Ihoseya 11:10 - IWE ỌNỊNỊ

¹⁰ Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ.

Ihoseya 11:10 ပူးပေါင်းရင်းမြစ်များ

Ijoovu 37:1

Ịrẹyị ọnọnị ộ rẹ mẹ ka ayị amị oo jị bii-bii; ayị amị ọ sị tụ̀ bẹẹ.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ahẹ Ụgama 2:11

Sị ịrẹsụ yị Ẹnẹyịmavara dị waa sị ayị ohinee hẹkẹ ẹ nịnị.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 2:5

Ẹwụ nịnị ezi Ijekọvụ, vẹ yaa mẹ̀ ebira ẹtohweyi ọnị Ẹnẹyịmavara raà sị zụ̀ yị.

Ayịsaya 31:4

Ẹnẹyịmavara ộ kà a nị ka, “Ohi idu ọ̀ọ si uye za, di ee nowu kara a. Òo zee e eyi aza ene ee sere atẹmẹ ẹ̀ kụ́ gụ di èe nowu ka ẹnị ẹ̀ dụ ọ, e yi yèe hí angwa owu ẹnịnị. Ẹ̀ẹ daka nowu pooro, ẹ yị nyị ịzị aa gẹ idu. Avọọ Ẹnẹyịmavara Ochẹtẹẹngụ mè vee tenyi ẹngụ ịrẹkụ vee tù aza ene hi ịrẹsụ ataba nị.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

Ayịsaya 49:10

Ụngwẹ ọnịrị onyi ẹ yị kụkụ vaa kụ wa. Ẹngụ ẹnịnị vee hi ahị. Ẹnẹyịmavara vaa vayị ẹnịnị, dị ọnị mẹ̀ ịsa ọnị e yee si yị wa anka ọza ene enyi aa kụ ene re enyi ohunẹnẹ hu avọọ.

Ayịsaya 64:2

Ẹnịnị vaa da ẹgahị anka enyi ene sì hii ịra, dị aa há avọọ. Vẹ, wa va sị ụkata awụ zụ ọnịvị awụ nịnị, dị ụ wa mẹ ka anẹhẹ ẹẹ da ẹgahị eyi awụ.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ijeremaya 25:30

Ẹnẹyịmavara kà asị a nyị ka Ijeremaya ẹ́ yị kà avaba ịrẹyị ọnị ọnị kà yọ o. Ọ kà ọ̀ kà a yị avaba aza ẹnẹnị ka, Ẹnẹyịmavara vaa ya ẹbẹẹba dị ọ nowu dị ọ rị ịnyanya hụrị ẹbẹẹba kere-kere, o vee nowu ku aza, dị ọ nowu anka ọza anaa dụ uye avọọ. Avaba ọza vaa wụ̀ ọ ọngwẹ.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Ijeremaya 50:4

Ẹnẹyịmavara kà, ịjị ụmẹ ọnọọ oo tu, Anisirẹrị nịnị ẹnịrị Anijuda nịnị vaa jị òrèrè, dị eyee sì ọnị, Ohomorihi ẹnịnị.

Ijeremaya 7:6

Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 26:16

Avaba ohinọyị anẹkụra ene hi ụtenyi vee chii hụụ ịrẹsụ aga ẹnịnị. Ẹ vaa ngwa awuru ẹnịnị ana a mẹ̀ ụkọrọ hii tịtẹ, dị ẹ yaatụ hi ini eteesu. Ịsị e tu wu nịnị vaa mẹ angwaa hi wa, dị ẹyaa dá ẹgahị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ijowẹrị 3:16

Ẹnẹyịmavara vee nowu hụrẹ Ịzayọnị, dị ọ ka irutu hụrẹ Ijerusarẹmị, dị ẹbẹẹba ọnịrị ẹtẹ ee ziizi. Ama ọnị vaa dọ aza anị ha, dị ọnị vị ụkata ẹnịnị.

Emọsị 1:2

Ọ kà: “Ẹnẹyịmavara ộ na owu hụrị ataba Ịzayọnị; ọngwẹ anị ọ katuru hụrẹ Ijerusarẹmị. Dị avị ọnị ịsụpaā rị wara za ẹtẹ, dị avị ene hi ịrẹsụ ataba Ịkamẹrị ee vi nị.”

Emọsị 3:4

Idu o mē na owu kẹnẹ ịnị iruku ẹ̀ẹ vị ọ sị uye za. Avọọ ozi idu ọnị e mere na owu kẹnẹ ẹ̀ẹ vị aa rị ịsa.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Imika 4:5

Ẹkụra ọzọza ẹ nyẹngụ aa hẹkẹ ori ẹnịnị Ẹnẹyịmavara ana vi Ohomorihi ayị ẹ́ yị vaa hẹkẹ pooro zịna-zịna nị. Anisirẹrị vaa vaa vẹ eehi.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Ịzakaraya 10:10

Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa.

Ịzakaraya 10:12

Ẹnẹyịmavara kà, ọnị vaa mẹ ka aza ẹ nyị ụkata, dị ẹẹ hẹkẹ ọnị, dị ẹẹ wụ́ chire ọnị.

Ịzakaraya 8:7

Ọ kà ọnị vaa dọ aza anị ha hụrẹ ẹkụra irenyi-irenyi ene hi eyi ịzị ọyịị̄ hụrẹ vẹ ọnịrị ịzị ọọ̄ zị ngụ ẹtẹ.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

Ẹtore 10:3

Di o nowu zẹtẹ anka idu òo rere ee nowu avọọ nị. Ịjị o si owu na, dị apaana ihinẹba sụ́ ịrẹyị ụpẹ ịhịmba tụ́ ọọ ohi nị.