Ihoseya 12:3 - IWE ỌNỊNỊ

³ Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị.

Ihoseya 12:3 ပူးပေါင်းရင်းမြစ်များ

Oyinyima 25:26

Dị ọhụva anị ọnị rẹ jịnẹ vẹ nị, dị ahịka vị ọ sị ụvọ za Iisọ ibezi ahụ nị, agụvị avọọ di aa hị́ ọnọọ Ijekọvụ nị. Ayiziiki vị ịrayị ẹbẹẹta di Irebeka vavọọ ma ezi ẹnẹẹ. Ijekọvụ ini Ihiburu, ô vene ịrẹyị ẹnị ẹẹ̄ hị́ ibezi ahụ (Oyn 27.36).

2 Ohinọyị 17:18

Ẹnẹyịmavara ộ kụ ayị hi Anisirẹrị nịnị ẹtẹẹtẹrẹ, dị ọ dụ wa kwooze ka a sị ọnị kuku re wa nị, Anijuda nịnị kẹnẹ ọ vana navọ tịtẹ nị.

2 Ohinọyị 17:20

Ẹnẹyịmavara ô yi avaba Anisirẹrị nịnị, ộ sụ ụya rị wa, dị ọ hụrẹ wa ụvọ yị ọnịvị ẹnịnị ana ahịka ka ê divi nị. Avọọ ọ mẹ̀ mẹ wa pooro ne tu ịjị ọ́ raà dụ wa kwooze nị.

2 Ohinọyị 17:23

Dị Ẹnẹyịmavara va dụ wa kwooze ka à sị ọnị kuku re wa nị. Ộ vịdị vavọọ raà tụ ọnịsẹ anị nịnị va ka wa ọnọ ka ọnị vavọọ vaa mẹ wa. Avọọ á mẹmẹ va za Anisirẹrị nịnị ne hi Asiriya pooro ve tu ajịnị nị.

Ijeremaya 2:9

Ẹnẹyịmavara kà agụvị avọọ, ọnị vee pe aza anị ọnịrị evere ẹnịnị zyaazị.

Ezikẹẹrị 7:3

Ẹwụ nịnị Anisirẹrị, eyi awụ nịnị ọ sị nị. Ọnị vaa sị ọyịkụ anịị zụ̀ wụ nịnị, dị ọnị mẹ̀ ọkarẹyị avaba ịsị ọnị Ụ mẹ yị wụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị u mẹ nịnị.

Ezikẹẹrị 7:8

Ọka, é yị vee kù dị ọnị ọ̀ sị ọyịkụ zụ̀ wụ nịnị ẹtẹẹtẹrẹ ọnị vaa mẹ̀ ọkarẹyị avaba ịsị ụ mẹ yị wụ nịnị. Ọnị vaa sị́ ụya avaba ịsị enyisi ọnị waa mẹẹ rị wụ nịnị.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Imika 6:2

Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.

Aniroomi 9:11

Ama dị ọ va yẹ ka ọnịị ma ezi ẹnẹẹ, dị ẹ hyakụ va yẹ ka ẹnịị mẹ ọyịza, àa vị odivi, Ohomorihi ộ kà a yị Irebeka ka: Ana vị ọzọkụ ọ vaa hẹkẹ ana vị Ozweyi nị. Ọnọọ ộ sị zụ̀ ka Ohomorihi o yi sì eto ọnị ọnị mẹ ini oze ọza ọyịnyị, ọ̀ jẹẹ ịrẹsụ ịsa ọnị ọza sị ụvọ anị mẹ. Ama avaba anị vị ana yà ịnị ụvọ Ohomorihi ana hị́ ọza.