Ihoseya 12:8 - IWE ỌNỊNỊ

⁸ Ẹnịnị aa kà a ka ẹnị ẹ nyị ẹkẹhị ama ẹ yị nyị ọza ana zụ za ẹnịnị ka ẹnị aa mẹ̀ ọza rị, dị ọ va vị ịvị yị ẹnị.

Ihoseya 12:8 ပူးပေါင်းရင်းမြစ်များ

Ahẹ Ụgama 49:6

Aza edivi ẹnẹẹ vị ana sị ayị tụra ogu ẹnị ẹ nyị dị ẹ yaa sị ẹkẹhị ẹnịnị wo oto.

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ụhịrẹyị 30:20

Aanị ẹhẹ ọsẹrẹka mẹ ya nị. Ọ̀ọ na sị ẹnya hụ, di o tenyi ẹngụ anị chịmị-chịmị va jẹẹ. E yi re ka akụvị ọnị aa mẹ̀ nị.

Ijeremaya 2:23

Ọ kà ẹnịnị ẹ́ẹ́ zụ ka a ka ẹnị ẹ yị sị ẹngụ ẹnịnị du ẹngụ aanị, ẹ́ẹ́ zụ ka a ka ẹnị ẹ yị mẹ̀ ori anaā hị́ Ịbaarị? Ọ kà ẹnịnị è re ịsị ẹnẹ raa mẹ, di è re ẹ mẹmẹ mẹ ịvị. Ọ kà vị ẹnịnị sị mẹẹ anka ịnyaakụmị ọnẹẹ enee si ka ọnị ọ̀ tụra di ee zwee zị,

Ijeremaya 2:35

dị waa yị ka nịnị ka ẹ yị nyị ịsị ụ mẹ nịnị nị. Waa kà a nịnị ka ịzẹyịza, Ẹnẹyịmavara ẹ yị kụkụ kụ ayị hi u. Ama ọnị, Ẹnẹyịmavara vaa sị ụya rị ụ nịnị agụvị ka waa kà a nịnị ka wẹ yị mẹ̀ ebira odivi nịnị.

Ijeremaya 5:27

Anka ozube mẹẹ hara inomi hi ịnị abọ (ajivogidi) avọọ, avọọ ẹ mẹ sị ebira odivi hara ogu hi ịnị eehi ẹnịnị, dị ẹ ta vara aza ẹbanyị nị.

Ezikẹẹrị 28:5

Waa sị ọbọọ sẹ ohu irenyi-irenyi, dị waa rị ọgụụ tụ ọ nị. Ogu awụ ẹnẹnị kụkụ aa daa mẹ ka waa sị ẹngụụ tụ ẹba kẹnẹ.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

Ihabaku 1:16

Avọọ dị ẹ mẹ̀ ịsọvọ, dị ẹ rị eturare ịra ọnị ẹ sị gụ́ ọha ẹnịnị ẹngụ ka ọ̀ mẹ ẹ́nị nyị ụvọha.

Ịzakaraya 11:5

Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Ịmarakayị 3:13

Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà?

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Iruuku 12:19

Dị ọnị va kà a yị ẹngụ anị ka ọnị ộ nyị ịsa ọnị ọnị kụ́ tẹ ana vaa mẹ ịrayị ọrụrụ-ọrụrụ; ọnị ọ̀ kụkụụ tụ́ ụhwọ́, dị ọnị ọ̀ọ rị, di oni òo hú, dị ọnị ọ̀ọ mẹrị!

Iruuku 16:13

“Ozi ahụ ọnya ọ yị nyẹngụ aa hẹkẹ ọga ẹẹva. Ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ wa rẹẹ hẹkẹ ẹkẹhị nịnị.”

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iwe Ọhụhị Imosiisi ana aa hị́ Ọyịvatụrọda 8:17

Ama asị ụ ne rò ka ụkata ẹngụ awụ ụ sị nyị ogu ẹnẹẹ nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.