Ịdanịyẹrị 8:4 - IWE ỌNỊNỊ

⁴ Ịdanịyẹrị ka ọnị ô re ka ịdẹba ọnọnị aa jị ayị vàa chi vàa hịrẹ ọnịrị eyi ọnyị eyi ọsa zị. Ẹ yị nyị uye ana zụ za a, ẹ yị rẹ nyị uye ana zụ jẹẹ zi ọ. Dị ịdẹba ọnọnị ê wùu zị, dị â mẹ ọ́ mẹ ze e eyi nị.

Ịdanịyẹrị 8:4 ပူးပေါင်းရင်းမြစ်များ

1 Ohinọyị 22:11

Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.”

Ijoovu 10:7

Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.

Ahẹ Ụgama 44:5

Ẹwa sị ụkata yị ka ye zụ huna ọnịvị ayị dị ya và wa nẹtẹ nị.

Ahẹ Ụgama 50:22

Ohomorihi ka ẹwụ nịnị ene hi ayị anị ọ̀ wụ́ ịrẹyị, ọ! Ọ kà asị ụ zẹẹ ka ọnị ọ̀ pa ịva wụ nịnị ka à yị vị avọọ ẹ yị nyị ọza ana va zụụ dọ wụ nịnịị tụ́.

Ahẹ Ụgama 7:2

Wẹ̀ yị dọ mị, vị ẹ yaa za mị dị ẹ gara mị ha anka idu mẹ gara uyee ha avọọ nị. Ẹ zụ na mị ha di me yi re ọza gụ mị ụvọ.

Ezikẹẹrị 34:21

Ọ kà, atẹmẹ ẹnị ẹngụ aa zị, vị ọnị waa tụ ụvọ vaa hi akaha nịnị, dị ụ dụ wa va hi ozi nịnị.

Ịdanịyẹrị 11:16

Anisiriya ana kụ ịrẹkụ vẹ vị ana vaa mẹ o me zee eyi kẹnẹ, dị ẹ yị nyị ọza ana zụ sị ụvọ jị. Ọ́ vaa jẹẹ ịnị ẹtẹ Isirẹrị ana maanị nyị ụbanyị aanị, dị aà mẹ ọda tụra avaba anị ịrẹsụ nị.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 5:19

Ộ nyị ụbanyị pooro ne tu ka avaba anịrẹsụ ẹtẹ vị enee hí angwa anị. Ọza enee ze e eyi ọ zụ wụ ọ, ọza ọnị ọ̀ọ ka ọ̀ọ mẹ ẹhẹ dị a mẹ ẹhẹ. Ọza enee ze e eyi, dị ọ kà udi anị hịrẹ, ẹ̀ yị vị avọọ dị ọ mẹ̀ ụhị nyị ọ.

Ịdanịyẹrị 5:30

Ịrahụ ịhị ọnọọ gẹdẹ-gẹdẹ dị a wụ Iberisaza ana vị ohinọyị Ịbabịrọnị nị.

Ịdanịyẹrị 7:5

Uye ọhụva vị ana sị mẹẹ anka ẹzụ avọọ. Ọ kà oni ô re ka uye ọnọnị ộ kụ́ ahụ ẹẹva vọrọ jẹẹ, dị ọ kụ ẹchụkụ agịga ẹẹta tu irenu nị. Dị ọngwẹ ọnya vana kà a yị uye ọnọọ ka ọ̀ kwẹẹtẹ dị ọ naa rị uye ó mè ze e eyi kẹnẹ nị.

Ịdanịyẹrị 8:7

Dị ọ sị ịrẹsụ ngwọ ọ nị, dị ọ sị ọyịkụ-ọyịkụ chi ịdẹba ọnọọ rị ẹtẹ, dị o chee ọpanyị ẹyịva nị. Ịdẹba ọnọọ ẹ yị kụkụ nyị ụkata ọ yị gẹ ẹ ịrẹvụ. Dị ọ za a, dị ọ kwọ ọ sisi ẹtẹ nị. Ẹ yị nyị ọza ana zụ dọ ọ hụrẹ ẹ ụvọ.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Iwe Ọhụhị Imosiisi ana aa hị́ Ọyịvatụrọda 33:17

Ijosẹẹhụ ọ nyị ụkata anka ụnọ, dị ọ nyị ọpanyị ẹya nị. Otomiroku isoja Ehwireemi ọnịrị Ịmanasẹ vị ana nyị ụkata anka ụnọ nịnị. Ẹya mẹẹ sị ọpanyị anị gara ọnịvị anị ha avọọ, avọọ ezi Ijosẹẹhụ mẹ vaa mẹ ọnịvị ẹnịnị, dị ẹ dụ wa ne hị́ ụta ẹhẹ nị.