Ihoseya 13:2 - IWE ỌNỊNỊ

² Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 13:2 ပူးပေါင်းရင်းမြစ်များ

1 Ohinọyị 19:18

A nyị nyị ọnịsẹ ẹnị akawụ-akawụ oze ẹẹta tụra akahị ọnị mị vọ tịtẹ ịnị ẹtẹ Isirẹrị. Ịnị avaba ẹnịnị â yị nyị ene kú ẹtẹ kụ́ Ịbaarị. Ẹnịnị e yi re kú Ịbaarị irenu.”

2 Ịtọpa 28:13

Ẹnẹnị ệ ka yị wa ka asị ẹ kụ́ wa vẹ ịzọọ. Ệ kà a ẹnị ẹ sị ịvị hi Ẹnẹyịmavara. Ẹnị e re du ọ ayị ana hụ ọ mẹ ka a sị ụya rị ẹnị. Booro aanị ẹnị waa ra mẹ̀ ịsa ọsa ana va da ẹnya tụ́ ịnị ẹnya yi ẹngụ ẹnya ẹnịnị nị.

2 Ịtọpa 33:23

Ebira ọhịmị anị o divi huu ada anị nị. Ẹ yị nyị ụmẹ ọnị ọ sị sị ka ịrẹsụ hì di o ro ịnẹ hụụnị ebira odivi anị.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ayịsaya 44:11

Re, avaba aza ana hẹkẹ ẹ vị oni Ohomorihi vaa mẹ ụhịị nyị. Aza anaa mẹ ori ẹnẹnị vị azarẹyịrẹsụ. Jẹẹ ẹnịnị ẹ̀ kwẹẹtẹ dị a zama wa re; angwa vee hí wa, dị a mẹ̀ ụhị nyị wa.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ayịsaya 46:6

Aza ệ ngwara achuchu ẹnịnị, dị ẹ và igooru hi ẹtẹ, dị e sị ịngọ ngọ̀ isiriva nị. Ệ na hị́ ọza anaa mẹ ụhị́ ka ọ sị mẹ ori yị ẹnị. Dị ẹnịnị kú ẹtẹ, dị ẹyaa hẹkẹ ẹ nị.

Ayịsaya 46:8

Ẹwụ nịnị ọnịvị, tamayị ọsọnị nịnị, rò o nịnị ịsị ọnị mị mẹ.

Ijeremaya 10:4

Dị ẹẹ sị Igooru ọnịrị Isiriva (ọmọ) dị ẹẹ sị mẹ̀ ẹ ọvị. Dị ẹẹ kanyị ọ iso zẹtẹ agụvị asị ọ hụrẹ nyẹtẹ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 11:2

Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 11:6

Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Ihoseya 14:3

Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Ịrịka 32:14

Dị Imosiisi kà, Anirubẹnị ọnịrị Anigadi ẹnẹẹ vị ana sị mẹ̀ anka ohiku ẹnịnị. Ẹ yaa mẹ̀ ebira odivi ana rẹẹ̀ vaa mẹ̀ ayị kụ́ Ẹnẹyịmavara hị́ Anisirẹrị nịnị.

Aniroomi 11:4

Ịjọọ vavọọ kà, wâ yẹ, Óhomorihi mè tụ́ ọọ ohi? Ohomorihi ộ kà a yọ ka, “Ma nyị nyị aza ẹnị akahị-akahị oze ịhịmba (7,000) tẹ yị ẹngụ amị. Aza ẹnẹẹ ẹ yị hyakụ jị idinku ku ẹtẹ yị ori ọnọọ ana aā hị́ Ịbaarị.”

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.