Ihabaku 2:4 - IWE ỌNỊNỊ

⁴ Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Ihabaku 2:4 ပူးပေါင်းရင်းမြစ်များ

Ahẹ Ụgama 49:18

Ọza ọ̀ọ yà ẹhẹ di ee zee yọ nị ọ nyẹngụ aa kà a ka ẹhẹ anị o si zoza dị aza hyakụ aa ga a bẹẹ.

Ayịsaya 13:11

Ananyị yị vaa sị ụyaa rị anẹhẹ agụvị ebira odivi ẹnịnị. Ọ vaa sị ụyaa rị aza edivi agụvị ebira odivi ẹnị ẹ yaa mẹ. Aza ẹnyị vi ene ee wù, dị ẹ yaa me eyii zị, dị ẹ rẹ yaa chamayịị yị ọza. Avaba ẹngụ ẹnẹẹ vị ọnị Ohomorihi vaa tẹ.

Ezikẹẹrị 18:9

Ẹnẹyịmavara Ananyị ụkata hu ka ọza ọnọọ àa sị ịzẹyịza saasa ịrẹyị anị, dị aa mẹ ịsị ọnị ọda anị kà nị, ọza ọnọọ ọ vị ọnịrẹyịzẹyịza nị, avọọ, ọ vaa yara.

Ịdanịyẹrị 11:12

Ịjị ọ̀ọ maanị sị ọkọnị aza ẹnẹnị za, dị ọ kụkụ e wu zị agụvị ka ọnị ọ raa nyị ẹbẹẹba. O re vee wu agụvị aza ọnị ọza ẹ yị zụ za ịrịka ọnị ọ wụ̀ va ha. Ama ẹ yị vavọọ va zụ nyị ẹbẹẹba pooro.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.