Ịdanịyẹrị 7:4 - IWE ỌNỊNỊ

⁴ Uye ịpaapa vị ana sị mẹẹ anka idu avọọ. Ama dị ọ nyị avaka ọkasịmẹ nị. Ịdanịyẹrị ka ọnị mẹ vavọọ e re e, dị a vana na avaka anị kwooze nị. Dị a sị uye ọnọnị vọrọ jẹẹ anka ọza avọọ nị. Dị a rẹ mẹ ka ọ̀ nyị ayị ọza nị.

Ịdanịyẹrị 7:4 ပူးပေါင်းရင်းမြစ်များ

2 Ịsamụwẹrị 1:23

Ịsọọrụ oo! Ijonatani oo! Ẹ́ mè yi yà ẹhẹ ệ sị̀ ayị yị ẹngụ Dị ẹ daka yi sú, ẹ yị hụrẹ ẹngụ ụvọ. Ệ rẹ huna irepe, ẹnịnị ệ nyị ụkata huna idu

Ijoovu 25:6

Ẹnẹ vaa vẹ ọza ana sị mẹ́ẹ anka ụkọọkọ avọọ. Sị ọza roo ka ọnị ọ vị ịnị eyi Ohomorihi kẹ?

Ahẹ Ụgama 9:20

Ẹnẹyịmavara, navọ we chire wa angwa dị ẹ̀ yẹ ka aza rị ẹyị ịrẹsụ kẹnẹ ẹnị vị nị.

Ijeremaya 25:38

Ẹnẹyịmavara ọ raa para aza anị hu anka idu mẹẹ jịnẹ hụụ ịzị ọ yà avọọ. Ịrẹkụ ọnịrị ọyịkụ Ẹnẹyịmavara ọ sị ẹkụra ẹnịnị tụ osusu.

Ijeremaya 4:13

Ijeremaya ka, ré, ọnịvị awụ nịnị aa vẹ anka eguhi avọọ. Ụkẹkẹ ịrẹkụ anị vị ana sị mẹẹ anka okoruwa avọọ, umaata anị ẹẹ rẹ́ huni ukokoro. Ọ kà, ọ mẹ ya! Ẹnị e sị vu o! Ẹnịnị ọọ ta.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Ijeremaya 48:40

Ẹnẹyịmavara ộ kà a ka ẹkụra ọnya vaa kụ́ ịrẹkụ vee tu Imowabi obonobono anka ukokoro me vee che ịsa avọọ. O vee hi wa eyi.

Ijeremaya 49:19

Ẹnẹyịmavara kà, ọnị vaa vẹ anka idu ana tụ hụụnị iruku aa vẹ, dị ọ́ và tụra oze Ijodani aa vaa ngụ ịzị avị Anedomi nịnị hụrị ẹkụra ẹnịnị. Ịjọnọọ, dị ọza ọnị ọnị nyị ka ọ̀ vị ọdọvịdị kụkụ aa mẹ ohinọyị tụra ẹkụra ọnọọ. Ọ kà, ẹnẹ vana wụra juwe anị da? Ẹnẹ vana zụ hị́ ọnị ịrẹvụ kẹ? Ye re ohinọyị ana zụ hị́ ọnị ịrẹkụ da?

Arụwẹ 4:19

Ẹnịnị ẹ rẹ huni ọkasịmẹ, ẹ maa dụ ẹnị chi ataba. Ệ dụ yị na ngụ ịnị ataba. Ịnị ụnọmị ọnị yị ka ya na tẹ̀ vị ọnị aza anaa dụ aanị na tẹ̀ hí ee zi yị.

Ezikẹẹrị 17:3

dị ẹnịnị ẹ̀ yẹ ịsị ọnị Ẹnẹyịmavara Ananyị ụkata hu aa kà a yị ẹnị: Ọ kà ọnị ọ̀ kà a ka, â nyị inomi ọdẹngụ ọnya, ana aā hị́ ọkasịmẹ. Asịsẹ anị ô zoza ẹtẹẹtẹrẹ, Avaka anị ộ banyị ẹtẹẹtẹrẹ, dị ọ gana bamị-bamị aanị nị. Inomi ọnọnị ô hira va ngụ ịnị ataba ana ya ẹkụra ana aā hị́ Ịrẹbanọnị; dị ọ́ dà ịrẹsụ ọchị ana aā hị́ Isida nị.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ezikẹẹrị 28:9

Wáá kụkụ va zụụ yà ọvịdị aza anaa wụ wụ hị́ ẹngụ awụ ori ịjị ọnọọ? U vee re ka ọza ịrẹyị-ịrẹyị osusu ụ vị nị, wẹ́ yị vị ori.

Ịdanịyẹrị 2:38

Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị.

Ịdanịyẹrị 4:36

Ọ kà ịjị ịrẹsụ anị vavọọ sị vavẹ eehi, dị Ohomorihi varẹma sị udi ohinọyị anị ọnịrị ụbanyị anị yị ọnị nị. Ẹnị ọdọvịdị ọnịrị aza ọkọọka ệ vaka ọnị vẹ, dị a varẹma sị ụkata ohinọyị anị ọnịrị ụbanyị yị ọnị huni ịyẹẹyẹ nị.

Ịdanịyẹrị 7:12

Ọ kà, â yị sị ụmẹ chee yị uye ẹyịta ịpaapa ka ẹ̀ rị ra ịnị ẹhẹ, ama dị a dọ wa ụkata ẹnẹ ẹ yaa sị mẹ ịjọva nị.

Ịdanịyẹrị 7:5

Uye ọhụva vị ana sị mẹẹ anka ẹzụ avọọ. Ọ kà oni ô re ka uye ọnọnị ộ kụ́ ahụ ẹẹva vọrọ jẹẹ, dị ọ kụ ẹchụkụ agịga ẹẹta tu irenu nị. Dị ọngwẹ ọnya vana kà a yị uye ọnọọ ka ọ̀ kwẹẹtẹ dị ọ naa rị uye ó mè ze e eyi kẹnẹ nị.

Imatiwu 24:28

Agụvị ka ịzị oku ọ̀ọ yà, ịzọọ ụ́ba nịnịị̄ kụ́ụ gụ nị.”

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.