Ịdanịyẹrị 9:2 - IWE ỌNỊNỊ

² Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ịdanịyẹrị 9:2 ပူးပေါင်းရင်းမြစ်များ

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

Ahẹ Ụgama 119:24

Ọda awụ ê zee mi eyi ẹtẹẹtẹrẹ, oni è pè mii juwe nị.

Ayịsaya 64:10

Avaba ẹkụra awụ ẹ sị vara ụnọmị. Ijerusarẹmị ọ raa tụ́ osusu.

Ijeremaya 1:1

Ụmẹ ọnya, â nyị ọnọrụ ọnya aanị ana aā hị́ Ijeremaya ọnị ịrẹha ada anị rị Ihirikaya, ọnyara ịnị ẹnị ohirẹsụ irehi Ohomorihi ene hi ẹkụra ana aā hị́ Anatọtị ịnị ẹtẹ Ịbẹnjamịnị ọ vị nị. Ijeremaya ọnọọ ộ kà ịrẹyị ẹnẹnị nị.

Ijeremaya 25:18

Ọnị ộ sị ọ ne tu Anijerusarẹmị ọnịrị avaba ẹkụra ene hi Ijuda, beri ohinọyị ẹnịnị ọnịrị ọdọvịdị ẹnịnị, dị á mẹ ka avaba ẹnịnị è hú ịnị anị nị. Dị ẹnịnị hụ́ hụrị ẹkụra nị. Aza ene re e vị ọnị ọ́ za zizi dị angwa ee hí wa. Dị aza kụkụ aa sị ịrẹha ẹnịnịị chii hị́ aza pooro ve tu ajịnị nị.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 29:10

Ẹnẹyịmavara kà, ịjị waa raa mẹ ịrayị ẹtarẹwụ Ịbabịrọnị nịnị, ọnị vaa va eyi vẹ ịnị ịrẹyị awụ nịnị, dị ọnị kụ wụ nịnị và vẹ eehi anka ọnị mẹ vịdị kà a.

Ijeremaya 7:34

Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Arụwẹ 1:1

Oogwoo, Ijerusarẹmị ana vịdị maanị nyị aza a maanị tụ osusu aanị nịị! Ẹkụra ọnị avaba anẹhẹ vịdị maanị sị ụbanyị yị ọ kụkụ tịtẹ goo anka osoku aanị nịị! Ẹkụra ana vịdị ya ọvịdị ẹkụra ana vọ, ọ kụkụ vị ọrịhị anẹkụra ana vọ aanị nị.

Ezikẹẹrị 29:11

Ẹ́ yị ma vana nyị ọza à vị ịsụpa anaa vanaa zị avọọ paraahu, ọ́ vaa mẹ ịrayị ẹbẹẹva, ẹ́ yị nyị ịsị ẹẹ vanaa ra ịzọọ.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ịzakaraya 7:5

Ọ kà Ịzakaraya ọ ka yị aza ana ra ịnị ẹtẹ ọnọọ ọnịrị ohirẹsụ irehi Ohomorihi nịnị ka ẹ yị vị agụvị anị ẹnịnị aa zị ẹngụ, dị ẹ yị rị ịsa ịnị ụhwẹ ẹẹhị ọnịrị ụhwẹ ịhịmba ịrayị hụrị ịrayị ẹtarẹwụ ana para hu.

Imatiwu 24:15

Agụvị avọọ, u vee re ‘Ịsa Odivi aha ọnịnị ịzị ẹ yị vọrọ’ ọnị Ịdanịyẹrị ọnịsẹ kà ịrẹyị anị. (Ọza ana àa kà iwe ọnọnị, ò re ka ọnị ộ yẹ ịrẹyị ọnọnị!)

Ịmaakị 13:14

U vee re ‘Ịsa Odivi eneē chire ọza angwa’ (ọnị Ịdanịyẹrị ọnịsẹ kà ịrẹyị anị) ka ọ yà ịzị ẹ̀ yị vọrọ ka ọ̀ yà. (Ọza ana aa kà iwe ọnọnị, ò re ka ọnị ộ yẹ ịrẹyị ọnọnị!) Ịjọnọọ aza ana àa yà Ijudiya è zwe nọ ịrẹsụ ataba.

Odeyi 8:34

Di osuretu ọnọọ kà a yị Ihwiripi dị ọ ka, “Kà a mị dị a re, ẹnẹ ọnịsẹ ọnọọ aa kà ịrẹyị anị? Ẹngụ anị wáá yọ, à vị ọza ẹnẹsa?”

1 Itimoti 4:13

Dị ma vavẹ, re ka wáa nyị ụmẹ dị waa kà Iwe Ohomorihi zụ̀ aza, dụ wa rẹẹ tụ́ wa ọtụtụrụma, dụ wa zụ̀ wa ịrẹyị Ohomorihi!

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.