Ịdanịyẹrị 5:7 - IWE ỌNỊNỊ

⁷ Dị ohinọyị nowu zẹtẹ dị ọ ka à na hị́ ẹnị ọmahọnọ anị nịnị, ẹnị ọpọchị nịnị, ẹnịrị avaba ọvavo anị nịnị va yị ọnị nị. Ịjị ẹnịnị vẹ, dị ohinọyị kà a yị wa ka, ọza ana àa zụ ka ịsa ana chẹrẹ tụ ịnị ugene aanị dị ọ rẹ zụ ka iruvo anị yị ọnị nị, ọnị vaa sị ọ mẹ ọgwọhụta ịnị aza anaa mẹ ịjọva ịnị ẹtẹ anị, dị e chire e irikimba, dị a rẹ sị ịsọbẹ ana sị igooru mẹ tụ ọ ọbẹ.

Ịdanịyẹrị 5:7 ပူးပေါင်းရင်းမြစ်များ

Oyinyima 41:8

Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

Ẹsịta 3:1

 nyị ụmẹ ọnyara aanị, ịrẹyị ose Ahasẹrọsị mẹ̀ sị para hu.  nyị ọnọrụ ọnya aanị ana aā hụ́ Ịhamanị ana vị ozi Ihamedata. Anagagi ọ vị nị. Ịnị ụmẹ ọnọọ, ohinọyị Ahasẹrọsị ộ kà udi anị hịrẹ. Dị ahịka ọnị ọ kụkụ sị irenu tụra ohinọyị nị.

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ụhịrẹyị 1:9

Ịrẹyị ẹnịnị vị anaa sị ọza nyị ụbanyị anka ọza ana jị uboobo ohinọyị avọọ. Avọọ ọ̀ mẹ rẹ hụ ọza enyi anka ọmọ anaa sị tụ ọbẹ avọọ nị.

Ahẹ Isoromọnị 1:10

Ịsụtọ ọnị ụ kụ hi ụtọ vị ana mẹ ka okura awụ ẹ̀ tịtẹ ọyịza-ọyịza, dị ịsọbẹ awụ vavọọ mẹ ọrọkọ awụ ọyịza-ọyịza nị.

Ayịsaya 47:13

Avaba ajuwe ana aza aa sịị wụ ẹ yị zụ sị ụkata yị wụ. Aza enee re ẹtẹẹ yị wụ, anaā zama a ịsị ụzọmị nịnị kà, ẹ̀ kwẹẹtẹ dị ẹ va dọ wụ ha daa re. Ẹnị ẹẹ̄ dà aha ẹbẹẹba, dị ẹyaa kà a wụ ụhwẹ-ụhwẹ ịsị ẹ vaa mẹ nị.

Ijeremaya 50:35

Ẹnẹyịmavara kà, avaba Anibabironi ọnịrị aza ana ra hi Ịbabịrọnị vị ene vee súu ha. Ọdọvịdị ẹnịnị ọnịrị aza ana yẹ ịrẹyị hi ịzọọ vị ene vee súu ha.

Ezikẹẹrị 16:11

Ọnị ộ kụ ịsụvọ ọnịrị ịsọbẹ dị ọnị sị mẹ wụ ọvị nị.

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Ịdanịyẹrị 2:2

Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.

Ịdanịyẹrị 2:27

Dị Ịdanịyẹrị tú ọ ohi ka, ẹ yị nyị ọza ọnyọọnyị ana zụ ka ẹngụ ịsa ẹnẹnị yị ohinọyị nị.

Ịdanịyẹrị 2:48

Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị.

Ịdanịyẹrị 2:6

Ama ẹnịnị ẹ̀ẹ kà a yị ọnị, ọnị vaa mẹ wa ẹyịza ọbanyị, dị ọnị ka udi ẹnịnị hịrẹ. Agụvị avọọ ẹnịnị ẹ̀ kà a yị ọnị ụra ọnị ọnị ra ọnịrị ịsị ẹ vị iruvo anị.

Ịdanịyẹrị 4:14

Anggẹẹrị ọnọọ ô nowu, dị ọ nọ̀ ọ ka, à má ọchị ọnọọ nyẹtẹ, di è che avaba avọ anị ha nị. Ọ kà à wọ̀rọ̀ avaba avị anị ọnịrị ẹtụtụ anị va ha. Dị à dụ uye nịnị hụrẹ ẹ iruvo, dị à rẹ dụ inomi nịnị hụụnị avọ anị.

Ịdanịyẹrị 5:11

Ọ kà, â nyị ọnọrụ ọnya ịnị ẹkụra ohinọyị ọnọnị ana aā hị́ Ịdanịyẹrị, Ohomorihi ộ sị ụkata yọ. Ọ kà, ịjị ada ohinọyị yà ịzọọ, ộ yẹ ka ọnọrụ ọnọnị ộ yẹ ịsa ọnị aza ana vọ ẹ̀ yị yẹ, dị ọ rẹ yẹ ịrẹyị ẹtẹẹtẹrẹ nị. Agụvị avọọ dị ohinọyị Inebukadineza ada anị sị ọ mẹ ohirẹsụ ẹnị eneē re ẹtẹẹ yọ, ọmahọnọ anị nịnị, ọpọchị nịnị ọnịrị avaba ọvavo anị nịnị nị.

Ịdanịyẹrị 5:15

Ohinọyị ka â kụ anajuwe anị ọnịrị ọmahọnọ anị nịnị vẹ ka ẹ̀ va ka ịsa ana a chẹrẹ tụ ịnị ugene aanị ọnịrị iruvo anị, ama ẹnịnị ẹ yị zụ ka a.

Ịdanịyẹrị 5:16

Ama ọnị ọ va wụ ka Ịdanịyẹrị ọ yara ka iruvo ịrẹyị ọnịrị ka ọ yara pe ọza sì iruvo ịrẹyị ene èe hi ọ eyi. Agụvị avọọ, ọ̀ọ zụ ka ịsa ana a chẹrẹ aanị dị ọ rẹ zụ kà a ịsị ẹ vị iruvo anị nị, ọnị vaa sị ọ mẹ ọgwọhụta ịnị aza anaa mẹ Ịjọva ịnị ẹtẹ anị, dị e chire irikimba ovivi, dị a rẹ sị ịsọbẹ ana a sị igooru mẹ tụ ọ ọbẹ.

Ịdanịyẹrị 5:29

Ịjị Ịdanịyẹrị maanị sị ọ kàa yọ, ịzịịzọọ dị ohinọyị mẹ ọda ka è chire e irikimba ovivi, dị a rẹ sị ịsọbẹ ana sị igooru mẹ tụ ọ ọrọkọ nị. Ịhị ọnọọ ọ sị ọ mẹ ọgwọhụta ịnị aza enee pe e mẹ ịjọva nị.

Ịrịka 22:17

ọnị vee si ọ ụta ẹtẹẹtẹrẹ, dị ọnị mẹ̀ ịsa tụra ịsa ọnị o họ̀ use anị yọ. Aarịhịnị, ọ vẹ vaa chi hi aza ẹnẹnị yị ọnị.

Ịrịka 22:7

Ịzẹyịza, dị azọkụ Animowabi ẹnịrị azọkụ Animidiya nịnị sị ẹkẹhị rị ụvọ ne tu Ịbaraamị nị. Di e kà enube Ịbarakị yị ọ nị.

Ịrịka 24:11

Dị ọ kà Ịbaraamị ọ wụsẹ-wụsẹ hụụ ịzọọ, di oo na eehi. Ọ kà ọnị ọ vịdị reè tenyi ẹngụ ka ọnị vaa mẹ̀ ẹyịza ẹtẹẹtẹrẹ. Ama Ẹnẹyịmavara ẹ yị zẹ ka ọ́ dọ ọ.

1 Ịsamụwẹrị 17:25

Anisirẹrị nịnị vị ana aa kà a ka, “Wéē re ọnọrụ ọnọnị mẹ̀ jịnẹ vẹ ka ọnị va sị isoja Anisirẹrị mẹ ịyẹyẹ. Àa nyị ọza ene zụ pe e kụ̀ ịrẹkụ dị ọ wụ̀ ọ nị, ohinọyị vaa vara ọza ọnọọ ọza ọbanyị, Dị ọ sị ozi anị ọnẹẹ ga a ka ọ̀ nyị ọ. Ovwoovu ọza ọnọọ ọ yị mā vana tụ́ ẹkẹhịrehi ịnị ẹtẹ Isirẹrị.”