Ihoseya 10:1 - IWE ỌNỊNỊ

¹ Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ihoseya 10:1 ပူးပေါင်းရင်းမြစ်များ

1 Ohinọyị 14:23

Ẹnị ẹ rẹ da aha ọnẹba, di e hi ọhẹ, dị ẹ rẹ nyị ori ana aā hi Asẹra hi avaba ịnị ataba ọnẹba ọnịrị hi avaba iruvo ọchị ana avị anị vị ohwoohu nị.

Ijeremaya 11:13

Ẹnẹyịmavara kà, ẹwụ nịnị Anijuda, avaba ẹkụra awụ nịnị vị ana kụkụ nyị ori ẹnịnị. Avaba oze ene hi Ijerusarẹmị vị ẹnị ẹnị re hi ụta hi. Ịnị ụta ẹnẹẹ ẹ yaa mẹ̀ ịsọvọ yị ori ana aā hị́ Ịbaarị nị. Ori ọnọọ vị anaa nyị ọza ịhyẹrẹ.

Ijeremaya 11:17

Ọnị Ẹnẹyịmavara Ochẹtẹẹngụ ene chire wu nịnị, ọ sị ọ ka ka vị ọnị ee vu wu nịnị ẹtẹ nị agụvị ebira odivi ọnị ẹwụ nịnị Anisirẹrị ọnịrị Anijuda aa mẹ nịnị. Ọ kà wa sị ayị mẹ kụ ọnị nịnị agụvị ka wa naa mẹ̀ ịsọvọ yị Ịbaarị nịnị.

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 12:8

Ẹnịnị aa kà a ka ẹnị ẹ nyị ẹkẹhị ama ẹ yị nyị ọza ana zụ za ẹnịnị ka ẹnị aa mẹ̀ ọza rị, dị ọ va vị ịvị yị ẹnị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 13:2

Booro aanị, ẹnịnị vị ana dà ụvọ tụ́ ịnị ụvọ hu avọọ ịnị ebira odivi ẹnịnị. Ẹnị ụvọta e kuku aa sị ụvọta ẹnịnị sị́ enyusẹ isiriva tụ́ ọnyọọnọkụmị ori ẹnịnị nị. Ẹnịnị vị ana aa mẹ̀ ịsọvọ yọ ori ẹnẹẹ, dị ẹ yaa ku ụnọ ene e tụ jẹẹ irenu.

Ihoseya 13:6

Ama ịjị ẹ sị ịsa rị, dị ịnẹ sị wa ha, dị e yee wu, dị ayị anị hi wa nị.

Ihoseya 2:10

Ẹnẹyịmavara kà ọnị vaa tụ́ wa ahwaahụ eyi aza ana vị onyeehi anị nị. Ộ kà a yị nyị ọza ana vaa zụụ dọ ọ ha.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 4:7

Ẹnị ohirẹsụ irehi anị maa rụrụ hu avọọ, avọọ ịvị ẹnịnị maa banyị hu avọọ nị. Agụvị avọọ Ẹnẹyịmavara kà ọnị aa vara ịsị ẹ vị ụbanyị ẹnịnị ụhị yị wa.

Ihoseya 8:11

Anisirẹrị nịnị vee hí ụta rụrụ ịzị ẹ vaa mẹ̀ ịsọvọ ịvị ẹnịnị. Ama ụta ẹnẹẹ vaa vị aha ịzị ẹ vaa ya mẹ̀ ịvị.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ireevi 26:1

Ẹnẹyịmavara ộ kà a yị Anisirẹrị nịnị ka, à sị ẹnịnị mẹ ori nịnị yị ẹngụ ẹnịnị o. À sị ẹ sị ụmọmọ ịsa ọnyọọnyị jẹẹ, à sị ẹ́ sị ịrẹta mẹ ọhẹ jẹẹ, à vị ka ẹ̀ bẹ́ ịrẹta jẹẹ ịnị ẹtẹ ẹnịnị dị ẹẹ vàa ku ẹtẹẹ yị ọ o, agụvị ka ọnị ọ vị Ẹnẹyịmavara Ohomorihi ẹnịnị nị.

Ịnahụmị 2:2

Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

Anihwiripi 2:21

Ọzọza vị ene ee sì ẹ́ẹngụ anị kẹnẹ. Ẹnịnị ẹ yị tẹsị ịrẹyị Ikirisiti.