Ihoseya 10:10 - IWE ỌNỊNỊ

¹⁰ Ộ kà ọnị a va eyi ịrazị ka wa. Ọnị vaa tụ́ isoja anẹkụra ana vọ ka ẹ sị ụya rị wa agụvị ka ẹnịnị ẹ̀ mẹ ịvị ẹnẹmẹhị.

Ihoseya 10:10 ပူးပေါင်းရင်းမြစ်များ

1 Ohinọyị 12:28

Ịjị ohinọyị maanị sị ọ ro, dị ọ va sị igooru dị ẹ sị mẹ imaaru ẹẹva nị. Ịjị ọ sị wa mẹ, dị ọ kà a yị Anisirẹrị dị ọ ka, “O si ku ọnị ụ hụrẹ aa nọ Ijerusarẹmị nịnị, ô zee ọgọnị. Re ẹẹmẹ ana jẹẹ aanị, Ohomorihi awụ nịnị ọ vị ọnọọ nị, ẹwụ nịnị Anisirẹrị. Ẹnị ẹ kụ́ wụ nịnị jịnẹ hụrẹ Ijipiti vẹ nị.”

Ijoovu 39:10

Ijoovu ọ́ọ́ zụ tụ́ ẹya ọkẹkẹrẹ ka ọ huru ẹtẹ yị ọnị kẹ? Ọ́ọ́ zụ za a jị ịrụkụ kẹ?

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ijeremaya 21:4

ẹ̀ na kà a yị Ịzẹdẹkaya ka Ẹnẹyịmavara, Ohomorihi Anisirẹrị ka, ọnị vaa và ẹnya ịrẹkụ ana yà ịnị ụvọ Ịzẹdẹkaya eyii kà a, ẹnya ịrẹkụ enee sii pe ohinọyị Ịbabịrọnị ọnịrị aza anịị kụ ịrẹkụ avọọ. Ọnị vaa kụ wa gụ ịnị akakana Ijerusarẹmị.

Ezikẹẹrị 16:37

ịrẹyị ọnọnị, ọnị vaa kụ aza ẹnẹ ẹwụrị vịdịị sẹ̀ ịrẹkaa gụ, hi ọnị ụ sì ịrẹyị anị ọnịrị ọnị wee kuku sì ịrẹyị anị. Ọnị vaa tụ́ wụ ahwaahụ, dị ẹnịnị è ré ahwaahụ awụ.

Ezikẹẹrị 16:42

Ịjọnọọ, ayị anị vee hunẹnẹ, dị ọnị ẹ́ yị kụkụ kụ ayị. Ọnị ẹ́ yị kụkụ vaa kụ ayị, ọnị ẹ́ ma rẹ vana hụvị awụ nịnị kụ ụhị.

Ezikẹẹrị 23:46

Ẹnẹyịmavara Ananyị ụkata hu ka, à hàrà aza vẹ ene vee chire anẹẹ ẹnẹnị angwa, dị ẹnịnị ẹ̀ sị ụkata dọ wa ịsị ẹ nyị.

Ezikẹẹrị 23:9

Avọọ ọnị Ẹnẹyịmavara ộ hụrẹ ẹ ụvọ yị onyeehi Anasiriya nịnị ọnị ọ vavọọ aa dụ gògògò avọọ.

Ezikẹẹrị 5:13

Aanị ọnị mẹ vaa kụ́ ayịị hi wa dị ọnị sị họ̀ oponu ịrẹyị ẹngụ anị, dị ayị anị ọ̀ nẹtẹ nị.

Ihoseya 10:9

Ẹnẹyịmavara kà a Anisirẹrị nịnị ẹ yị va tụ́ ụvọ hụụnị ebira odivi hụrị ụmẹ Anigibiya. Agụvị avọọ e vee vu wa ẹtẹ Igibeya ịzọọ.

Ihoseya 4:19

A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.

Ihoseya 4:9

Ẹnẹyịmavara kà ọnị vaa sị ụya ọnyọọnya rị aza ọnịrị ohirẹsụ irehi anị nịnị, dị ọnị sì wa ụta ebira ẹnị mẹ̀.

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ihoseya 8:10

Ẹnẹyịmavara kà ẹnịnị ẹ̀ẹ daka ná ẹngụ ẹnịnị yị anẹkụra nịnị, ọnị vaa kụ wa gụ. Ẹ yị vaa jẹẹ dị ohinọyị ọnịrị ọdọvịdị Anisiriya nịnị pa ẹva yị wa.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.