Ihoseya 13:10 - IWE ỌNỊNỊ

¹⁰ Ộ họ̀ wa use ka, ịzị ohinọyị ẹnịnị ya booro aanị agụvị dị ọ dọ wa ha? Ẹ ka ene e si ohinọyị ọnịrị ọdọvịdị nịnị. Ịzị ẹnịnị hì?

Ihoseya 13:10 ပူးပေါင်းရင်းမြစ်များ

1 Ohinọyị 12:20

Ẹkụhị ọnya avaba Anisirẹrị ẹ sị wụ́, dị ẹ tụ́ na hị́ ọ ka ọ̀ vẹ ve tù aza ana gụ nị. Ọ mẹ̀ vẹ, dị ẹ sị ọ rị ohinọyị avaba Anisirẹrị nị. Ẹ yị nyị aza ana jẹẹ pè aneehi Idevidi à yị vị ovwoovu Ijuda ọnị ịnya kẹnẹ.

2 Ohinọyị 17:4

 nyị ịrayị ọnya, dị Ihoseya tụ́ ne tu ohinọyị Anijipiti ana aa hị́ Isoo nị. Ộ tụ ne tu ọ ka ọ̀ va gụ ọnị ụvọ. Ịrayị ọnọọ di ẹ̀ yi kụ́ ịsa naa yọ nị. Ịjị Ịsarịmanẹsa sị yẹ, dị ọ za Ihoseya, dị ọ jị ọ ẹngwa nị.

Ahẹ Ụgama 10:16

Ẹnẹyịmavara ọ vị Ohinọyị pooro zịna-zịna nị Aza ẹnị ẹ̀ yị hẹkẹ ẹ vi ene vee vú ẹtẹ hụrẹ ẹtẹ.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

Ahẹ Ụgama 44:4

Ẹwa vị́ Ohinọyị amị dị ụ rẹ vị Ohomorihi amị nị Ẹwa kà a ka aza awụ e vee huna ọnịvị ẹnịnị nị.

Ahẹ Ụgama 74:12

Ohomorihi ẹwa vị ohinọyị ayị hụrẹ ụmọrụmọ nị, wa raà dọ yị há éyi anẹhẹ.

Ahẹ Ụgama 89:18

Mị ka Ẹnẹyịmavara ee sere yị ka asị a nyị ịsị e tù yi nị. Ọnị Ohomorihi ana Anisirẹrị aa hẹkẹ ọ vị ohinọyị ayị nị.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 43:15

Ẹma vị Ẹnẹyịmavara, Ohomorihi awụ nịnị ana vị Ọnịnị nị. Anisirẹrị, Ẹma tụ́ wụ nịnị nị, dị mị rẹ vị ohinọyị awụ nịnị nị.”

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ihoseya 10:3

Ẹnịnị vaa kà a ka ẹnị ẹ yị nyị ohinọyị, ẹnị e yi hí angwa Ẹnẹyịmavara. Ẹ yị nyị ịsị ohinọyị nyẹngụ mẹ̀ yị ẹnị.

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 7:7

Ẹnịnị sị mẹẹ anka ịra anaa rị ọdọvịdị ẹnịnị avọọ, dị ẹ yị ọza ana vọrọ ka o na owu na za Ẹnẹyịmavara kà ọ gụ wa ụvọ avọọ nị.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

1 Ịsamụwẹrị 8:7

Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.