Ịdanịyẹrị 4:3 - IWE ỌNỊNỊ

³ Ọ kà, ụkọrọ ohyozirenu oni Ohomorihi sị zụ ẹnị ộ da banyị kẹnẹ. Ụkọrọ ịvọpa anị ộ banyị. Ọ kà, Ohomorihi ọ vị ohinọyị ana vaa mẹ ịjọva pooro nị.

Ịdanịyẹrị 4:3 ပူးပေါင်းရင်းမြစ်များ

Ijoovu 25:2

Ohomorihi ọ nyị ụkata ene chi ẹhẹ ẹngụ. Avọọ ọzọza o hị́ angwa anị dị ọ sị ụbanyị yọ. Ọnị ọ mẹ ka aa nyị ẹngwọọrọ ini ihinẹba nị.

Ahẹ Ụgama 104:24

Ẹnẹyịmavara, ụkọrọ awụ ộ dà rụrụ kẹnẹ, ịrẹyọyẹ ụ vavọọ sị mẹ avaba anị nị. Ẹwa mẹ avaba ịsa ene hi ẹhẹ nị.

Ahẹ Ụgama 105:27

dị ẹ na mẹ̀ ụkọrọ ịvọpa ẹbanyị-ẹbanyị ịda Anijipiti nịnị ịnị ẹtẹ Ihami nị.

Ahẹ Ụgama 145:13

Ẹnẹyịmavara, ẹwa vị ohinọyị pooro zịna-zịna nị. Avọọ ụ mẹ vaa mịị mẹ ohinọyị pooro nị. (Ịsa ẹnị Ẹnẹyịmavara ọ̀ọ ka ọnị vaa mẹ, ẹ yị zụ nyị ka ọ yị mẹ̀ ẹ. Vị ọ nyayịnẹ sì ịrẹyị avaba ịsa ọnị ọ tụ́ nị.)

Ahẹ Ụgama 66:7

Ụkata ẹngụ anị aa sịị mẹ ohinọyị pooro zịna-zịna nị. Ee re avaba anẹhẹ, Asị a nyị ọza ene ne hira ka vị ẹnị aa kwẹẹtẹ tù ọ nị.

Ahẹ Ụgama 72:18

Ẹnẹyịmavara, ana vị Ohomorihi Anisirẹrị, yâ kụ́ wụ avọ. Ẹwụ nya kẹnẹ ọ maanị mẹ ịrẹyị ẹbanyị-ẹbanyị nị.

Ahẹ Ụgama 77:19

Wâ zị oze ini òkū, ana aa dà vụụ-vụụ dị ụ vavọọ há a na para hu nị, ama ọza o yi re ịpa ahụ awụ.

Ahẹ Ụgama 86:10

Ẹwụ ịnya chọ̀chọ̀chọ̀ ọ vị Ohomorihi nị. Wâ nyị ụbanyị, avọọ ụ mẹ̀ ịsa ẹbanyị-ẹbanyị nị.

Ahẹ Ụgama 92:5

Ẹnẹyịmavara, ụkọrọ awụ ộ dà banyị kẹnẹ, avọọ u me ree ro ịrẹyịị nyịnẹ nị.

Ayịsaya 25:1

Ẹnẹyịmavara, ẹwa vị Ohomorihi amị nọ; Mị vaa sị ụbanyịị yị wụ ẹtẹẹtẹrẹ. Wâ dà nyị ịzẹyịza kẹnẹ. Wa raà mẹ̀ ịsa ohyozirenu ẹbanyị-ẹbanyị; ọnị ụ ka ụ vaa mẹ̀ hụrẹ ụmọrụmọ, avọọ ụ mẹ̀ yị va mẹ̀ ẹ nị.

Ayịsaya 28:29

Ẹnẹyịmavara ana nyị ụkata ọ rẹ sị sị zụ̀ aza ka ẹ̀ vavọọ yara mẹ̀ ẹ nị. Á yị nyị ọza ana zụ yẹ ịsa ẹnị Ẹnẹyịmavara aa mẹ. Ịrẹyọyẹ anị ộ dẹngụ ẹnẹmẹhị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ịdanịyẹrị 2:2

Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Aniroomi 11:33

Ohomorihi ộ da nyị ụbanyị kẹnẹ! Ohomorihi ộ yẹ ịrẹyị ẹtẹẹtẹrẹ ọnị ọza ọ̀yị zụ kà. Ịsị Ohomorihi ọ̀ọ ka ọnị aa mẹ, ẹ yị nyị ọza ana zụ yẹ oze ana aa zịị mẹẹ. Ẹnẹ ka ọnị ộ yẹ oze Ohomorihi?

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

Anihiburu 1:8

Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

Anihiburu 2:4

Ohomorihi ọnị ọ rẹ dọ ivenu tụ́ ọọ ini oze ụkọrọ apọtẹrẹwa ọnịrị ohyozirenu irenyi-irenyi ana aa mẹ; ọ rẹ mẹ ka Ụhwẹ Ọnịnị anị ọ̀ sị ụkata irenyi-irenyi yị ọzọza anka o mè sì ọọ.

1Ipita 4:11

Ọza ana àa kà ịrẹyị, ọ̀ọ kà a dị aza ẹ̀ yẹ ka Ohomorihi ọ sị ịrẹyị ọnọọ yọ nị. Ọza ana àaa mẹ ọgụvọọ yị ọza, ọ̀ọ sị avaba ụkata ọnị Ohomorihi sị yọọ mẹẹ. Wa vavọọ mẹ nịnị, agụvị dị aza ẹ̀ẹ sị ụgaa yị Ohomorihi ịnị avaba ịsavị-ịsavị agụvị Ijeesu Ikirisiti. Ohomorihi ọ nyị igirima ọnịrị ụkata nị, avọọ ọ mẹ vaa yà pooro zịna-zịna nị. Aamị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”