Ihoseya 13:11 - IWE ỌNỊNỊ

¹¹ Ọ kà ọnị ọ sị ọyịkụ-ọyịkụ sị ohinọyị yị wa, avọọ ọnị mẹ raà sị ayodu dọ wa nị.

Ihoseya 13:11 ပူးပေါင်းရင်းမြစ်များ

Ụhịrẹyị 28:2

Anẹkụra àa mẹ akamawụ, aza irenyi-irenyi ẹẹ mẹ̀ ịjọva tụra wa ịrẹsụ nị. Ama ọdọvịdị ana yẹ ịrẹyị oō tenyi ẹkụra, dị a nyị ẹngwọọrọ tu ẹtẹ nị.

Ihoseya 10:3

Ẹnịnị vaa kà a ka ẹnị ẹ yị nyị ohinọyị, ẹnị e yi hí angwa Ẹnẹyịmavara. Ẹ yị nyị ịsị ohinọyị nyẹngụ mẹ̀ yị ẹnị.

Ihoseya 10:7

A vaa sị ohinọyị Anịsamarịya kwooze anka enyi mẹẹ̄ sị ẹchịchị ne hu avọọ nị.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

1 Ịsamụwẹrị 10:17

Ẹkụhị ọnya dị Ịsamụwẹrị hị́ Anisirẹrị dị ọ ka ẹ̀ wara nọ Imizipa, ka ẹnị aa naa hẹkẹ Ẹnẹyịmavara ịzọọ nị.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 12:1

Ịjị ẹ vavọọ sị ịsa rị, dị Ịsamụwẹrị va kà a yị Anisirẹrị dị ọ kà, “Mâ wụ́ ịrẹyị ọnị ụ kà nịnị. Ma raà nyị ọza ka ọ vị ohinọyị awụ nịnị.

1 Ịsamụwẹrị 12:13

“Re, Ohinọyị ọnị ụ nyị nịnị yị. Ẹwụnị o họ̀ use, dị Ẹnẹyịmavara vaa sị ọ yị wụ nịnị.

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”