẹzụ-ụmẹzụụ mẹ vị ana vaa vị osusu, agụvị ka ẹtẹ ẹnịnị ẹ́ yị vaa mẹ̀ ịsa ọchị ẹnịnị ẹ́ yị rẹ vaa tụ́ ẹtụtụ.

Emọsị 5:21

Ẹnẹyịmavara kà eche ahẹkẹ ẹnịnị vi ana nyị ọnị ịhyẹrẹ. Ẹyị nyị ịsị ọnị a sị mẹ̀.

Emọsị 8:3

Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

Ịnahụmị 1:10

Ọnịvị Ẹnẹyịmavara sị mẹẹ anka aza ọnị eche hu ẹtẹ tịtẹ avọọ. Ị vaa rị ịra anka igegenechi ọnịrị avị ọyịwụ̀ mẹẹ rị ịra avọọ.