Ihoseya 11:6 - IWE ỌNỊNỊ

⁶ Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Ihoseya 11:6 ပူးပေါင်းရင်းမြစ်များ

Ahẹ Ụgama 106:39

Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ, ẹnịnị ẹ yị kụkụ sị ayị ọnya yị Ohomorihi.

Ahẹ Ụgama 106:43

Ụmẹ tụra ụmẹ Ohomorihi sịị dọ waa tụ́ nị, ama dị ẹ yaa kịị kụ̀ụ hịrẹ ẹ. Dị ẹnịnị vavọọ sú và hi ini ebira odivi ẹnịnị nị.

Ayịsaya 18:5

Di ò nee tù ka ododo ẹtụtụ ịvayịnị ẹ kụ́ hụrẹ, eyee vi, o di tù ka à há wa, a raà kụ́ Anikusi kwooze. Vị a vaa kụ́ waa kwooze ẹngwọọrọ-ẹngwọọrọ Anaka a mẹ̀ẹ sị ụhwọ da avọ́ ọchị ịvayịnị hwẹẹrẹ avọọ nị.

Ayịsaya 27:10

Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.

Ayịsaya 30:1

Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị.

Ayịsaya 9:14

Ịnị ẹkụhị ọnya chọ̀chọ̀chọ̀, Ẹnẹyịmavara vaa sị ụya rị avaba Anisirẹrị ọnịrị ọdọvịdị ẹnịnị Ịrẹsụ ne beri omu ọ vaa kụ́ụ kwooze nị.

Ijeremaya 5:17

Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.

Ijeremaya 50:35

Ẹnẹyịmavara kà, avaba Anibabironi ọnịrị aza ana ra hi Ịbabịrọnị vị ene vee súu ha. Ọdọvịdị ẹnịnị ọnịrị aza ana yẹ ịrẹyị hi ịzọọ vị ene vee súu ha.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Ezikẹẹrị 20:47

Ọ kà ọnị ọ̀ kà a yị iruku ana ya eyi ụvẹtẹ aanị ka, ọ̀ wụ́ ịrẹyị ọnị Ẹnẹyịmavara Ananyị ụkata hu aa ka: Ọ kà, ré, ọnị vaa jị ịraa da a, dị ọnị rị avaba ọchị ohwoohu ọnịrị ọchị ọyịwụ ene hi ịnị anị ịra. Ọza é yi ve zuu mí ịra ọnọọ. Avọọ ọ́ mẹ vaa rị hụrị eyi-ụvẹtẹ huuu naa ngụ eyi ẹbẹẹba nị.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Ihoseya 10:6

Ori ẹnịnị vị ana a vaa sị nọ Asiriya na mẹ ohinọyị ọbanyị ịzọọ ẹyịza. Anisirẹrị vị ana a vaa mẹ̀ ụhị nyị agụvị ori ọnị ẹ yaa hẹkẹ.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Emọsị 6:8

Evere Ijekọvụ ẹnẹẹ e re du Ẹnẹyịmavara ayị. E re ẹngụ ẹnịnị huu ịsa ọsa, avọọ Ẹnẹyịmavara nyị ịhyẹrẹ ịsa ene ro ka ẹ vị ụkata ẹnịnị nị. Ẹnẹyịmavara Ohomorihi ọga isoja ọ raa hị́ eku ka ọnị vaa hụrẹ ẹnịnị ogu ẹnịnị ụvọ yị ọnịvị ẹnịnị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 28:52

Ẹnịnị vaa kụ́ ịrẹkụụ ngụ avaba ẹkụra awụ nịnị, di e wú avaba ọvọ ana a jị kara awụ nịnị. Ọvọ ẹnẹẹ ụ sị ayị tụra ka ẹ yị vaa zẹẹ ka à nyị ịsị ẹ mẹ̀ wụ nịnị nị. A vaa kụ́ ịrẹkụụ ngụ avaba ẹkụra ene hi ịnị ẹtẹ ọnị Ẹnẹyịmavara aa sị wụ nịnị aanị.

Iwe Ọhụhị Imosiisi ana aa hị́ Ọyịvatụrọda 32:25

Ịrẹkụ vaa mẹ ka a wụ̀ aza avaba oze ene hi ini ẹkụra, di angwa ee hi wa, di ivóvó za wa tụ ini eehi. Ezwọọmụha ọnịrị ezwoorihi Ẹnịnị su va ha. Avọọ ezinụvọ ọnịrị azọkụ ẹnịnị ẹnị mẹ rẹ yịị vee su nị.