Ihoseya 10:2 - IWE ỌNỊNỊ

² Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ihoseya 10:2 ပူးပေါင်းရင်းမြစ်များ

1 Ohinọyị 18:21

Di Erija tere pè avaba aza ẹnẹẹ dị ọ ka Ị́zị ụ maanị vaa mẹ ayị ẹẹva nee tù nịnị? Àa vị Ẹnẹyịmavara ọ vị Ohomorihi nị, waā saasa a nịnị! Àa rẹ va vị Ịbaarị yọ nị, waā saasa a nịnị! Aza ẹnẹẹ e yi tụ́ Erija ohi vụrụ-vụrụ.

Ọyịkụra 23:24

Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa.

Ụhịrẹyị 11:18

Ebira odivi ẹ yị nyị ọgụ ama ọnịzẹyịza vaa dọ ọgụ ọyịza.

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ijeremaya 43:13

Ẹnẹyịmavara kà, ọhẹ ana a sị ịrẹta mẹ tụ ịzị aā hị́ Iheriyoporisi ẹtẹ Ijipiti, ẹnẹ ẹ yaa hẹkẹ avọọ, vị ọnị ohinọyị Ịbabịrọnị vaa chaka rugu-ruguu vàa ha. Dị ọ rị irehi ori Anijipiti nịnị ịra va ha.

Ezikẹẹrị 14:5

Avaba ori ẹnẹẹ ẹ sị Anisirẹrị nịnị tụra hụrị ọnị ẹngụ, ama ọnị ee sì ka ọnị ọ̀ sị ohi yị wa, dị ọnị ò si tura wa va ka ẹngụ anị vẹ.

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 7:8

Anehwireemi nịnị ẹ̀ raà kụ ẹngụ vahụra anikinami nịnị. Ẹnịnị sị mẹ anka Ịbụrẹẹdị ọnị ọza ẹ yị vara ana rị ịra eyi ụkụha ọnya avọọ nị.

Ireevi 26:30

Ọ kà ịzị ẹyaa mẹ ahẹkẹ ịrẹsụ ataba vị ọnị ọnị vaa garaa ha, dị ọnị che ụta ẹnẹ ẹẹ̄ rị eturare ịra ịnị anịị va ha. Oku ẹnịnị vị ọnị ọnị vee ne vàa ku ori ẹnịnị ịrẹsụ. Ẹnịnị vị anaā vana nyị ọnị ịhyẹrẹ

Imika 5:13

Ọ kà ọnị rẹ vaa chaka ori ọnị ụ bẹ nịnịị ha Dị ọnị gara ịrẹta ọnị waa hẹkẹ nịnịị ha. Ọ kà we mē vene ku ẹtẹ kụ́ ịsa ọnị ụ sị ụvọ awụ nịnị mẹ.

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ịzakaraya 13:2

Ịhị ọnọọ, Ẹnẹyịmavara Ochẹtẹẹngụ kà ọnị vaa kụ́ ịrẹha ori hụrẹ ẹtẹ, dị ayị ẹnịnị hí. Dị ọnị rẹ kụ́ aza ana hị́ ẹngụ ẹnịnị ọnịsẹ ẹnịrị ọyị hẹkẹ ori nịnị hụrẹ ẹtẹ.

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Iruuku 16:13

“Ozi ahụ ọnya ọ yị nyẹngụ aa hẹkẹ ọga ẹẹva. Ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ wa rẹẹ hẹkẹ ẹkẹhị nịnị.”

Ijemiisi 1:8

Anayẹẹva ọ mā jẹẹ aha ọnya pooro.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

1 Ịjọọnụ 2:15

Asị ụ sị eyi tụ́ ịnị ịsa ẹhẹ ọnịrị ịsa ene hi ini ẹhẹ. Ọza ana àa sị eyi tụ́ ịnị ịsa ẹhẹ, o yi kuku zụ sì ịrẹyị Ohomorihi Ada ayị.

1 Ịsamụwẹrị 5:4

Ẹnẹnẹ eyinẹhẹ anị, dị ẹ rẹ nọ ini eehi Ịdagọnị ori ẹnịnị nị. Di e re ne tù ka Ịdagọnị ọ rẹ sị hyẹdụ, di o và eyi kú ẹtẹ tụ́ ọvịdị Apoti Ẹnẹyịmavara nị. Dị ịrẹsụ anị ọnịrị ụvọ anị kụ́ swẹ va hi enoze nị. Dị ahịka igugu ori ọnọọ kẹnẹ ọ kụkụ vọ nị.