Ịdanịyẹrị 5:5 - IWE ỌNỊNỊ

⁵ Kẹnẹ, dị ohinọyị vene re ụvọ ọza ka aa chẹrẹ ịsa tụ ịnị ugene irehi anị nị. Ugene ọnọọ vị ana gụrị ịzị aā sị ozotupaa gẹ.

Ịdanịyẹrị 5:5 ပူးပေါင်းရင်းမြစ်များ

Ijoovu 20:5

Ịrajẹ aza edivi ọ mā nọ oruva. Ayohine ẹnịnị vị ụmẹ chee aanị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ijeremaya 50:43

Ịjị ohinọyị Ịbabịrọnị wụ́ ịrẹyị aza ẹnẹnị, ụvọ anị ee wusu za ẹngụ. Ẹngụkata ọọ sụ̀ ọ ẹngụ, dị ee rimanya anka ọnẹẹ anaa barẹẹ avọọ nị.

Ịdanịyẹrị 4:31

Ịrẹyị ọnọọ ẹ yị ta a kà dị ọ vana wụ́ ọngwẹ ọnya hụrị ẹbẹẹba nị. Ọngwẹ ọnọọ ka ohinọyị Inebukadineza ọ̀ sị ụtọ pe ẹtẹ dị ọ̀ wụ́ ịrẹyị ọnị ọnị aa kà. Ọ kà ajịnị áa dọ ọ udi ohinọyị anị nị.

Ịdanịyẹrị 4:33

Obooboro ọnọọ avaba ịrẹyị ẹnẹnị mẹ nị. Dị a dụ Inebukadineza hụụnị ẹkụra, dị ọ naa rị avị anka ụnọ avọọ nị. Eguhi ô chire ku ọ ẹngụ, dị ẹyị ịnị ẹngụ anị gọdọ sara-sara anka asịsẹ ukokoro avọọ nị. Apara igege anị vị ana kụkụ sị mẹẹ anka igege inomi avọọ.

Ịdanịyẹrị 5:15

Ohinọyị ka â kụ anajuwe anị ọnịrị ọmahọnọ anị nịnị vẹ ka ẹ̀ va ka ịsa ana a chẹrẹ tụ ịnị ugene aanị ọnịrị iruvo anị, ama ẹnịnị ẹ yị zụ ka a.

Ịdanịyẹrị 5:4

Dị ẹ yàa ká ẹngụrẹhaa kú ori ẹnịnị ẹngụ e mee hú eche nị. Ori ẹnẹnị vị ana sị igooru, isiriva ọnịrị enyusẹ ana vọ beri ọchị ọnịrị ịrẹta mẹ.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ịdanịyẹrị 5:8

Ẹnịnị anajuwe ohinọyị ệ jịnẹ vẹ, ama ẹ yị nyị ọza ịnị ẹngụ ẹnịnị ana zụ ka ịsa ana chẹrẹ aanị, dị ẹ̀ hyakụ va zụ ka iruvo anịị yọ.

Anikorasi 2:14

 chẹrẹ ụta ọnị ị rị tụ́ ini iwe tịtẹ yị yị. Ụta ọnọọ ọ vị oyisì Ohomorihi ọnị o sì ka ya yaanịị mẹ nị. Ohomorihi ọ sị ụta ayị ana a chẹrẹ tịtẹ yị du. Ọ raà sị ọọ hụrẹ yị ịrẹsụ, dị ọ kanyị ọọ iso za ọchị apavahị Ikirisiti nị.