Ihoseya 11:1 - IWE ỌNỊNỊ

¹ Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ihoseya 11:1 ပူးပေါင်းရင်းမြစ်များ

Ahẹ Ụgama 129:1

Anisirẹrị ẹ̀ kụkụ kịị kà a kẹnẹ ka A raà mẹ ehuna mị ẹnẹmẹhị. M mẹ̀ hụrẹ vị ozweyi ẹ hụrẹ aa mẹ ehunaa mị nị.

Ọyịkụra 19:4

Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị.

Ọyịkụra 4:22

Ọ kà dị ọ kà a yị Ihwarawo ka ọnị Ẹnẹyịmavara kà Anisirẹrị vị ozi ọzọkụ anị.

Ọyịkụra 4:23

Kà ọnị ka ọ̀ navọ ozi anị ọ̀ na dị ọ̀ na hẹkẹ ọnị. Ọ kà a ka ọ̀ yị zẹẹ ka ẹ̀ na, ọ̀ yẹ ka vị ọnị vaa wụ̀ ozi ọzọkụ Ihwarawo nị.

Ayịsaya 43:4

Agụvị ka wâ nyị irihi ini eyi amị nịnị, mâ sị ụbanyị wụ nịnị, dị mị sì ịrẹyị awụ nịnị nị. Mâ hụrẹ aza ụvọ ụvị dị ụ wa ha nịnị. Mâ sị anẹkụra nịnị vara wụ nịnị, ụvị dị ụ wa yàra nịnị.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ezikẹẹrị 16:22

Ẹnẹyịmavara kà, avaba ụmẹ ọnị ụ sị aa sẹ̀ ịrẹka, dị waa mẹ ịsị eenyisi zị, wẹ́ yị daba tamayị ịjị ọnị vị ozweyi, ọnị wáá tụ ahwaahụụ zịị?

Ezikẹẹrị 16:6

Ọ kà ọnị maa pàrà wụ hu, dị ọnị ré ka wee rimanya ịnị anya awụ nị. Anya-anya ụ yị vị̀ dị ọnị ka ọnị ẹ yị vaa zẹẹ ka we sú nị.

Ihoseya 10:15

Ẹngụ ịsa odivi ene vee tù Anịbẹtẹrị agụvị ebira odivi ẹnịnị yị. Ohinọyị Anisirẹrị vị ana vaa wụ̀ ịjịjọọ ọnị ịrẹkụ o nyima kẹnẹ.

Ihoseya 12:13

Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa.

Ihoseya 12:9

Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ.

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ihoseya 2:15

Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Imatiwu 2:15

Dị ẹnịnị yà ịzọọ pooro ne tu ụmẹ ọnị Ịhẹrọdị wusu nị. Ọnọnị ộ mẹ̀ agụvị ịsa ọnị Ohomorihi zi oze ịnị ụvọ ọnịsẹ anị ọnya ka, ọ̀ zụ sẹ. Ộ kà a ka, “Hụrị ẹtẹ Ijipiti mị hị́ ozi emi hụrẹ vẹ nị”.

Iwe Ọhụhị Imosiisi ana aa hị́ Ọyịvatụrọda 33:3

Ẹnẹyịmavara ò sì ịrẹyị aza anị, dị è sere aza ana vị anị. Agụvị avọọ ẹnị aa ku ẹtẹ kụ ọ, dị ẹnị sị ụvọ za avaba ọda anị nị.

Iwe Ọhụhị Imosiisi ana aa hị́ Ọyịvatụrọda 7:7

Ẹnẹyịmavara sì ịrẹyị wụ nịnị kẹnẹ, dị ọ nyị wụ ka wa vị aza anị nị. Ẹ yị vị agụvị ka ẹwụ nịnị ọ rụrụ hụụnị anẹkụra ana vọ nị. Ẹwụ nịnị ọ hyakụ weyi hu nị.