Ihoseya 12:9 - IWE ỌNỊNỊ

⁹ Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ.

Ihoseya 12:9 ပူးပေါင်းရင်းမြစ်များ

Oyinyima 25:27

Ezi ẹnẹẹ mẹ̀ sị hụ̄, Iisọ ọnị vị ozube obooro, dị ọọ̄ ngụ avị nị. Ijekọvụ ọnị vị ọza hẹẹ aanị, di ahịka ini eehi ọọ̄ yà nị.

2 Ịsamụwẹrị 7:2

Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ.

Ẹzịra 3:4

Dị ẹ yaa rị eche ajẹngụ anka ọda mẹ ka a nị. Dị ẹ rẹ yaa mẹ̀ ịsọvọ ẹkụhị-ẹkụhị nị.

Ahẹ Ụgama 49:7

Nyị ọza ana nyẹngụ sị ẹkẹhị hị́ ụhwẹ ọyịnyara anị Ọ za o yi si ụta ụhwẹ ọza yị Ohomorihi,

Ahẹ Ụgama 81:10

Ohomorihi rẹ ka ọnị ọ vị Ẹnẹyịmavara ana vị Ohomorihi awụ nịnị nị. Ọ kà ọnị ọ sị wụ nịnị hụrẹ Ijipiti vẹ nị. Ọ rẹ ka wa há irenu nịnị kẹnẹ, ka ọnị vaa sị ịsa awụ nịnị.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ijeremaya 35:7

Ẹ ka ộ rẹ kà a yị ẹnị bẹẹ ka asị ẹnị dà irehi, asị ẹnị da aarẹ, asị ẹnị da ụbazị ịvayịnị, dị asị ẹnị rẹ hị́ ẹngụ ịsa ẹnẹnị vụrụ-vụrụ. Ẹ ka ộ mẹ̀ ẹ ọda yị ẹnị ka ịnị ajẹngụ ẹnị vaa ra pooro anka ọzọga avọọ, ụvị dị ẹnị è ku orubo ịnị ọnọnị nị.

Ijeremaya 5:27

Anka ozube mẹẹ hara inomi hi ịnị abọ (ajivogidi) avọọ, avọọ ẹ mẹ sị ebira odivi hara ogu hi ịnị eehi ẹnịnị, dị ẹ ta vara aza ẹbanyị nị.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ireevi 19:36

Ẹnẹyịmavara kà Anisirẹrị nịnị ẹẹ sị ịzẹyịzaa mọ ịsa, dị ẹ rẹẹ sị ịzẹyịza ngọ ịsaa yị aza. Avaba ịsị ẹẹ yaa sị mọ ịsa ọ̀ vị ịzẹyịza. Ọnị ọ vị Ẹnẹyịmavara Ohomorihi ẹnịnị ana kụ wa tụ ẹhẹ hụrị ẹtẹ Ijipiti nị.

Ireevi 26:13

Ọ kà ọnị, Ẹnẹyịmavara Ohomorihi ẹnịnị ọ kụ́ wa hụrị ẹtẹ Ijipiti ka à sị ẹ kụkụ vị ọrịhị ẹnịnị nị. Ọnị ộ dọ wa hụrị aza ana sị ụkata za wa hi ẹtẹ, dị ọnị mẹ kụ̀ra ịrẹsụ tụ ẹba dị ẹẹ zị ụsẹ nị.

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Ịzakaraya 11:5

Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ.

Ịrịka 15:41

Ẹnẹyịmavara kà ọnị ọ vị Ohomorihi ana kụ wa jịnẹ hụrị Ijipiti.

Ịjọọnụ 7:2

Aniju nịnị aa vaa rị eche ẹnịnị ọnya ana aā hị́ Eche Ajẹngụ.