Ịdanịyẹrị 9:3 - IWE ỌNỊNỊ

³ Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Ịdanịyẹrị 9:3 ပူးပေါင်းရင်းမြစ်များ

2 Ịsamụwẹrị 12:16

Di Idevidi hụ agụvị ozi ọnọọ dị aa dá ịpẹẹ yi Ohomorihi nị. Idevidi ọ yị rị ịsa, dị ọ ngụ ịnị eehi dị ọ na hụtụ ini eteesu nị.

Ẹzịra 10:6

Dị Ẹzịra va hụụnị irehi Ohomorihi dị ọ na sụ ịnị eehi Ijehohananị ozi Eriyasibi nị. Ịsa ana Anisirẹrị nịnị mẹ ộ zị Ẹzịra ẹngụ dị ọ̀ yị rị ịsa dị è yi hú enyi nị.

Ẹzịra 8:21

Ụtọ okuha Ahava ịzọọ, Ẹzịra va ka ẹ yị aza ana gụ ka ẹ̀ za awẹ, dị ẹ̀ ka ẹngụ ẹnịnị chị, dị ẹ da ịpẹ ka Ohomorihi ò sere ẹnịrị ẹnya ẹnẹ ẹ kụ aa nọ Ijerusarẹmị nị.

Ẹzịra 9:5

Ịnị ụmẹ ịsọvọ oruva, dị mị yị yaayịtẹ ịzọọ ịnị ayị odu ọnịrị achị amị ana nà nị. Mâ jị Idunku kụ ẹtẹ, dị mị va ụvọ hịrẹ,

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ẹsịta 4:16

ọ̀ kụ́ avaba Aniju ọnị òo re gụ ẹkụra Isusa. Dị à kà yị wa ka asị ẹ rị ịsa, dị asị e hú enyi pooro na ngụ ẹkụhị ẹẹta. Ọ kà avọọ gẹdẹ-gẹdẹ ọnịrị ezi ahụ anị mẹ̀ rẹ vaa mẹ nị. Ịrẹma ẹsẹnị ọnị ve nee tù ohinọyị. Ọ kà ọnị ọ daka yẹ ka ọda ọ yi vavọọ zẹẹ; ọnị ọ̀ọ daka hụvị avọọ su, ọnị ọọ dọ.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ahẹ Ụgama 35:13

Ama àa vị ẹmịị yọ, ẹngụ àa zị wa, di mi chire awuru ana sị zụ̀ ka ayị amị vi ene dụ Dị mẹ yị zẹẹ ka ma rị ịsa, dị mị ká ịrẹsụ hi dị maa mẹ̀ aduwa.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ezikẹẹrị 36:37

Ẹnẹyịmavara Ochẹtẹẹngụ ka, ọnị vanaa zẹẹ ka Anisirẹrị nịnị ẹ̀ họ̀ ọnị use ka ọnị ọ̀ gụ ẹnị ụvọ. Ọnị vaa mẹ ka ẹnịnị ẹ̀ rụrụ atẹmẹ ọrụrụ ana aa pa avọọ.

Ịdanịyẹrị 6:10

Ịjị Ịdanịyẹrị sị yẹ ka â maanị sị ọda mẹ dị o si hu aa nọ ini eehi anị nị. Ô tụ ịnị eehi, dị ọ nọ ịrẹsụ ọtụrọsa, dị ọ na ozokete aku anị nị. Ozokete ọnọọ vana va eyi ka oze Ijerusarẹmị. Dị o ku ẹtẹ, dị aa mẹ̀ aduwaa hi Ohomorihi anka ọ mẹẹ̄ vịdị yịị mẹ nị. Ụpẹ ẹẹta ọọ̄ mẹ̀ aduwa ịnị ẹkụhị nị.

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ịdanịyẹrị 9:20

Ịdanịyẹrị ka, ọnị maà mẹ̀ aduwa dị ọnị aa dọ irenu ịvị anị ọnịrị ịvị aza anị Anisirẹrị nịnị nị. Dị ọnị aa da ịpẹ ka Ẹnẹyịmavara ana vị Ohomorihi anị ọ̀ navọ dị ọ varẹma tenyi irehi Ohomorihi anị dà nị.

Ịdanịyẹrị 9:4

Ịdanịyẹrị ka ọnị ộ mẹ̀ aduwa, dị ọnị dọ irenu ịvị ẹnịnị yị Ẹnẹyịmavara ana vị Ohomorihi anị nị. Dị ọnị kà, Ohomorihi Ananyị yị, ọnị ộ banyị dị ọ rẹ nyị avaba ụbanyị nị. Ọnị ọ rẹ yị ma sị ahụ jịnẹ ịrẹyị ọnị ọnịrị ọza ka tịtẹ nị, ọza ene sì ịrẹyị anị dị aā mẹ̀ ịsa ọnị ọ mẹ ọda anị yọ vị ọnị o sị ịrẹyị anị pooro.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ijona 3:5

Ịjị Anininivẹ nini wụ́ enube ọnọnị, dị ẹ dọ Ohomorihi wụ́, dị ẹ̀ nọ̀ ọ ka ọzọza ọ za awẹ agụvị avọọ nị. Dị ọzọkụ hi ozweyi ẹnịnị kụ ẹnya anaā sịị zụ ka ẹ yaa zị ẹngụ nị.

Imatiwu 17:21

Ẹ yị nyị ịsị a zụ sị dụ ẹngụ ọnọnị jịnẹ, ẹ̀ yị vị aduwa ọnịrị awẹ ọyịba.”]

Iruuku 2:37

Dị ọ kụkụ vana aa mẹ osoku hụrẹ ịrayị ẹbẹẹna tụra ẹẹna nị. Ọ mā hụụnị irehi Ohomorihi pooro. Dị aa ba awẹ, dị ọ raa mẹ̀ aduwa, ọ màa hẹkẹ Ohomorihi ọọdụ ọnịrị ịrahụ nị.

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.