Ihoseya 14:3 - IWE ỌNỊNỊ

³ Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Ihoseya 14:3 ပူးပေါင်းရင်းမြစ်များ

2 Ịtọpa 16:7

Ịnị ụmẹ ọnọọ â nyị ọnịsẹ ọnya aanị ana a hị́ Ihanani. Ô ne tù ohinọyị Asa, dị ọ kà, Ẹnẹyịmavara ana vị Ohomorihi ẹnịnị kà agụvị ka ẹnịnị ẹ̀ para ọnị hu na va ẹngụ na ya ohinọyị Anarami, dị isoja Anisirẹrị ee zwe hụrẹ ẹngụ nị.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 146:3

Asị ụ na sị ayị tụra aza ana nyị ụkata. Mị ka asị ụ na sị ayị tụra ọzarẹyịrẹsụ ana ahịka ọ yị zụ dọ ọza há.

Ahẹ Ụgama 146:9

Ẹnẹyịmavara vi ene ree sere ọzọga, ọnị aa mẹ ọgụvọọ yị ozi oku ọnịrị osoku nị. Ama ịsa ana aza edivi ee ro vị ọnị ọ vaa dọ waa gara.

Ahẹ Ụgama 33:17

Umaata vị ịyẹyẹ, ọ mā dọ ọza tụ́ o! Ẹ̀ẹ rụrụ dị ẹ nyị ụkata, ẹ mā dọ ọza tụ́ o!

Ahẹ Ụgama 68:5

Ohomorihi ọ vị ada aza ẹnẹ ẹ̀ yị nyị ada nị, ọnị ọ rẹ ẹ̀ yị mā zẹẹ ka à chamayị yị ozi oku nịnị nị. Ọnị ọ vị Ohomorihi ana ra ini irehi anị ẹbẹẹba nị.

Ayịsaya 1:29

Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

Ayịsaya 30:16

Ama wê yi nịnị. Ụ ka u waa tụra umaata di wee zwe nịnị nị. Ịzẹyịza u vee zwe nịnị nị. Wê ro ka umaata awụ nịnị ệ rẹ, yẹ ka umaata ọnịrị awụ nịnị ẹnị vị ana rẹ rẹ́.

Ayịsaya 30:2

We si hu ee nee tù Anijipiti ka ẹ̀ va gụ wụ nịnị ụvọ Ẹnẹyịmavara da nịnị. Wee si ka Anijipiti ọ̀ va gụ wụ nịnị ụvọ dị ahịka ohinọyị Anijipiti ụ kụkụ sị ayị tụra nịnị nị.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

Ayịsaya 31:3

Ama tamayị nịnị o, ka Anijipiti vị aza rị ẹyị ịrẹsụ, ẹ yị vị Ohomorihi ẹ vị. Umaata ẹnịnị vị uye kẹnẹ, ẹnịnị ẹ yị vị arịjẹnụ. Ịjị Ẹnẹyịmavara ọ̀ọ tana ụvọ za wa, aza ana nọ ịnị ọgụvọ ọnịrị aza ana a ka à na gụ ụvọ vi ene dudu vaa và angga dị ẹ hyẹdụ. Avaba ẹnịnị e vee vú ẹtẹ nị.

Ayịsaya 36:8

Di isoja ọnọọ rẹ ka ẹ̀ vẹ dị ọnị ọ̀ sị ụkata ọga anị dị ọnịrị wa ò si gẹ eyi nị. Ọ kà ọnị aa kụ́ umaata akawụ yị wa, èe zụ re ọza ana vaa tụra wa.

Ijeremaya 49:11

Ọ kà wa navọ ezi-oku awụ nịnị hi ẹtẹ yị ọnị ka ọnị vaa sị eyi pe wa. Ese oku awụ nịnị ẹ̀ sị ayị tụra ọnị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ezikẹẹrị 37:23

Ẹnịnị ẹ́ yị ma vana sị ori ọ yị mẹ du ẹngụ ẹnịnị ẹngụ, à vị ka ẹ̀ sị ebira odivi du ẹngụ ẹnịnị ha.

Ihoseya 12:1

Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 14:8

Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.

Ihoseya 2:17

Ẹnẹyịmavara kà ọnị vaa mẹ ka Isirẹrị o hi ayị ori Ịbaarị nịnị, dị ọza ẹ yị kụkụ hị́ ịrẹha ẹnịnị vụrụ-vụrụ.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ihoseya 5:13

Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa.

Ihoseya 7:11

Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ihoseya 8:9

Anka ịkẹrịkẹtẹ ọnị ọnịnya anaa ngụ zịịzị avọọ, Anisirẹrị nịnị ê ne si tù Anasiriya nịnị. Ẹnịnị ẹ̀ na raà sị ẹngụ ẹnịnị tụ wa ahụ.

Ijona 2:10

Dị Ẹnẹyịmavara mẹ̀ ọda yi ivovo ana mụnẹ Ijona ka ọ̀ na hẹrẹ ẹ tụ́ ụtọ enyi nị. Ịzẹyịza, dị ivovo ọnọọ na hẹrẹ ẹ tụ́ ịzọọ nị.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Ịjọọnụ 14:18

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.

Iwe Ọhụhị Imosiisi ana aa hị́ Ọyịvatụrọda 17:16

Ohinọyị ẹ yị vaa nyị umaata rụrụ yị isoja anị, dị ẹ yị vaa tụ aza nọ Ijipiti na hị́ umaata agụvị ka Ẹnẹyịmavara ộ raà kà a ka asị aza anị varẹma nọ Ijipiti.