Ịdanịyẹrị 5:8 - IWE ỌNỊNỊ

⁸ Ẹnịnị anajuwe ohinọyị ệ jịnẹ vẹ, ama ẹ yị nyị ọza ịnị ẹngụ ẹnịnị ana zụ ka ịsa ana chẹrẹ aanị, dị ẹ̀ hyakụ va zụ ka iruvo anịị yọ.

Ịdanịyẹrị 5:8 ပူးပေါင်းရင်းမြစ်များ

Oyinyima 41:8

Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

Ayịsaya 47:9

Ụmẹ ọnya, ịnị ẹkụhị ọnya, ịrẹyị ẹnẹnị vee tù wu: Òo ze eyi wa mẹ ẹbẹ pooro, òo ze eyi wa dọ ahọnọ pooro, ezi ewu vee sú, dị ụ rẹ vara osoku.

Ijeremaya 50:35

Ẹnẹyịmavara kà, avaba Anibabironi ọnịrị aza ana ra hi Ịbabịrọnị vị ene vee súu ha. Ọdọvịdị ẹnịnị ọnịrị aza ana yẹ ịrẹyị hi ịzọọ vị ene vee súu ha.

Ịdanịyẹrị 2:27

Dị Ịdanịyẹrị tú ọ ohi ka, ẹ yị nyị ọza ọnyọọnyị ana zụ ka ẹngụ ịsa ẹnẹnị yị ohinọyị nị.

Ịdanịyẹrị 4:18

Dị ohinọyị Inebukadineza ka, ụra ọnị ọnị ra yọ. Ịbẹtịsaza ọ̀ navọ ọ̀ kà iruvo anị yị ọnị agụvị ka ẹ́ yị rẹ va nyị ikonyara ịnị avaba ọyẹrẹyị ịnị ẹtẹ anị ana zụ kà a yị ọnị. Ọ kà, ama ọnị ộ yẹ ka Ịbẹtịsaza ọ zụ kà a agụvị ka Ohomorihi ộ jẹẹ yọ ịrẹma.

Ịdanịyẹrị 4:4

Ọ kà ịnị eehi anị ọnị yà dị ọnị a mẹ ẹhẹ anị ẹngwọọrọ-ẹngwọọrọ nị.

Ịdanịyẹrị 4:7

Ịzẹyịza, â kụ avaba ẹnịnị eneē rè ẹtẹ, ọmahọnọ nịnị, ẹnẹbẹ nịnị, ẹnịrị aza ọkatẹngụ ene hi ịnị ẹkụra vẹ ọvịdị anị. Ịjị ẹ vẹ, ọnị ộ kà a yị wa ụra ọnị ọnị ra, ama ẹnịnị ẹ yị zụ ka iruvo anị yị ọnị.

Ịdanịyẹrị 5:15

Ohinọyị ka â kụ anajuwe anị ọnịrị ọmahọnọ anị nịnị vẹ ka ẹ̀ va ka ịsa ana a chẹrẹ tụ ịnị ugene aanị ọnịrị iruvo anị, ama ẹnịnị ẹ yị zụ ka a.