Ihoseya 10:6 - IWE ỌNỊNỊ

⁶ Ori ẹnịnị vị ana a vaa sị nọ Asiriya na mẹ ohinọyị ọbanyị ịzọọ ẹyịza. Anisirẹrị vị ana a vaa mẹ̀ ụhị nyị agụvị ori ọnị ẹ yaa hẹkẹ.

Ihoseya 10:6 ပူးပေါင်းရင်းမြစ်များ

2 Ohinọyị 17:3

Isarimanẹsẹrị ohinọyị Ásiriya ộ kụ́ ịrẹkụ tu Ihoseya, dị Ihoseya hụrẹ ẹngụ anị ụvọ yọ nị. Ihoseya vị ana vanaa kụ ịsa naa yọ ịrayị-ịrayị.

Ijoovu 18:7

Ahụ ọnị aza edivi ee hu gaa-gaa vaa tụ ọkụmị. Ajuwe ẹngụ ẹnịnị ọ́ vaa gụ wa hyẹdụ nị.

Ayịsaya 1:29

Avaba ẹwụ nịnị ana na hẹkẹ ọdụ ọnịrị ịsa ana mẹ hi ịnị ụbazị vaa sị ụmayịyẹ. Ụ mẹ ka ịnị ụbazị ayị awụ nịnị kụkụ yà aanị nị, ụhị ọ vaa nyị wụ nịnị nị.

Ayịsaya 30:3

Ohinọyị Anijipiti ọ yị va zụụ gụ wụ nịnị ụvọ, ama vị ọ vaa mẹ ụhịị nyị wụ nịnị nị. Mị ka ụsẹ ụtẹ ọ vaa sị wụ nịnị zị nị.

Ayịsaya 45:16

Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa.

Ijeremaya 48:13

Ịjọnọọ dị ụhị ori Animowabi nịnị ana aā hị́ Ikẹmọọsị aa nyị wa. Avọọ ụhị mẹ nyị Anisirẹrị nịnị ẹ́ mẹ sị ayị tụra Ịbẹtẹrị nị.

Ijeremaya 7:24

Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ezikẹẹrị 16:28

Ka aza ana vọ ẹnẹ ẹwụrị aa sẹ̀ ịrẹka ẹ́ yị hụ wụ, dị u ree zwèe ka Anasiriya nịnị na nị. Ẹwụrị wa dudu aa sẹ̀ ịrẹka ama ẹ́ yị hụ wụ.

Ezikẹẹrị 36:31

Ụ vaa tamayị avaba ẹhẹ odivi ọnị ụ vịdị rá nịnị, ọnịrị ebira ene è yị zoza ọnị ụ vịdị mẹ nịnị. Ịrẹyị ẹngụ awụ nịnị vee du wu nịnị eyi agụvị ebira odivi awụ nịnị.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.

Ihoseya 4:19

A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.

Ihoseya 4:7

Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa.

Ihoseya 5:13

Ịjị e re ụkụ ọnịrị ụnava ẹnịnị, dị ẹ nọ Asiriya ne tu ohinọyị ọbanyị ama ẹ yị va zụ gụ wa ụvọ a vị dị ọ mẹ ụkụ ẹnịnị yị wa.

Ihoseya 8:6

Ọza ọ bẹ ọchị ọnị ẹ yaa hẹkẹ avọọ nị. Ori kẹnẹ ọ vị nị, agụvị avọọ ọnị aa chaka a rugurugu ha.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.