Ihoseya 14:9 - IWE ỌNỊNỊ

⁹ Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Ihoseya 14:9 ပူးပေါင်းရင်းမြစ်များ

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ijoovu 17:9

Ịsa tụra ịsa enee tu ọnizẹyịza, vị́ ọnị aa jẹẹ gere-gere.

Ahẹ Ụgama 107:43

Aza ana àa yẹ ịrẹyị, ẹ̀ sị eyi pè ịrẹyị ẹnẹnị, di è re Ẹnẹyịmavara mẹmẹ sì ịrẹyị ọza na za.

Ahẹ Ụgama 119:128

Avaba ebira akụvị vị ana nyị mị ịhyẹrẹ, agụvị ka mâ yẹ ka avaba ọda awụ vị ana vọrọ.

Ahẹ Ụgama 119:75

Ẹnẹyịmavara, mâ yẹ ka ọda ọnị ụ mẹ ộ vọrọ, mâ yẹ ka ọda ọnị ụ mẹ ộ vọrọ. Mâ yẹ ka ayị ọnya ụ sị sị ụya rị mị nị.

Ahẹ Ụgama 84:5

Aza ana ahịka ẹwaa sị ụkataa yị nị, dị ayị ẹnịnị ee sì ka ẹnị ẹ̀ nọ Ijerusarẹmị vaa dàa jẹ.

Ahẹ Ụgama 84:7

Ẹ́ maà na, avọ ẹ màa nyị ụkataa hu avọọ pooro di e na ngụ ana vị ịda Ohomorihi nị.

Ụhịrẹyị 10:29

Ẹnẹyịmavara e sere ọza ana a mẹ ịzẹyịza ama aza ọhịmị vi ene vee vú ẹtẹ.

Ụhịrẹyị 16:21

Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ayịsaya 1:28

Ama aza ana aa kụ̀ụ hịrẹ ẹ dị ẹ yaa mẹ̀ ebira odivi vị ọnị ọ vaa garaa ha. Avaba aza ana ka ẹnị ẹ yị saasa a vị ọnị ọ vaa wụ̀ vaa ha.

Ayịsaya 17:8

Aza ẹ yị kụkụ vaa sị ayị tụra ụta ori ẹnị ẹ sị ụvọ ẹnịnị mẹ. Ẹ yị rẹ kụkụ vaa sị ayị tụra ori Asẹra ene e hī ọchị ọgọdọọ yị́, ne beri ụta ẹnị ẹnị ụvọta hī dị ẹ yaa rị eturare ịra ịnị anị.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Ijeremaya 29:12

Ịjọnọọ, ụ kụkụ vaa hị́ ọnị nịnị, Ẹnẹyịmavara kà ụ vaa vẹ vaa mẹ̀ aduwaa hi ọnị nịnị, dị ọnị tu u nini ohi.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ezikẹẹrị 11:18

Ịjị ẹnịnị ẹ̀ẹ vavẹ ẹtẹ Isirẹrị, ẹnịnị vaa kụ́ avaba ịsị ịdọtị ọnịrị ori anaa nyị ọnị ịhyẹrẹ aanị kwooze.

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ịdanịyẹrị 12:10

Anggẹẹrị ọnọọ ka Ohomorihi vaa nyịna aza ọrụrụ-ọrụrụ hụụnị ịdọtị ẹnịnị, dị ẹ kụkụ vị ọnịnị. Aza anaa mẹ̀ ebira odivi ẹ yị vaa yẹ ịsị aa na, ama dị ẹ yaa yịị mẹ odivi ẹnịnị. Aza ana sị ụvọ za ịrẹyị Ohomorihi kẹnẹ ẹ vaa yẹ ịsị aa na nị.

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịzakaraya 10:6

Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị.

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 7:23

Ọza ẹnẹ ẹ̀ yị jị mị ịrẹka, vaa daa jẹ.”

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ịjọọnụ 8:47

Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”

Ịjọọnụ 9:39

Dị Ijeesu ka, “Mâ vẹ ẹhẹ ọnọnị ka ma va mẹ̀ ọkarẹyị, dị ogweyi nịnị èe re ẹtẹ, dị aza ana ka eni ee re ẹtẹ è gu eyi.”

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Aniroomi 7:12

Àa vị ọdaa yọ, ọda ọnị vị ọnịnị, avaba ọda ọnya-ọnya vị ọnịnị, dị ẹ vị ịzẹyịza, di e re zoza nị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.