Ihoseya 1:7 - IWE ỌNỊNỊ

⁷ Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ihoseya 1:7 ပူးပေါင်းရင်းမြစ်များ

2 Ohinọyị 19:29

Dị Ayịsaya va kà a yị ohinọyị Ihezekaya ka: Apọtẹrẹwa ịsị ẹ vaa mẹ yị: Ayịrọnị ọnịrị ụpọsa, apaapa ana chị́ hi ịnị avị kẹnẹ ụ vaa rị nịnị nị. Ama ịrayị anaa vaa tụra a vẹ u ve zuu chire apaapa awụ, dị ụ ha a. Ụ vee chire ụbazị ịvayịnị, dị ụ ha ẹtụtụ anị.

2 Ohinọyị 19:34

Ọnị vee sere ẹkụra ọnọnị, dị ọnị ẹ ị zẹẹ ka à nyị ịsị ẹ mẹ̀ ẹ. Ọnị vavọọ vaa mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

2 Ohinọyị 19:35

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

2 Ohinọyị 6:18

Ịjị Anisiriya nịnị ẹnẹnị kụ ịrazị ve tu Erisa, dị ọ mẹ̀ aduwa hi Ẹnẹyịmavara, dị ọ ka, aarịhịnị ò gu wa eyi nị. Ịzẹyịza, dị Ẹnẹyịmavara gù wa eyi anka Erisa mẹ̀ kà nị.

Ahẹ Ụgama 33:16

Vị isoja mẹ̀ sị rụrụ, ohinọyị sị rị ịrẹkụ Ộ! vị ụkata isoja ọ zụ mẹ ka asị ịrẹkụ rị ọnị.

Ahẹ Ụgama 44:7

Ama ẹwa mẹ ka ye huna ọnịvị ayị dị ụ mẹ̀ ụhị nyị wa yị nị.

Ọyịkụra 14:13

Di Imosiisi tụ́ aza ẹnẹẹ ohi dị ọ ka, “Asị u hí angwa nịnị. Ọzọza ò tenyi ẹngụ anị jẹẹ ka u vee re Ẹnẹyịmavara mẹ̀ vaa dọ yịị tụ́ ajịnị. Anijipiti ọnị ụ maanị ee re nịnị aanị, we mē vene re wa nịnị.

Ọyịkụra 14:30

Ịhị ọnọọ Ẹnẹyịmavara ộ dọ Anisirẹrị tụ́ hụụnị ụvọ Anijipiti nịnị. Di Anisirẹrị re ka Anijipiti ê sú va hi ụtọ oku nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 25:5

Ọnịsẹ ẹnẹẹ ệ kà a wụ nịnị ka wa và hụụnị ẹhẹ odivi ọnị waa rá nịnị ọnịrị ebira odivi ọnị waa mẹ nịnị. Ẹ ka wa và hụụnị anị nịnị agụvị dị wa yị zụụ ra ịnị ẹtẹ ọnị Ẹnẹyịmavara sị yị ẹwụrị ohiku awụ nịnị pooro aanị.

Ijeremaya 25:6

Ọnịsẹ ẹnẹẹ ka asị ụ rẹ hẹkẹ ori nịnị, dị asị ụ kụ hẹkẹ wa nịnị ka ụ va sị ịsa ọnị ụ sị ụvọ awụ nịnị mẹ mẹ ayị kụ Ẹnẹyịmavara nịnị. Wàa yaanị saasa ịrẹyị Ẹnẹyịmavara nịnị, ẹ́ yị yaanị sị ụya rị ụ nịnị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ihoseya 1:8

Ịjị ozi ọnọọ sị vịra, dị Igoma rẹ zyẹẹ ọsa, dị ọ ma a ọnọrụ nị.

Ihoseya 11:12

Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

1 Ịsamụwẹrị 17:47

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”