Ihabaku 2:3 - IWE ỌNỊNỊ

³ Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Ihabaku 2:3 ပူးပေါင်းရင်းမြစ်များ

2 Ohinọyị 6:33

Ọ maanị ee yii pe wa ka ịrẹyị kẹnẹ, dị ohinọyị va ngụ ịzọọ nị. Ộ vẹ, dị ọ ka, Ẹnẹyịmavara ọ kụ ẹngụkata ọnọnị tu ẹnị nị. Sị ẹ vẹ dị ọnị kụkụ aa jẹẹ zi ọ ka ọ̀ va gụ ẹnị ụvọ?

Ahẹ Ụgama 102:13

Mâ yẹ ka ụ vaa kwẹẹtẹ dị wa vayị Anịzayọnị ụmẹ ọnị ụ nyị ka wa sị vayị anị òo si tụ́.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ọyịkụra 12:41

Ịhị ọnị ịrayị akava tụra ohurẹẹwụ ọnọọ gụ gẹdẹ-gẹdẹ ịhị ọnọọ dị aza Ẹnẹyịmavara jịnẹ hụrẹ Ijipiti ogu-ogu nị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 7:4

Ọ kà òo ne si tụ̀ ọ dị ọ̀ kà a yọ ka ò si eyi pè ẹtẹ dị ọ̀ vayị nẹtẹ. Kà a ka asị o hí angwa. Kà a ka asị ayị hụrẹ ẹ ịnẹ agụvị ịrẹyị Irezini ọnịrị Aramị ana vi Iremaraya ana aa kụ́ ayịị hi wu. Ẹnịnị vị ana sị mẹẹ ẹjịjị ịra ẹẹva ana aa tụ́ areyi avọọ.

Ayịsaya 8:17

Ẹnẹyịmavara ọ yị kụkụ zẹẹ ka aza anị è re ọnị. Ama ẹmị aa jịị jẹẹ zi ọ, dị mị sị sị ayị tụra a.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ezikẹẹrị 12:25

Ama ọnị Ẹnẹyịmavara vaa kà ịrẹyị yị wa, ọnị ọ̀ọ kà a, dị ọ vara ọ̀yị mẹ nị.

Ezikẹẹrị 30:9

Ịhị ẹkụhị ọnọọ ó tu, dị asị Ijipiti vú ẹtẹ nị, ọnụtụ anị nịnị vaa ngụ ẹpa naa ngụ Anikusi. Ẹ vaa ha Anisudanii kwẹẹtẹ. Angwa vee hí wa, ịhị ụmẹ ọnọọ oo tu.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 11:27

Ohinọyị ẹyịva ẹnẹẹ vaa yaatụ rị ịsa aha ọnya ama ịrẹyị odivi obobooro vị ẹnẹ sị tụ ịnị ayị. Ẹnịnị vị ene vee cheeche yị ẹngụ. Ịsị e yèe si ẹ yị vee tu wa ụvọ agụvị ka ụmẹ ọnị Ohomorihi jị yị wa ẹ yị tu.

Ịdanịyẹrị 11:35

A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.

Ịdanịyẹrị 8:17

Ịzẹyịza dị Igebirẹẹrị kà pe ọnị nị. Ọ mẹ kà pe ọnị, angwa ô hí ọnị, dị ọnị hyẹdụ va eyi ku ẹtẹ nị. Ama dị ọ kà a yị ọnị ka, ọnị ozi ọza, ọnị ọ̀ yẹ́ ka ẹtẹ ọnị ọnị re aanị vị ịrẹyị ụmẹ ọnị ẹhẹ àaa vaa ta.

Ịdanịyẹrị 8:19

Dị Igebirẹẹrị kà a yị ọnị ka, ọnị aa sị zụ ọnị ịsị Ohomorihi vaa mẹ ịnị ọyịkụ anị. Ộ ka ẹtẹ ọnị re aanị vị ịrẹyị ụmẹ ọnị ẹhẹ àa va ta.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Odeyi 1:7

Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Anigaratiya 4:2

Ịjị ọ vị ozweyi, áa nyị aza ana sị eyi pee, dị ọ rẹ sị ụvọ za ụkọrọ anịị yọ pooro dị ò tù ụmẹ ana ada anị kà.

2Ipita 2:3

Ọnịsẹ ireche ẹnẹẹ vị eneyọhụrẹ, agụvị avọọ dị ẹyaa sị ịtọpa irechee vene wu nịnị, agụvị dị ẹ̀ zụ sị wụ nịnị sẹ ohu. O si kù ọnị ọmọkarẹyị ẹnịnị tenyi ẹngụ tịtẹ. Ụmẹ ana vọ aa chee aanị, dị à wụ̀ wa vá ha.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.