Ihoseya 11:11 - IWE ỌNỊNỊ

¹¹ Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi.

Ihoseya 11:11 ပူးပေါင်းရင်းမြစ်များ

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 60:8

Sị ẹ vị ẹsẹnị enee hira anka eguhi avọọ? Ẹ sị mẹẹ anka arivadi aa vavẹ ịnị eehi ani avọọ nị.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ezikẹẹrị 34:27

Ọchị ene hi ịnị aarẹ vaa tụ ẹtụtụ, ịsị ịnị aarẹ vaa mẹ ẹtẹẹtẹrẹ, dị ọzọza ra hị́ ẹtẹ anị ẹngwọọrọ-ẹngwọọrọ. Ịjị ọnị ọọ ree che ọchị ana a sị tụ wa ọkẹẹkẹrẹ, dị ọnị raa dọ wa hụrị ụvọ aza ana za wa ọrịhị nị, ẹnịnị vaa yẹ ka ọnị ọ vị Ẹnẹyịmavara nị.

Ezikẹẹrị 34:28

Ẹnịnị ẹ́ yị ma vana vị ịsọyịrị yị anẹkụra-ẹkụra nịnị. Uye edivi ẹ́ yị ma vana na wa rị. Ẹnịnị vaa ra ẹngwọọrọ-ẹngwọọrọ; dị ẹ́ yị nyị ọza ene kuku ee chire wa angwa.

Ezikẹẹrị 37:21

Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta.

Ezikẹẹrị 37:25

Ẹnịnị vaa rá ịnị ẹtẹ ọnị ọnị sị yị ozi ahụ anị Ijekọvụ, ịzị ohiku ẹnịnị vịdị ra. Ịzọọ ẹnịnị vanaa rá pooro zịna nị. Ezi ẹnịnị ẹnịrị ụnanka ẹnịnị vị ana vaa rá ịzọọ. Ohinọyị ọnya anka ozi ahụ anị Idevidi ọ vaa vị ohinọyị ẹnịnị pooro zịna nị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 7:11

Anehwireemi nịnị sị mẹẹ anka arivadi avọọ nị. Ẹnịnị ẹ yị yẹ ịrẹyị, ọ yị tụ́ akanya dị ọza o vene wa, avọọ ẹ yaa hị́ Anigipiti, di e yee ne tụ́ Anasiriya nị.

Ọbadaya 1:17

Ama Anisirẹrị nịnị vaa dọ ẹtẹ ana vị ẹnịnị varẹma hụụnị ụvọ aza ana ba wa uchi ụvọta. Ijerusarẹmị vaa vị aha ọnịnị ịzị aza vee zwe naa tẹ̀ hi.

Ịzakaraya 10:10

Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa.

Ịzakaraya 8:7

Ọ kà ọnị vaa dọ aza anị ha hụrẹ ẹkụra irenyi-irenyi ene hi eyi ịzị ọyịị̄ hụrẹ vẹ ọnịrị ịzị ọọ̄ zị ngụ ẹtẹ.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.