Ịdanịyẹrị 4:8 - IWE ỌNỊNỊ

⁸ Kẹnẹ dị Ịdanịyẹrị vẹ nị (Ịdanịyẹrị vị ana a sị ịrẹha ori ẹnịnị yị ka ọnị ọ rị Ịbẹtịsaza nị). Ẹ ka Ohomorihi ộ jẹẹ yọ ịrẹma. Ọnị ộ kà a yọ ụra ọnị ọnị ra, dị ọnị ka,

Ịdanịyẹrị 4:8 ပူးပေါင်းရင်းမြစ်များ

Oyinyima 41:38

Di Ihwarawo hị́ ezi ahụ anị dị ọ ka, “Ẹnị ẹẹ kụkụ zụ maanị re ọza ẹnẹsa ana maanị nyị ịrẹyọyẹ Ohomorihi.”

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Ayịsaya 63:11

Ama Ẹnịnị ệ tamayị ịsa ana mè ịnị ụmẹ Imosiisi ozi ahụ Ẹnẹyịmavara. Ê họ̀ use ka ịzị Ẹnẹyịmavara ana dọ ọdọvịdị aza anị ha hụụnị Oku Ovivi? Ịzị Ẹnẹyịmavara ana sị ụkata yị Imosiisi ya?

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ezikẹẹrị 17:23

Ọ kà ọnị vaa hị́ ọ tụ ịrẹsụ ataba ana nẹba hu kere-kere ẹtẹ Isirẹrị. Ọ vaa ha avọ, dị ọ tụ ẹtụtụ, dị ọ vara ọchị Isida ọyịza-ọyịza inomi irenyi-irenyi vaa mẹ ịrẹngwẹ tụ ọ, dị ẹ sị ịzọọ mẹ irehi.

Ịdanịyẹrị 1:7

Dị ohirẹsụ aza anaa mẹ̀ ụkọrọ ịdị ohinọyị sị ịrẹha Anibabironi yị wa nị. Ọ kà Ịdanịyẹrị ọ̀ rị Ịbẹrịtẹsaza nị, dị Ịhananịya ọnị rị Isediraki nị, Imisẹrị ọ rị Imesaki nị, dị Azarịya ọnị rị Abedinego nị.

Ịdanịyẹrị 2:11

Ẹ ka ịrẹyị ọkatẹngụ ohinọyị ee họ̀ use anị aanị nị, ẹ yị nyị ọza ana zụ ka ẹ yị ọ ụra ọnị ọ ra, ẹ̀ yị vị ori nịnị; ẹ̀ẹhẹẹ ori nịnị ẹnịrị aza ẹ yị mā ra vabẹ kẹ.

Ịdanịyẹrị 2:26

Dị ohinọyị họ̀ Ịdanịyẹrị ọnị ịrẹha anị ọsa rị Ịbẹtịsaza use ka, ọ́ọ́ zụ́ kà a yị ọnị ụra ọnị ọnị rá ọnịrị iruvo anị nị?

Ịdanịyẹrị 3:14

Ịjị ẹ vẹ, dị ọ họ̀ wa ka, ahẹẹ, ịzẹyịza ẹnịnị wee yi ka ẹnị ẹ yị hẹkẹ ori anị, dị ẹnịnị ẹ yị rẹ vaku ẹtẹ yị uyi ọnị ọnị sị igooru mẹ jẹẹ nị?

Ịdanịyẹrị 4:18

Dị ohinọyị Inebukadineza ka, ụra ọnị ọnị ra yọ. Ịbẹtịsaza ọ̀ navọ ọ̀ kà iruvo anị yị ọnị agụvị ka ẹ́ yị rẹ va nyị ikonyara ịnị avaba ọyẹrẹyị ịnị ẹtẹ anị ana zụ kà a yị ọnị. Ọ kà, ama ọnị ộ yẹ ka Ịbẹtịsaza ọ zụ kà a agụvị ka Ohomorihi ộ jẹẹ yọ ịrẹma.

Ịdanịyẹrị 4:9

Ịbẹtịsaza, ohirẹsụ aza eneē re ẹtẹ, ọnị ộ yẹ ka Ohomorihi ộ jẹẹ yọ ịrẹma, ọnịrị ka ẹ yị nyị ịsa ana tẹ ọnị ẹ̀ yị yẹ. Aarịhịnị, aanị ọnị mẹ ra ụra nị. Ọ̀ navọ ọ̀ kà iruvo anị yị ọnị.

Ịdanịyẹrị 5:14

Ọnị ộ wụ́ ka Ohomorihi ộ sị ụkata yọ, ọnịrị ka Ịdanịyẹrị ộ nyị ụkata ụnarenyi ọnị ọọ̄ sị mẹ̀ ịsa. Dị ọnị rẹ wụ́ ka ịrẹyọyẹ anị ộ gụ ẹtẹẹtẹrẹ nị.