Ịdanịyẹrị 7:1 - IWE ỌNỊNỊ

¹ Ịnị ịrayị ịpaapa ọnị ọnọrụ anaā hị́ Iberisaza rị ohinọyị ẹtẹ Ịbabịrọnị. Ịdanịyẹrị ka ọnị me hụtẹtẹ dị ọnị aa sụ̀ ara, ọnị ộ rá ụra, dị a nyị ẹtẹ ọnị ọnị re nị. Ọ kà ọnị ộ chẹrẹ ụra ọnọọ ọnịrị avaba ẹtẹ ọnị ọnị ré tịtẹ.

Ịdanịyẹrị 7:1 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 46:2

Ijekọvụ mẹ̀ yà ịzọọ, dị ọ ra ụra ịrahụ ẹkụhị ọnya nị. Ịnị ụra ọnọọ di Ohomorihi hị́ ọ dị ọ ka, “Ijekọvụ, Ijekọvụ!” Di Ijekọvụ ka, “Hèé, ụ mẹ̀ kà?”

Ijoovu 4:13

Ọnị ọ rụra ịrahụ ọnị aza aa sụ ara, dị re ẹtẹ nị,

Ayịsaya 30:8

Ohomorihi ka ma chẹrẹ ebira ana aza ẹnẹẹ aa mẹẹ tịtẹ. Ọ kà iwe ọnọọ ọ vaa vị ivenu pooro zịna-zịna ịrẹma ụhwọọ nị ka aza edivi aza ẹnẹẹ vị nị.

Ayịsaya 8:1

Ẹnẹyịmavara kà ma na sị ọparị ọgana ọnya aanị ana aā chẹrẹ ịsaa tụ́, dị ma chẹrẹ ịsa nyanggada-nyanggada tụ́ ọ. Ịsị ọ ka ma chẹrẹ tụ́ ọ yị: “Ịmahẹrị-Ịsararị-Ịhasị-Ịbazị ọ nyị nị.”

Ijeremaya 23:28

Ẹnẹyịmavara kà, ọnịsẹ anaa ra ụra ọ̀ ka a ka ọnị ọ ra ụra, ama ọnịsẹ ọnị ọnị ọọ tụ ụtụ ẹ̀ sị ịzẹyịza na ka ụtụ anị. Ọ kà, sị ebe ọnịrị akụ si vị ọnyọọnya kẹ?

Ijeremaya 27:7

Avaba anẹkụra vị ana vaa kụụ hẹkẹ e. Ẹnịnị vaa kụụ hẹkẹ ezi anị ọnịrị aazị anị pooro nee tu ụmẹ ọnị ẹkụra anị ọnị rẹ vaa sị sẹ̀ ẹdụ. Dị anẹkụra anị ẹnị rẹ vaa kụụ hẹkẹ anẹkụra ọrụrụ-ọrụrụ ana nyị ụkata ẹtẹẹtẹrẹ ẹnịrị ohinọyị ẹbanyị-ẹbanyị nịnị.

Ijeremaya 36:32

Dị ọnị sị iwe ọgọdọ ọsa yị Ibaruki anaa chẹrẹ ịsaa yị ọnị nị. Ộ chẹrẹ avaba ịrẹyị ọnị ọnị ka yọ. Avaba ịrẹyị ana yị ịnị iwe ịpaapa ọnịrị ịrẹyị ana vọ ọnị ọnị ka yọ vị ọnị ọ chẹrẹ saka-saka.

Ijeremaya 36:4

Ijeremaya ka, ịzẹyịza, dị ọnị hị́ Ibaruki ana vị ozi ọnọrụ ana aā hí Ịnẹraya, dị ọnị za avaba ịrẹyị ọnị Ẹnẹyịmavara kà yị ọnị ịrịka hi ẹtẹ yọ nị. Dị Ibaruki chẹrẹ wa hi ịnị iwe gọdọ ọnọọ nị.

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Ezikẹẹrị 40:2

 nyị ẹtẹ ọnị ọnị re, dị ọnị re ka Ohomorihi ộ sị ọnị na ngụ ẹtẹ Isirẹrị, dị ọ sị ọnị na jẹẹ ịrẹsụ ataba ọnya aanị, ana nẹba ẹtẹẹtẹrẹ nị. Ọnị ô re ka irehi gụ ọvịdị anị anka ẹkụra ọbanyị avọọ.

Ịdanịyẹrị 1:17

Ohomorihi ộ mẹ̀ ka ezwọọmụha ẹẹna ẹnẹnị ẹ̀ yẹ ịrẹyị ẹtẹẹtẹrẹ, dị ẹ rẹ zụ kọsẹ ịsa irenyi-irenyi. Dị ọ rẹ sị ụkata yị Ịdanịyẹrị ka ọ̀ zụụ ka iruvo etore ọnịrị ụra nị.

Ịdanịyẹrị 2:1

Ịrahụ ẹkụhị ọnya, ịnị ịrayị ọhụva ọnị Inebukadineza rị ohinọyị, dị ọ ra ụra nị. Ụra ọnọọ vana nyayịnẹ mẹ ayị hụrẹ ịnẹ ẹtẹẹtẹrẹ, dị ẹ yị zụ sụ ara nị.

Ịdanịyẹrị 2:26

Dị ohinọyị họ̀ Ịdanịyẹrị ọnị ịrẹha anị ọsa rị Ịbẹtịsaza use ka, ọ́ọ́ zụ́ kà a yị ọnị ụra ọnị ọnị rá ọnịrị iruvo anị nị?

Ịdanịyẹrị 4:13

Ọ kà, ọnị mee ro ịrẹyị ẹtẹ ọnị ọnị maanị re, kẹnẹ, dị ọnị vene ré ka anggẹẹrị ọnya ee chíi hụrẹ ẹbẹẹba vẹ nị. Anggẹẹrị ọnọọ vana nyayịnẹ tenyi ẹngụ anị dị o sị eyi pe ẹtẹ ẹtẹẹtẹrẹ.

Ịdanịyẹrị 4:5

Ama ọnị maa sụ̀ ara, ọnị ộ ra ụra ana mẹ ayị hụrẹ ọnị ịnẹ, dị oni ré ẹtẹ ene chire ọnị angwa nị.

Ịdanịyẹrị 5:1

 nyị ohinọyị ọnyara, ana aā hị́ Iberisaza. Ẹkụhị ọnya dị ọ tụ́ hị́ ẹnị ọdọvịdị ẹkụra ka ẹ̀ va rị ịsa ịdị anị nị. Ẹnịnị ệ gụ ẹ̀hụ́ aza ẹnị akahị avọọ. Dị ohinọyị ọnịrị wa dudu ee hú eche nị.

Ịdanịyẹrị 5:22

Dị Ịdanịyẹrị rẹ ka, ẹwụ ozi anị Iberisaza ộ maanị yẹ avaba ịrẹyị ẹnẹnị ama wẹ yị va hụvị avọọ kà ẹngụ awụ chi.

Ịdanịyẹrị 5:30

Ịrahụ ịhị ọnọọ gẹdẹ-gẹdẹ dị a wụ Iberisaza ana vị ohinọyị Ịbabịrọnị nị.

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịdanịyẹrị 7:15

Ịdanịyẹrị ka ẹtẹ ọnị ọnị re aanị ô hí oni irenu, dị ọ vị ẹngụkata yị ọnị ẹtẹẹtẹrẹ nị.

Ịdanịyẹrị 7:7

Ịrẹma ọnọọ, di oni re re uye ọhụna ka ộ va jẹẹ nị. Ọnọnị ộ nyị ụkata ẹtẹẹtẹrẹ, ọza òo re e vị ayị aa hụrẹ ẹ ịnẹ nị. Anyị anị vị ana sị mẹẹ anka enyusẹ avọọ. Ịsị ọ̀ọ za vị ọnị ọọ̄ nà aa rị chẹkẹ-chẹkẹ, dị ọ sị ahụ gara ana vọ ha nị. Ọ kà uye ọnọnị e yi vene uye ana vọ ọnị ọnị vịdị re. Ọnọnị ộ nyị ọpanyị ẹẹwụ.

Ịdanịyẹrị 8:1

Ịnị ịrayị ọhụta ọnị Iberisaza sị rị ohinọyị, Ịdanịyẹrị ka ọnị ô re ẹtẹ ụpẹ ọhụva.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Emọsị 3:7

Ịzẹyịza Ananyị yi Ẹnẹyịmavara ọ mā mẹ̀ ịrẹyị dị asị ọ sị iruvo anị zụ ezi ahụ anị ana vị ọnụtụ anị.

Ihabaku 2:2

Dị Ẹnẹyịmavara tụ ọ ohi, dị o ka ọ chẹrẹ ịsa ọnị ọnị ọ̀ọ ka yọ tịtẹ. Ọ chẹrẹ ẹ banyị tụ́ ịzị ọza vaa ya re e ọ̀ọ daka ee zwe echi para huu.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Aniroomi 15:4

Avaba ịsa anaa ịsa anaa vịdị chẹrẹ tụ́ ini Iwe Ohomorihi vị anaa chẹrẹ tịtẹ ka ya kọ ịrẹyọyẹ hụụnị anị; dị ya rẹ zụ nyị ọyịtureyi, agụvị ka Iwe Ohomorihi aa mẹ ka yaa nyị ọtụtụrụma, dị ya rẹ nyị isuuru.

2 Anịkọrịntị 12:1

Mâ yẹ ka ẹ yị nyị ịsị ẹ yà ini oto ò yi wo, ama â nyị ka me yii wo o. Maa kà ịrẹyị ẹtẹ oni mi re ọnịrị Ánanyị yị mẹmẹ sị ẹngụ zụ̀ mị.

Ẹtore 1:19

Chẹrẹ ịsa oni u re aanị, ọ mẹ̀ yà booro aanị ọnịrị ịsa ana aa vẹ ịrẹma ụhwọọ!

Ẹtore 10:4

Ịjị apaana ihinẹba vavọọ sụ́ ịrẹyị ụpẹ ịhịmba, dị mị ka maa chẹrẹ ịsị ọ kà nị. Dị mị wụ́ ọngwẹ ọnya hụrẹ ẹbẹẹba vẹ, dị ọ ka: Asị mị chẹrẹ ịsị ọnị apaana ihinẹba ọnọọ kà ụpẹ ịhịmba avọọ, ama ma sị ọ tẹ nị.