Ịdanịyẹrị 7:8 - IWE ỌNỊNỊ

⁸ Oni mee re ọpanyị uye ọnọnị, kẹnẹ dị ọpanyị oweyi ọnya aanị vene nyì va jẹẹ ịnị ịrẹsụ uye ọnọnị nị. Dị ọpanyị ọnọọ hu ọpanyị ẹẹta ịnị ọpanyị ene vi di hi ịnị ịrẹsụ uye ọnọnị kwooze nị. Ọpanyị oweyi ọnọnị vị ana nyị eyi anka eyi ọza avọọ, dị ọ rẹ nyị irenu nị. Irenu anị vi e nee sii wo oto ọdẹngụ-ọdẹngụ.

Ịdanịyẹrị 7:8 ပူးပေါင်းရင်းမြစ်များ

Ahẹ Ụgama 12:3

Ẹnẹyịmavara aza ana vavọọ aa kụ́ hworo-hworo di e yee wo otoo zị aanị, navọ wa za wa irenu kụ oku.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịdanịyẹrị 7:19

Ọ kà ọnị ô si ka ọnị ọ̀ yẹ ịnị ịpa uye ọhụna ana vị irenyi yị uye ana vọ aanị hu avọọ. Uye ọnọọ ene divi pooro ọnị igege anị ọnịrị anyị anị sị mẹẹ anka enyusẹ avọọ, dị ọ̀ọ za ịsa dị ọ nà a rị, dị ọ sị ahụ gara ana vọ ha.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

2 Itimoti 3:2

agụvị ka aza vị ene kuku vee sì ịrẹyị ẹngụ ẹnịnị kẹnẹ, dị ẹyaa họ́họ̀ha, dị ẹ rẹ yaa mẹ eyi, dị ẹyaa sị ẹngụụ tụ́ ẹba. Dị ẹyaa kụ́ aza ụhụ, dị ẹyaa mẹ akamawụụ hi aza ana ma wa, dị ẹyị kụkụ yẹ ẹyịza, dị ẹyị yẹ Ohomorihi.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

Ẹtore 13:1

Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Ẹtore 9:7

Akụvarịva ẹnẹẹ vị ana sị mẹẹ anka umaata ene e tenyi tịtẹ ka à sị na kụ̀ ịrẹkụ avọọ. Ệ nyị ịsa ẹnyị aanị tụ́ ịrẹsụ ana sị mẹẹ anka ọkẹkẹrẹkụ ana a sị igooru mẹ avọọ. Eyirẹsụ ẹnịnị vị ana rẹ sị mẹẹ anka eyirẹsụ ọza avọọ.

1 Ịsamụwẹrị 2:3

Asị ụ rẹ maanị nyị irenu nịnị. Asị ụ re wo oto nịnị. Ẹnẹyịmavara ana vị Ohomorihi ộ yẹ avaba ịsa, ọnị ọọ̄ mẹ̀ ọkarẹyị avaba ịsa ọnị yaa mẹ̀ nị.