Ihoseya 10:14 - IWE ỌNỊNỊ

¹⁴ Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Ihoseya 10:14 ပူးပေါင်းရင်းမြစ်များ

Oyinyima 32:11

Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị.

2 Ohinọyị 17:16

Ẹnịnị ệ jịnẹ avaba ọda Ẹnẹyịmavara Ohomorihi ẹnịnị, dị enyusẹ mẹ ezi imaaru ẹẹva ẹnẹ ẹyaa hẹkẹ nị. Ệ rẹ mẹ uyi ori ọnẹẹ ana aā hị́ Asẹra, ệ hẹkẹ ụzọmị nịnị ọnịrị ori ana aā hị́ Ịbaarị.

2 Ohinọyị 17:3

Isarimanẹsẹrị ohinọyị Ásiriya ộ kụ́ ịrẹkụ tu Ihoseya, dị Ihoseya hụrẹ ẹngụ anị ụvọ yọ nị. Ihoseya vị ana vanaa kụ ịsa naa yọ ịrayị-ịrayị.

2 Ohinọyị 18:33

Áá nyị ori anẹkụra ọnyọọnyị ana dọ ẹtẹ ẹnịnị ha hụụnị ụvọ ohinọyị Ásiriya da?

Ayịsaya 17:3

Ẹnẹyịmavara Ochẹtẹẹngụ kà ọvọ ana kara ẹkụra Anisirẹrị vee wuu vaa ha. Anẹkụra ọsa ọ vaa mẹ ịjọva tụra Anịdamasịkọsị ịrẹsụ nị. Anisiriya nini ana ha vị ana vaa yà ịnị ụhị anka Anisirẹrị nịnị avọọ.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ihoseya 10:15

Ẹngụ ịsa odivi ene vee tù Anịbẹtẹrị agụvị ebira odivi ẹnịnị yị. Ohinọyị Anisirẹrị vị ana vaa wụ̀ ịjịjọọ ọnị ịrẹkụ o nyima kẹnẹ.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Emọsị 3:14

Ọ kà ịhị ọnị aa sị ụya rị wa agụvị ebira odivi ẹnịnị aanị ye. Dị ọnị wú ụta ori ẹnị e hi tụ Ịbẹtẹrị. Dị ọnị da ọgọọgọ ụta ẹnẹẹ va hi eteesu.

Emọsị 3:8

Idu òo na owu, ene éé yi vee hí angwa? Ẹnẹyịmavara Ohomorihi ọ̀ọ kà ịrẹyị, ẹnẹ zụ za ka ọnị ẹ yị ka ụtụ ọnọọ?

Emọsị 9:5

Ẹnẹyịmavara Ochẹtẹẹngụ Ananyị yị, Ọ sị ụvọ kanyị ẹtẹ kẹnẹ dị o su enyi, dị avaba aza aa zị ẹngụ nị. Ẹtẹ va sị mẹẹ́ irehu Ịnayịrị Ijipiti enee hi dị ọ hụ avọọ nị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Ịnahụmị 3:10

Anẹkụra ẹnẹẹ ẹ yị va zụ za ka asị a za Anitebesi nịnị ọrịhị na ngụ ẹkụra ọsa. Ezweyi ẹnịnị vị ene vee tụ́, dị aa wụ̀ wa va hi avaba oze ene hi ịnị ẹkụra. Aza ọkọọka ẹnịnị vị ẹnẹ ẹ vaa ga hi ẹngụ ụvọ. Dị ẹ tụ wa ẹchẹkẹchẹẹkẹ, dị ẹ kụ́ wa nọ ẹkụra ọsa.

Ịnahụmị 3:12

Avaba aha ọyịtẹ̀ ẹnịnị sị mẹẹ anka ọchị ihwigi ọnị ẹtụtụ ịpaapa vi hi ịrẹsụ anị avọọ nị. Èe ziizi ọchị anị kẹnẹ dị ẹ hụrẹ va hi ẹtẹ yị ọza ọnọọ, dị ọ rị ọ.

Ihabaku 1:10

Ẹnịnị vi eneē nyị ohinọyị anẹkụra ana vọ unyi. Dị ẹ yaa mẹ̀ ọdọvịdị ẹnịnị isiya nị. Ẹkụra ẹbanyị-ẹbanyị ana aa jị ọvọ ọgọdọ kara vị ọnị ẹ yaa sị mẹ̀ ị̀yẹ̀ẹyẹ̀. Dị ẹ kụ́ èzi na hịrẹ ọvọ dị ẹ ngụ ẹkụra, dị ẹ rị ọ.