Ịdanịyẹrị 8:2 - IWE ỌNỊNỊ

² Ọ kà ọnị ô re ẹngụ anị ẹkụra ana aā hị́ Isusa ana vị aha ọ yị yaatụ ịjọva ẹtẹ Erami. Dị ọnị ré ka ọnị jẹẹ ụtọ irehu ana aā hị́ Urayi nị.

Ịdanịyẹrị 8:2 ပူးပေါင်းရင်းမြစ်များ

Oyinyima 10:22

Ezi Isemi ẹ vị Erami, Asuri, Aripakisadi, Irudi ne beri Aramị.

Oyinyima 14:1

Ịnị ụmẹ ọnya â nyị ohinọyị ẹẹna ẹnyị aanị. Ẹnịnị ẹ vị Amịrahwẹrị ohinọyị Ịbabịrọnị, Ariyoki ohinọyị ẹkụra Erasa, Ikedoromeri ana vị ohinọyị ẹkụra Erami ne beri Itidari ana vị ohinọyị anẹkụra Igoyimi.

Inehemaya 1:1

 nyị ọnọrụ ọnya aanị ọnị ịrẹha anị rị Inehemaya ana vị ozi Ịhakarịya. Ịtọpa avaba ịsị ọ mẹ yị.  nyị ụmẹ ọnya aanị ọnị ọnọrụ ọnya aanị ana aā hị́ Atazazasisi sị vị ohinọyị tụ ẹtẹ Ipesiya. Ịnị ụhwẹ ẹwụrọnya ọnịrị ẹwụrẹva ana a hị́ ụhwẹ Ikisirevi ịnị ịrayị ana tụ ọ ịrayị oohu ọnị ọ rị ohinọyị, Inehemaya yá ẹkụra ana aā hị́ Isusa. Ẹkụra ọnọọ ọ vị ohi ẹtẹ ẹkụra Ipesiya nị.

Ẹsịta 1:2

Ụmẹ ọnọọ ohyẹtẹ ịjọva anị vị ana yà Isusa ịzị ọ yà mẹ ịjọva tụra ẹkụra ana vọ ịrẹsụ nị.

Ẹsịta 2:8

Ụmẹ ọnọọ, ohinọyị Ahasẹrọsị mẹ̀ sị ọda mẹ, dị a hị́ ozwoorihi ọrụrụ-ọrụrụ vẹ hi Isusa ana vi ohyẹtẹ ịjọva nị. Ẹsịta vi ọza ịnya ịnị ozwoorihi ẹnẹẹ ana a kụ́ vẹ hị́ ịnị eehi ohinọyị. Ihegayi o si eyi pè wa nị. Dị a sị Ẹsịta yị Ihegayi ka ọ̀ si eyi pè e nị.

Ẹsịta 3:15

Agụvị ka ohinọyị ọ tụ́ wa ụtụ nị, ọnụtụ nịnị ệ jịnẹ eyiha-eyiha na kà a ịnị ẹkụra Isusa ana vị ohi ẹtẹ ẹkụra nị. Di ohinọyị ọnịrị Ịhamanị yaayịtẹ di eyee hú eche nị, dị anẹkụra Isusa ẹnị aa jị òrèrè nị.

Ẹsịta 7:6

Dị Ẹsịta ka, “Ịhamanị, ọza odivi ọnọnị ọ vavọọ vị ọnịvị ayị nị.” Dị ẹngụ Ịhamanị sụ ẹgahị ọvịdị ohinọyị ọnịrị ose anị nị.

Ẹsịta 8:15

Dị Imodekaya chire awuru ohinọyị ana a da achẹrẹ onuvuru, ọnịrị ọvwọọvụ beri anangẹrẹ hị́. Di o kù amu ọbanyị ohinọyị ana a si igooru mẹ nị. Dị Imodekaya jịnẹ hụrẹ ọvịdị ohinọyị aa na nị. Dị avaba ẹkụra Isusa aa jẹ, dị ẹ yaa mẹrị sadaa kẹnẹ nị.

Ẹsịta 9:11

Ịhị ọnọọ â kà enube zụ ohinọyị ịrịka aza ana a wụ ịnị ẹkụra Isusa.

Ẹsịta 9:15

Ịzẹyịza, ana tụ ọ ẹkụhị ẹwụrẹna ịnị ụhwẹ ọnọọ ana aā hị́ Ada, dị Aniju nịnị ene hi Isusa kwẹẹtẹ nị. Dị ẹ kụ́ ẹngụ gụ, dị ẹ rẹ wụ́ aza ẹnị ịrẹkarẹchẹhị ịnị ẹkụra ọnọọ nị. Ama ẹ yị kanyị ogu aza ẹnẹẹ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 21:2

Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza.

Ijeremaya 25:25

Avaba ohinọyị ẹtẹ Izimiri, avaba ohinọyị ẹtẹ Eraami, ẹnịrị avaba ohinọyị ẹtẹ Imediya:

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Ezikẹẹrị 32:24

Ẹramị yà ịzọọ. Ikuta avaba isoja anị gụ kara a. A maa kụ̀ ịrẹkụ á wụ̀ avaba ẹnịnị nị. Ẹnịnị ẹ́ yị yẹ Ohomorihi, dị ẹ na ngụ ịdị aneku. Ịjị ẹnịnị yà ịnị ẹhẹ vị ọnị ee chire aza angwa; ama ẹnịnị ê wusu booro aanị. Asị ụhị mẹ nyị wa anka aza ana a wụ a maa kụ̀ ịrẹkụ avọọ.

Ịdanịyẹrị 10:4

Ịnị ịhị ana tụ ọ ẹkụhị ohurẹẹna ịnị ụhwẹ ịpaapa, dị ọnị jẹẹ ụtọ irehu ọbanyị anaā hị́ Itigirisi nị.

Ịdanịyẹrị 7:15

Ịdanịyẹrị ka ẹtẹ ọnị ọnị re aanị ô hí oni irenu, dị ọ vị ẹngụkata yị ọnị ẹtẹẹtẹrẹ nị.

Ịdanịyẹrị 7:2

Ịdanịyẹrị ka, ọnị maa rá ụra ịrahụ, ọnị ô re ka ahị aa tụ́ kukuku hụrị eyi ụvọnị-ụvọnị ẹbẹẹba. Dị ọ mẹ ka enyi ịnị oku ộ dà vụụvụ nị.

Ịdanịyẹrị 8:1

Ịnị ịrayị ọhụta ọnị Iberisaza sị rị ohinọyị, Ịdanịyẹrị ka ọnị ô re ẹtẹ ụpẹ ọhụva.

Ịdanịyẹrị 8:3

Ọ kà ọnị mẹ kana eyi, dị ọnị ré ka ịdẹba ọnyara aanị jẹẹ ụtọ irehu ọnọọ nị. Ịdẹba ọnọnị ô nyị ọpanyị ọgọdọ-ọgọdọ ẹẹva, ama ọnyara ộ gọdọ huna ọsa nị. Dị a hị́ ka ana gọdọ hu aanị ó nyị ọdịrẹma nị.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Anihiburu 1:1

Ịnị ịyẹẹyẹ, Ohomorihi ộ kà ịrẹyị yị ohiku ayị nịnị ịnị ụmẹ ọrụrụ-ọrụrụ ini oze irenyi-renyi. Ịnị ụmẹ ọnọọ, oze ịnị ụvọ ọnịsẹ nịnị ọ vavọọ zịị kà ịrẹyị nị.

Ẹtore 9:17

Ịnị ẹtẹ oni mi re, aanị úmaata ọnịrị aza ana tụra wa mẹ̀ yà nị: Awuru enyusẹ-enyusẹ ẹnẹ nyị vị ene ee vi anka ịra avọọ. Ẹnyị vị onivuru anka eguhi, dị ẹnyị vị odozeyirị nị. Ịrẹsụ umaata ẹnẹẹ vị ana sị mẹẹ anka ịrẹsụ idu avọọ. Dị ịra ọnịrị areyi beri agụ ohuru aa hụụnị irenu ẹnịnịị vẹ nị.