Ihoseya 11:2 - IWE ỌNỊNỊ

² Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị.

Ihoseya 11:2 ပူးပေါင်းရင်းမြစ်များ

1 Ohinọyị 12:33

Ịnị ẹkụhị ẹwụrẹhị ịnị ụhwẹ ịhịnta, ọ mẹ̀ ịsọvọ ana aā rị ịra aha ịsọvọ Ịbẹtẹrị. Ọnị ụvọta kẹnẹ ọ nyị ụhwẹ ọnọọ yị ẹngụ anị, dị o nyima eche ahẹkẹ yi Anisirẹrị nị. Dị ọ hịrẹ nọ aha ịsọvọ dị ọ naa rị eturare ịra nị.

1 Ohinọyị 18:19

Booro aanị, tụ́ na hị́ avaba Anisirẹrị, dị ẹ̀ wara ve tù mị ịrẹsụ ataba Ịkamẹrị. Rẹ hị́ ọnịsẹ Ịbaarị ana vị ẹnị akava tụra ẹvarẹwụ ne beri ọnịsẹ Asẹra ẹnị vi akava. Avaba ẹnịnị ẹnẹẹ anaā rị ịsa ịda Ijezebẹrị.”

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

Ayịsaya 65:7

Ẹnẹyịmavara kà, “Mi vee si wa atọ ịvị ẹnịnị ọnịrị ịvị oni ohiku ẹnịrị rị. Agụvị ka ẹnịnị ệ nọ ịrẹsụ ataba na mẹ̀ ịsọvọ, dị ẹ yà ịrẹsụ ataba eweyi kụ́ mị ụhụ nị. Mị vaa sị́ ụya anịị rị wa a mẹ̀ vọrọ.”

Ijeremaya 18:15

Ẹnẹyịmavara kà ama, aza anị e ree hí ayị anị; ẹnịnị vana kụkụ rị eturare ịra yị ori nịnị. Ẹnịnị ẹ raa tụ́ ahụ oze ẹnẹ và tụra. Ẹ́nịnị ẹ yị và tụra oze ịyẹẹyẹ. Ụparị ọnị ọza ẹ yị tọrẹwa ẹ́ kụkụ aa zị nị.

Ijeremaya 35:13

Ọnị Ẹnẹyịmavara Ochẹtẹẹngụ, Ohomorihi Anisirẹrị ka, ọnị Ijeremaya ọ̀ na kà a yị avaba Anijuda ọnịrị Ijerusarẹmị ka sị ẹ vẹ dị ẹnịnị ẹ̀ yị wụ́ ịrẹyị anị? Sị ẹ vẹ dị ẹnịnị ẹ̀ yị saasa ịrẹyị anị kẹ?

Ijeremaya 44:5

Ama wẹ yị wụ nịnị. Wé yị dọ ka wa hụụnị ịsị odivi ọnị waa mẹ, dị waa mẹ̀ ịsọvọ hi ori nịnị.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ịzakaraya 1:4

Asị ẹ hama ebira ohiku ẹnịnị ịyẹẹyẹ ọnị ọnịsẹ nịnị kà yị ka Ẹnẹyịmavara Ochẹtẹẹngụ ka ẹ hụụnị ebira odivi ọnịrị ẹhẹ kẹnẹ-kẹnẹ ọnị ẹ yaa ra. Ẹnịnị ẹ̀ yị hyakụ sị ụtọ pe ịrẹyị ọnịsẹ ẹnẹẹ, a vị ka ẹ wụ́ chire Ẹnẹyịmavara.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Iruuku 13:34

“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị.

Ịjọọnụ 3:19

Ịvị ana aza ẹnẹẹ rị, yị: Ka ẹtohweyi ộ vẹ ịnị ẹhẹ, ama aza ê sì ịrẹyị ịrahụ huna ẹtohweyi, agụvị ka ịsa odivi ẹ́ yaa mẹ nị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Ọdọvịdị 10:6

Ịnị ụmẹ ọnya, dị Anisirẹrị nịnị rẹ nyima dị ẹ yaa hẹkẹ ori anaa hị́ Ịbaarị ọnịrị ori anaa hị́ Asịtọrẹtị nị. Ẹ rẹ yaa hẹkẹ ori Anarami, ori Anisidoni, ori Animowabi, ori Anamọnị beri ori Anihwirisiti nị. E yị vị ọsọnị kẹnẹ ẹ mẹ, ẹ hyakụ hi ayị Ẹnẹyịmavara; ẹnịnị ẹ kụkụ hẹkẹ ẹ vụrụ-vụrụ.

Ọdọvịdị 2:13

Ẹnịnị vị ana kụkụ a hẹkẹ ori ana a hị́ Ịbaarị ọnịrị Asịtọrẹtị, di e yi Ẹnẹyịmavara tịtẹ nị.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.