Ịdanịyẹrị 7:7 - IWE ỌNỊNỊ

⁷ Ịrẹma ọnọọ, di oni re re uye ọhụna ka ộ va jẹẹ nị. Ọnọnị ộ nyị ụkata ẹtẹẹtẹrẹ, ọza òo re e vị ayị aa hụrẹ ẹ ịnẹ nị. Anyị anị vị ana sị mẹẹ anka enyusẹ avọọ. Ịsị ọ̀ọ za vị ọnị ọọ̄ nà aa rị chẹkẹ-chẹkẹ, dị ọ sị ahụ gara ana vọ ha nị. Ọ kà uye ọnọnị e yi vene uye ana vọ ọnị ọnị vịdị re. Ọnọnị ộ nyị ọpanyị ẹẹwụ.

Ịdanịyẹrị 7:7 ပူးပေါင်းရင်းမြစ်များ

2 Ịsamụwẹrị 22:43

Ẹma pá ịva yị wa, ẹnịnị ẹ sị vara eteesu. Dị maa kụ́ ahụụ hi wa eteesu avọọ nị.

Ijoovu 41:14

Ẹnẹ nyẹngụ haa irenu? Anyị ene hi ịnị irenu anịị venee chire ọza angwa.

Ezikẹẹrị 40:2

 nyị ẹtẹ ọnị ọnị re, dị ọnị re ka Ohomorihi ộ sị ọnị na ngụ ẹtẹ Isirẹrị, dị ọ sị ọnị na jẹẹ ịrẹsụ ataba ọnya aanị, ana nẹba ẹtẹẹtẹrẹ nị. Ọnị ô re ka irehi gụ ọvịdị anị anka ẹkụra ọbanyị avọọ.

Ịdanịyẹrị 2:19

Ịrahụ ọnọọ dị Ohomorihi sị ụra ọnị ọza ẹ yị yẹ́ aanị zụ Ịdanịyẹrị nị. Ịdanịyẹrị sị ụga yị Ohomorihi ana nyị ẹbẹẹba,

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịdanịyẹrị 7:2

Ịdanịyẹrị ka, ọnị maa rá ụra ịrahụ, ọnị ô re ka ahị aa tụ́ kukuku hụrị eyi ụvọnị-ụvọnị ẹbẹẹba. Dị ọ mẹ ka enyi ịnị oku ộ dà vụụvụ nị.

Ịdanịyẹrị 8:10

Ộ mẹ ụkata pooro ne tu ka ọ̀ kụ́ ịrẹkụ ne tu aza Ohomorihi, ana vị ụzọmị ẹbẹẹba. Ộ gụ aza ẹnyị ẹnịnị hyẹdụ, dị ọ sị ahụ pịrị wa zẹtẹ nị.

Ịdanịyẹrị 8:22

Ọpanyị ẹẹna ene ve ne nyị tụ aha ene e che ikonyara hụrẹ aanị, ẹnị vị ohinọyị ẹẹna ana va naa rịị tụ́ ẹtẹ ohinọyị ịpaapa ọnọnị, ama ẹnịnị ẹ yị va nyị ụkata ọnị ọ nyị.

Ịzakaraya 2:1

Ịzakaraya ka ọnị ộ kana eyi va hịrẹ, dị ọnị re ọnọrụ ọnya aanị ana sị obo ọyịmọ̄ ịsa rị ụvọ nị.

Ẹtore 12:3

Apọtẹrẹwa ọsa ọ rẹ jịnẹ tụ́ ẹhẹ ẹ́bẹẹba: Â nyị uye odivi ọnya aanị. Ọ́ nyị ịrẹsụ ịhịmba, dị ọ nyị ọpanyị ẹẹwụ, dị ọkẹkẹrẹkụ yà ịnị ịrẹsụ anị ọnya-ọnya nị.

Ẹtore 13:1

Mê re uye ịnị avị ọnya aanị, ana aa jịnẹẹ hụụnị okuu vẹ. Ộ nyị ịrẹsụ ịhịmba, dị ọ nyị ọpanyị ẹẹwụ nị. Ọ́ nyị ọkẹkẹrẹkụ ọnya tụ́ ịnị ọpanyị anị ọnya-ọnya. Dị a chẹrẹ ịrẹha ịrẹyị edivi hi ịnị ịrẹsụ anị ẹnẹẹ nị.

Ẹtore 17:12

“Ọpanyị ẹẹwụ oni u re avọọ vị ana jẹẹ yị ohinọyị ẹẹwụ, ana ahịka eè yi nyima ịjọva. Ama a vaa sị ọdaa yị wa ka è pe uye ọnọọ mẹ ịjọva mẹ agogo ọnya kẹnẹ.

Ẹtore 17:7

Dị anggẹẹrị ọnọọ kà a mị ka, “Sị ẹ vẹ di ee hí wu irenu?” Mị vaa kà a wụ́ ịrẹyị ọnẹẹ ọnọọ oni iruvo anị nyịnẹ, ọnịrị uye ene chema a, ana nyị ịrẹsụ ịhịmba dị ọ nyị ọpanyị ẹẹwụ.

Ẹtore 17:8

Uye oni u re avọọ, ọ́ọ vịdị yàra, ama ọyị kụkụ yàra booro aanị. Ọ vaa jịnẹẹ hụụnị ọbọbọọ vẹ, dị ọ nọ ịzị ọ vaa yàa vu ẹtẹ. Aza ene hi ẹhẹ ọnị ọza ọ̀yị chẹrẹ ịrẹha ẹnịnị dị a va yẹ ka aa mẹ ẹhẹẹ tụ́ iwe aza ana yàra pooro zịna-zịna, èeyee re uye ọnọọ, o vee hí wa irenu. Uye ọnọọ ọ́ọ vịdị yàra, ọyị kụkụ yàra booro aanị, ọ rẹ vanaa sị ẹngụụ tụ́ ẹhẹ.