Ihoseya 10:8 - IWE ỌNỊNỊ

⁸ Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Ihoseya 10:8 ပူးပေါင်းရင်းမြစ်များ

Oyinyima 3:8

Ọyị mẹ̀ sị rọ ịhị ọnọọ, dị ẹ wụ́ ka Ẹnẹyịmavara Ohomorihi aa vẹ ịnị ụbazị nị. Dị ọnọrụ ọnọọ ọnịrị ose anị si zwe na tẹ̀ ịnị ọchị ẹnẹẹ nị ka asị Ẹnẹyịmavara Ohomorihi re ẹnị.

1 Ohinọyị 13:2

Dị ọza Ohomorihi ọnọọ nowu hi aha ịsọvọ ọnọọ ó màa kà ịrẹyị ẹnị Ẹnẹyịmavara sị tụ́ ọ vẹ, dị ọ ka, “Ẹwụ aha ịsọvọ ọnọnị, ẹwụ aha ịsọvọ ọnọnị, Ẹnẹyịmavara kà ma kà a wụ ka ẹwa yẹ, o ka â nyị ozi ọnọrụ ọnya aanị ana a vaa ma tụ́ ini ovwoovu Idevidi. Ọ kà ịrẹha ozi ọnọọ ọ vaa rị Ijosaya nị. Ọ kà ohi ịrẹsụ irehi Ohomorihi ene hi aha ọnẹba ana aa rị eturare ịra ịrẹsụ awụ aanị vị ọnị ọ vaa sị mẹ̀ ịsọvọ ịrẹsụ awụ. Ọ rẹ ka ẹnịnị vaa rị ẹchụkụ ọza ịra ịrẹsụ awụ.”

1 Ohinọyị 13:34

Ịrẹyị ọnọnị ọ vana sị vara ebira odivi tù ini eehi Ijerobowami. Ọnị ọ mẹ ka è vu avaba ẹnịnị ẹtẹ saka-saka hụụnị ẹtẹ ọnọọ nị.

1 Ohinọyị 14:16

Ọ re vee yi Anisirẹrị tịtẹ agụvị ebira oni Ijerobowami mẹ. Ọnị ọ kụ́ Anisirẹrị nyeeyi ka ẹ̀ẹ mẹ̀ ebira odivi nị.”

2 Ohinọyị 23:15

Ụta ori ana ya Ịbẹtẹrị ọnị Ijerobowami ozi Inebati da tụ́ aha ọnẹba vị ọnị Ijosaya wu va ha. Ori ọnọọ ọ kụ́ Anisirẹrị nịnị na mẹ̀ ebira odivi nị. Ịrẹta ori Asẹra ọnọọ vị ọnị ọ kwọ nyẹrẹ-nyẹrẹ anka edudu avọọ, dị ọ rị ọchị uyi ọnọọ ịra.

2 Ịtọpa 31:1

Ịrẹma ọnị eche ọyịparahu ọnọọ ta wa rị, dị avaba Isirẹrị ana nọ Ijerusarẹmị kụ́ ẹngụ aa ngụ ẹkụra-ẹkụra ene hi ẹtẹ Ijuda, Ịbẹnjamịnị, Ehwireemi ọnịrị Ịmanasẹ nị. Ịzị èe tu dị ẹ́ gara ịrẹta ori ana a kụ́ gụ, di é che avaba ọchị ana a bẹ jẹẹ yị ori ọnẹẹ ana aā hị́ Asẹra, dị ẹ́ chata ụta ịsọvọ, di é wú avaba irehi ori ẹnịnị ha. Ịjị ẹ sị mẹ̀ ta, dị ọzọza va nọ eehi anị nị.

Ayịsaya 2:19

Ịhị Ẹnẹyịmavara ọ̀ọ vẹ, o vee henyi ẹhẹ. Aza vee re ụbanyị anị, di eyee zwe naa ngụ ịnị ụtẹha ọnịrị ụsị ini eteesu, ángwa òo mèe hí wa.

Ayịsaya 2:21

Ịhị Ẹnẹyịmavara ọ̀ọ kwẹẹtẹ di o henyi ẹhẹ nị, aza vee re ụbanyị anị dị eyee zwe naa ngụ ịnị ụtẹha ọnịrị ụsị ini eteesu ángwa òo mèe hí wa.

Ayịsaya 32:13

Ikeyi ọnịrị avị edivi ẹ kuku hi hi ịnị ẹtẹ aza amị nị. Mị ka wee sụ ùnè nịnị agụvị ẹkụra ọnọnị ana aza vịdị hi ịnị anị dị ẹ yaa mẹrị, dị ẹ yaa jẹ.

Ayịsaya 34:13

Avị edivi ọnịrị ikeyi e venee nyii hi ịzị irehi ẹbanyị-ẹbanyị ọnịrị irehi ana aza naa tẹ ẹnị vịdị hi nị. Uye edivi ọnịrị inomi nịnị e venee hi ịzọọ nị.

Ihoseya 10:2

Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 10:9

Ẹnẹyịmavara kà a Anisirẹrị nịnị ẹ yị va tụ́ ụvọ hụụnị ebira odivi hụrị ụmẹ Anigibiya. Agụvị avọọ e vee vu wa ẹtẹ Igibeya ịzọọ.

Ihoseya 2:6

Agụvị avọọ Ẹnẹyịmavara vaa sị igegenechi jị ọvọ gu ọ hi, dị asị o re oze zị.

Ihoseya 4:13

Ẹ yaa mẹ̀ ịsọvọ ịrẹsụ ataba ọnịrị otutu zịịzị, ẹ yaa mẹ̀ iruvo ọchị oki ọnịrị aha tụra aha ọnị uhuhu anị zoza. Agụvị avọọ, ezi ẹnịnị anẹẹ ọnịrị ose ezi ẹnịnị aa sẹ̀ ịrẹka nị.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 5:8

Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.

Ihoseya 9:6

Ẹnịnị ẹ̀ẹ daka há hụụnị ụvọ Anasiriya nịnị, Anigipiti nịnị vaa wụ̀ wa, di e ne wa tụ Imemihwisi nị. Isiriva ana vị ogu ẹnịnị vị ana avị vaa za rị, dị igegenechi hụ̀ va jịnẹ eburu ajẹngụ ẹnịnị.

Emọsị 1:5

Avọọ ọnị mẹ̀ rẹ vaa gara oze ọbanyị ana na ngụ Ịdamasịkọsịị ha nị. Aza ana ra ịnị osusuu Aveni ọnịrị ohinọyị Ịbẹtị-Edeni vi ene vee vú ẹtẹ. Anisiriya nịnị vị ana vaa za ọrịhị nọ ẹkụra ana aā hị́ Ikiri.”

Emọsị 3:14

Ọ kà ịhị ọnị aa sị ụya rị wa agụvị ebira odivi ẹnịnị aanị ye. Dị ọnị wú ụta ori ẹnị e hi tụ Ịbẹtẹrị. Dị ọnị da ọgọọgọ ụta ẹnẹẹ va hi eteesu.

Emọsị 7:9

Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

Imika 1:13

Ẹwụ nịnị ene hi Irakisi, kuru umaata za ịkẹkẹ anị nịnị Wâ hama Anisirẹrị mẹ̀ ebira odivi ana mẹ ka Ijerusarẹmị ộ akamawụ.

Imika 1:5

Avaba ịsa ẹnẹnị ệ mẹ̀ tụ́ ezi Ijekọvụ agụvị ka ệ mẹ̀ ebira odivi ọnịrị akamawụ hi Ohomorihi. Ẹnẹ nyị ohuvọ akamawụ Isirẹrị? Aa vị aza ene hi Ịsamarịya! Ẹnẹ rị ịvị ori ọyị hẹkẹ ịnị ẹtẹ Ijuda? Aa vị aza ene hi Ijerusarẹmị!

Ịnahụmị 3:11

Anininivẹ vaa vanga anka ọza ọnị eche aa mẹrị avọọ. Ẹ vaa sị vụrụ ka ẹnị e zwe ẹ̀ yị ọnịvị ẹnịnị nị.

Iruuku 23:30

Ụmẹ ọnọọ, aza vaa kà a yị ataba ka: ‘Aarịhịnị, wú za yị! dị ẹ rẹ kà a yị ataba oweyi ka ọ̀ và kú ẹnị za ẹtẹ’

Iwe Ọhụhị Imosiisi ana aa hị́ Ọyịvatụrọda 9:21

Ịvị ọ vị ka Anisirẹrị nịnị ẹ sị enyusẹ mẹ imaaru dị ọ vị uyi ori ẹnịnị nị. Agụvị avọọ ọnị rị ọ ịra, dị ọnị mẹ ka aa kwọ ọ, dị a va atịtọ anị hi enyi ene sì vaa chi hụrẹ ịrẹsụ ataba nị.

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

Ẹtore 9:6

Aza vee sì isu ụmẹ ọnọọ di e yi re e; aza vaa vá ụva ka ẹnị è sú, ama isu vee zwee kanaa yị wa.