Ihabaku 3:2 - IWE ỌNỊNỊ

² Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ihabaku 3:2 ပူးပေါင်းရင်းမြစ်များ

Ahẹ Ụgama 85:6

Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.

Arụwẹ 3:32

Ọ̀ọ daka kụ ayodu tu yị, ọ rẹ vaa vayị anị, agụvị ka oō sì ịrẹyị ọza ẹtẹẹtẹrẹ.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Anihwiripi 1:6

Máa yẹ kaakara ka Ohomorihi ana maanị nyima aa mẹ̀ ịsa ozoza ọnọnị nịnị ayị awụ nịnị vaa mẹẹ nee tù ịrẹsụ pooro ne tù ẹkụhị ọnị Ijeesu Ikirisiti vaa sị vaa vẹ.

Ijeremaya 10:24

Ọ kà, Ẹnẹyịmavara ọ̀ navọ ọ sị ịzẹyịza vọrọ ẹnị zị oze. Asị ọ sị ọyịkụ sị ụya rị ẹnị ka ẹyịvavọọ vị ee vu ẹnị ẹtẹ nị.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ayịsaya 54:8

Ayị ộ kụ́ mị, dị mị navọ ụ tịtẹ ụmẹ chee nị, ama mị vaa sị zụ̀ wụ m mẹmẹ sì ịrẹyị awụ pooro. Ẹnẹyịmavara ana dọ wụ ha, ọ kà avọọ nị.

Ahẹ Ụgama 119:120

Angwa awụ vi ene ee hí mị, dị ẹngụ amị aa dá ẹgahị agụvị ọkarẹyị ọnị ụụ̄ mẹ.

Ịjọọnụ 10:10

Oyi vị anaā vẹ kẹnẹ ka oni ò ve yi ịsa, dị ọnị ọ̀ wụ̀ ọza, di oni ò re du ịsa ha. Àa vị ẹmịị yọ, ẹmị vị ana vẹ ẹhẹ ka ma sị ẹhẹ obooro-obooro yị aza, ana ahịka ọza o yi zụ sị irenu juwe anị.

Ahẹ Ụgama 44:1

Ohomorihi yâ sị ụtọ ayị wụ́ ọ ohiku ayị nịnị mẹ̀ẹ kà a yị avaba ịsa ọnị ụ mẹ ịnị ụmẹ ẹnịnị ịnị ịyẹẹyẹ.

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ahẹ Ụgama 38:1

Ẹnẹyịmavara, navọ wa nyị isuuru, asị ụ sị ụya rị mị Navọ asị ụ zẹẹ ka ọyịkụ ọ̀ mẹ ka we tụ́ mi ipono.

Ẹzịra 9:8

Ẹ̀hụ ụmẹ chee aanị, ẹwụ Ẹnẹyịmavara Ohomorihi ayị wâ vayị ayị, dị ụ navọ ka aza ẹnyị ayị ẹ̀ ha hụụ ịzị a za ayị ọrịhị hi dị ya va ra hi aha ọnịnị ọnọnị nị. Wa raà kụ yị hụụnị ọrịhị dị ụ mẹ ka yaa ra ẹhẹ ọwọọwa nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Aniroomi 10:16

Ama ayị vị avaba ẹnịnị ẹ dọ enube ọyịza ọnọọ. Ayịsaya ộ vịdị kà a ka, “Ananyị yị, aza ẹ yị dọ enube ọyịza ọnị yaa kà, ọ!”

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ayịsaya 53:1

Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da?

Ahẹ Ụgama 78:38

Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị. Ọ yị wụ̀ avaba ẹnịnị ha. Ụpẹ ọsa ụpẹ ọsa Ohomorihi sii nyị isuuru nị ọ mà zẹẹ ka ọnị ọ̀ kụ́ ayị tù ịzị eyi za a ne tù.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Ịdanịyẹrị 8:17

Ịzẹyịza dị Igebirẹẹrị kà pe ọnị nị. Ọ mẹ kà pe ọnị, angwa ô hí ọnị, dị ọnị hyẹdụ va eyi ku ẹtẹ nị. Ama dị ọ kà a yị ọnị ka, ọnị ozi ọza, ọnị ọ̀ yẹ́ ka ẹtẹ ọnị ọnị re aanị vị ịrẹyị ụmẹ ọnị ẹhẹ àaa vaa ta.

Anihiburu 12:21

Ịsa ene e re ô hí wa angwa ẹtẹẹtẹrẹ. Di Imosiisi hyakụ kà a ka vị ọnị aa dá ẹgahị, ángwa mèe hí ọnị nị.

Ijoovu 42:5

Dị Ijoovu ka vị ọnị vịdị aa tana ụtọ wụ́ ịrẹyị anị nị. Ama ọnị ọ raa sị eyi anị re e booro aanị.

Ahẹ Ụgama 71:20

Ohomorihi, wâ sị eyi amị re ịrẹyị. Mâ rị ụya ana ngụ ajẹ, ama ụ vaa sị mịị varẹma kwẹẹtẹ, ụ rẹ vanaa sị mị kwẹẹtẹ hụụnị eteesu oni mi chì ngụ.

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

Ijeremaya 46:28

Ọ kà ọnị vaa vẹ dị ọnị vaa dọ wụ nịnị tụ. Avaba ẹkụra ọnị ọnị dụ wụ nịnị ne hi vị ọnị ọnị vee vú ẹtẹ. Ama ọnị é yị vee vu wu nịnị ẹtẹ. Ọ kà ọnị ẹ́ yị vaa navọ ka asị ụ rị ụya nịnị, ama ịhị ọnị aa sị ụyaa rị wụ nịnị, ọnị vaa vayị awụ nịnị.

Ihabaku 3:1

Aduwa ọnị Ihabaku mẹ̀.

Ahẹ Ụgama 25:6

Ẹnẹyịmavara, tamayị ka hụrẹ ụmọrụmọ vẹ vị ọnị ụụ̄ vayị ọza ẹtẹẹtẹrẹ; di u reē sì ịrẹyị ọza nị.