Ihoseya 13:3 - IWE ỌNỊNỊ

³ Avọọ, ẹnịnị vị ene vee vú ẹtẹ anka ọyị mẹẹ̄ wụ́ eguhi ẹnẹnẹ, a vị ewuri avọọ nị. Ẹhẹ ẹnịnị sị mẹ anka azịzẹ ana ahị aa kụ́ para ịzị eē tụ́ ayị avọọ, ọ rẹ sị mẹ anka areyi ọnị ahị aa kụ́ avọọ nị.

Ihoseya 13:3 ပူးပေါင်းရင်းမြစ်များ

Ijoovu 21:18

Ohomorihi ẹ sị ahị kụ wa anka azịịzẹ, a vị anka opomi mẹẹ kụ edudu avọọ.

Ijoovu 30:15

Ijoovu ka angwa e hi ọnị booro aanị, avaba ụbanyị anị ọ ta anka ahị avọọ. Avaba ogu anị ộ ta anka ahị mẹẹ̄ kụ eguhi avọọ.

Ahẹ Ụgama 1:4

Ama ẹhẹ aza edivi ẹ yị vavọọ vee zoza! Ẹnị vị ana sị mẹẹ anka azịzẹ ana ahị ee hiraa zị avọọ.

Ahẹ Ụgama 68:2

Ahị mẹ̀ẹ kụ́ areyi avọọ, avọọ ụ mẹ̀ vaa kụ́ ọnịvị awụ kwooze nị. Ụsụ ọ̀ọ gụrị ịra vị ọọ̄ nā nị, avọọ ọnịvị Ohomorihi mè vee du ha pẹrẹ-pẹrẹ nị.

Ayịsaya 17:13

Ịzẹyịza aza ẹnẹẹ vi ene ee nowuu vẹ anka enyi mẹ̀ẹ dà avọọ, ama Ohomorihi mẹ̀ yị kara eyi hi wa kẹnẹ, e kú zwe varẹma. Ẹnịnị vi ene zwe anka azịzẹ ana ahị aa kụ́ iruvo ataba avọọ. Vị ẹ sị mẹẹ okoruwa mẹ̀ẹ kụ́ ẹchịchị avọọ nị.

Ịdanịyẹrị 2:35

Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Ịzẹhwanaya 2:2

Ẹ yị jẹẹ dị eyi ọ nị hi wa ụvọ, dị Ẹnẹyịmavara ọ va eyi ịrazị ka wa. Ọ́ vaa dụ wa tụ ẹhẹ anka ahị mẹ kụ azịzẹ avọọ.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.