Ihoseya 1:4 - IWE ỌNỊNỊ

⁴ Dị Ẹnẹyịmavara kà Ihoseya ọ̀ yị́ ozi ọnọọ Ijezirẹẹrị. Ộ ka agụvị ka ọ yị vee ku dị ọnị ọ̀ sị ụya rị evere Ijehu agụvị aza anị ọnị Ijehu wụ̀ Ijezirẹẹrị. Ọ kà agụvị avọọ ọnị vee vu Anisirẹrị nịnị ẹtẹ.

Ihoseya 1:4 ပူးပေါင်းရင်းမြစ်များ

2 Ohinọyị 10:1

Ụmẹ ọnọọ, evere ezi Ahabị ẹtarẹwụ hi Ịsamarịya. Ijehu ộ chẹrẹ iwe tu hi wa, ẹnịrị ọdọvịdị Ịsamarịya ọnịrị Ijezirẹẹrị nini beri ẹnị enee sere ezi Ahabị. Ọ kà,

2 Ohinọyị 10:17

Ịjị ẹnịnị tu ịzọọ, Ijehu ộ wụ̀ avaba anda Ahabị ene hi Ịsamarịya, ikonyara ẹ yị vẹtẹ. Aanị Ẹnẹyịmavara mẹ̀ vịdị kà a yị Erija ka ịrẹyị ọnọnị vaa mẹ nị.

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

2 Ohinọyị 15:8

Ịnị ana tụ ọ ịrayị ohurẹẹwụ tụra ịhịnta ọnị Uziya rị ohinọyị Ijuda, Ịzakaraya ozi Ijerobowami ọhụva ộ rị ohinọyị Isirẹrị. Ịsamarịya ọ yà mẹ ohinọyị anị ụhwẹ ịhịnọnyị nị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ayịsaya 8:3

Ụmẹ ọnya di ose emi ee zyẹẹ nị. Ộ ma ozi ọnọrụ ọnya, dị Ẹnẹyịmavara kà, “Ịrẹha anị ọ rị Ịmahẹrị-Ịsararị-Ịhasị-Ịbazị nị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 20:3

Ijeremaya ka, ẹnẹnẹ eyinẹhẹ anị, Ipasihuri mẹ raa hụrẹ ọnị ụvọ, dị ọnị kà a yọ ka, ẹ́ yị vị Ẹnẹyịmavara ọ sị ịrẹha yọ ka ọnị ọ rị Ipasihuri. Ịrẹha ọnị ọ sị yọ ọ vị ochire ọza angwa avaba aha nị.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ezikẹẹrị 23:10

Ẹnịnị ệ tụ ọ ahwaahụ, dị ẹ ku ezi anị anọrụ ọnịrị anẹẹ nị. Dị ẹnịnị si ụ̀hwọ̀ wụ̀ ọnị ụvọta nị. Ireyi ene tu ọ aanị vị ọnị avaba anyẹnẹẹ ana vọ kụkụ aa kà avaba aha.

Ezikẹẹrị 23:31

Ẹwụrị onyeyiza awụ ọ zị ụsẹ ọnyọọnya nị, agụvị avọọ, ụya ọnyọọnya ọnị raa sịị rị ẹwụrị ọ nị.

Ihoseya 1:6

Dị Igoma rẹ varẹma zyẹẹ dị ọ ma ozi ọnẹẹ nị. Dị Ẹnẹyịmavara kà yị Ihoseya ka ịrẹha ozi ọnọọ ọ rị Iro-ruhama ọnị iruvo anị ọ vị “Ẹ yị nyị ayamva”. Ẹnẹyịmavara kà ọnị ọ yị kụkụ vaa vayị Isirẹrị dị ọnị ọ hyakụ vaa vagu wa.

Ihoseya 1:9

Dị Ẹnẹyịmavara yị ozi ọnọọ ịrẹha ka Iro-Amị ọnị iruvo anị vị “Wẹ yị vị aza amị”. Dị ọ kà Anisirẹrị nịnị ẹ yị vị aza anị, dị ọnị ẹ yị rẹ vị Ohomorihi ẹnịnị nị.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ihoseya 2:22

dị ẹtẹ mẹ̀ akụ, dị Igirepi ọnịrị orivi tụ́ hi ẹtẹ ịnozi Ijezirẹẹrị.

Ihoseya 9:17

Isirẹrị ộ mẹ̀ akamawụ yị Ohomorihi anị. Ộ ka booro aanị ọnị vaa sị ụkata-ụkata dụ wa ka ẹ ngụ ẹkụra-ẹkụra zịịzị.

Emọsị 9:8

Ẹnẹyịmavara, Ochẹtẹẹngụ ka ọnị ô re avaba udivi Anisirẹrị nịnị. Agụvị avọọ ọnị vee vu wa ẹtẹ dị ahịka aza chee ẹnịnị kẹnẹ ọnị navọ tụ́ ẹhẹ nị.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Iruuku 1:13

Dị anggẹẹrị ọnọọ kà a yọ ka, “Ịzakaraya, asị u hí angwa agụvị ka Ohomorihi ọ raà wụ́ aduwa awụ. Erizabẹẹtị ose ewu vaa ma ozi ọnọrụ ọnyaa yị wụ, Ịjọọnụ ụ vaa yị ọ nị.

Iruuku 1:31

U vee zyẹẹ dị ụ ma ozi ọnọrụ ọnya, Ijeesu ụ vaa hị́ ịrẹha anị nị.

Iruuku 1:63

Dị Ịzakaraya ka à sị ọparị yị ọnị nị. Â sị ọ yọ, dị ọ chẹrẹ ịrẹha anị ka, “Ịjọọnụ ị́rẹha anị rị nị.” Di o hí avaba ẹnịnị irenu nị.

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Ijosuwa 19:18

Ịnị ẹtẹ ẹnịnị ẹkụra ẹnẹnị hi nị: Ijezirẹẹrị, Ichesuroti, Isunemi,