Ihoseya 14:8 - IWE ỌNỊNỊ

⁸ Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.

Ihoseya 14:8 ပူးပေါင်းရင်းမြစ်များ

Ijoovu 33:27

Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ.

Ijoovu 34:32

Wáá ra họ̀ Ohomorihi ka ọ sị zụ́ wụ ịzị ụ ya ee nyeeyi? Wáá sị dọ ka wa hụụnị ebira odivi.

Ayịsaya 41:19

Ẹnẹyịmavara kà ọnị vaa mẹ̀ ka ọchị Isida, ọnịrị akasiya beri Imatiri ọnịrị orivi ẹ hụ ịnị ụnọmị. Ẹtẹ ana wụ̀ vaa vara iruku ịpayịnị ọnịrị ijunipa beri isipirẹsị.

Ayịsaya 55:13

Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”

Ayịsaya 60:13

A vaa ha ọchị ozozoza ẹngụ ana aā hị́ ịpayịnị, ijunipa ọnịrị isipirẹsị hụrẹ iruku Ịrẹbanọnị va yị wụ. Ọchị ẹnẹẹ a vaa sị mẹ irehi amị ọvị ka ọ nyị ụbanyị, di e si tenyi ẹkụra, dị ọ nyị ụbanyị.

Ezikẹẹrị 17:23

Ọ kà ọnị vaa hị́ ọ tụ ịrẹsụ ataba ana nẹba hu kere-kere ẹtẹ Isirẹrị. Ọ vaa ha avọ, dị ọ tụ ẹtụtụ, dị ọ vara ọchị Isida ọyịza-ọyịza inomi irenyi-irenyi vaa mẹ ịrẹngwẹ tụ ọ, dị ẹ sị ịzọọ mẹ irehi.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Iruuku 15:20

“Ịzẹyịza, dị ọ kwẹẹtẹ, dị aa ká ada anịị na nị. Ọ màa vẹ ẹ́nẹẹnẹ, dị ada anị re e, dị aa vayị anị nị. Dị ada anị zwe na gẹrị ọ, dị ọ hàrà a ku ayị nị.

Ịjọọnụ 1:16

Agụvị ka ô sì ịrẹyị ẹnẹmẹhị, ộ mẹ̀ ọyịza yị avaba ayị; dị aa mẹ ẹyị ẹyịza irenyi-irenyi nị.

Anẹhwẹsọsị 5:9

Etohweyi ọọ̄ mẹ̀ ka aza ẹ̀ẹ mẹ̀ ebira ene zoza, dị ọ vọrọ, ọnịrị ịzẹyịza nị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.

Anihwiripi 2:13

agụvị ka Ohomorihi aa mẹ̀ ụkọrọ ịnị ayị awụ nịnị nị, ọnị ọ vị ka aa mẹ ka wee sì ka wa mẹ̀ ịsa ene zée eyi nịnị, dị ụ wa rẹẹ mẹẹ nịnị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.