Ịdanịyẹrị 3:1 - IWE ỌNỊNỊ

¹ Â nyị ụmẹ ọnya dị Inebukadineza ohinọyị sị igooru mẹ uyi ọbanyị ọnya aanị jẹẹ nị. Uyi ọnọọ ộ nẹba ẹhụ ahụ ẹnarẹẹwụ avọọ, dị ọ rẹ gana ẹhụ ahụ ịhịịna avọọ nị. Dị ọ ka a sị ọ jẹẹ ịzị aā hị́ Idura ịnị ẹtẹ Ịbabịrọnị nị.

Ịdanịyẹrị 3:1 ပူးပေါင်းရင်းမြစ်များ

1 Ohinọyị 12:28

Ịjị ohinọyị maanị sị ọ ro, dị ọ va sị igooru dị ẹ sị mẹ imaaru ẹẹva nị. Ịjị ọ sị wa mẹ, dị ọ kà a yị Anisirẹrị dị ọ ka, “O si ku ọnị ụ hụrẹ aa nọ Ijerusarẹmị nịnị, ô zee ọgọnị. Re ẹẹmẹ ana jẹẹ aanị, Ohomorihi awụ nịnị ọ vị ọnọọ nị, ẹwụ nịnị Anisirẹrị. Ẹnị ẹ kụ́ wụ nịnị jịnẹ hụrẹ Ijipiti vẹ nị.”

Ẹsịta 1:1

 nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ahẹ Ụgama 135:15

Enyusẹ ọnịrị igooru anẹkụra nịnị sị mẹ ori ẹnịnị nị. Aza ẹ sị ụvọ ẹnịnị tụ́ ọ nị.

Ọyịkụra 20:23

Wẹ yị nyayịnẹ na sị igooru àa vị enyusẹ akàaka bẹ ori dị waa mẹẹ nịnị ne beri ẹmị ọnị ụ waa hẹkẹ nịnị.

Ọyịkụra 32:31

Ịzẹyịza di Imosiisi varẹma hịrẹ ne tù Ẹnẹyịmavara nị. O mè tù ịzọọ dị ọ ka, “Nda, ebira odivi ana aza ẹnẹnị mẹ̀ ọ sị banyị baaba. Ẹ na sị igooru ệ mẹ ori yị ẹngụ ẹnịnị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Ayịsaya 46:6

Aza ệ ngwara achuchu ẹnịnị, dị ẹ và igooru hi ẹtẹ, dị e sị ịngọ ngọ̀ isiriva nị. Ệ na hị́ ọza anaa mẹ ụhị́ ka ọ sị mẹ ori yị ẹnị. Dị ẹnịnị kú ẹtẹ, dị ẹyaa hẹkẹ ẹ nị.

Ijeremaya 10:9

Ori ẹnịnị vị ana a sị isiriva ọnịrị igooru mẹ ẹtẹ Itasisi ọnịrị ẹtẹ Uhwaazị. Ụkọrọ ụvọ aza ẹ vị nị. Dị ee chire wa awuru akàaka ọnị aza ana yara mẹ̀ ụkọrọ ẹtẹẹtẹrẹ hi ịta anị.

Ijeremaya 16:20

Ọza ọ́ọ́ zụ mẹ ori yị ẹngụ anị kẹ? Hịịn, ama ẹ́ yị vị ori obooro ẹ vị.

Ịdanịyẹrị 2:48

Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị.

Ịdanịyẹrị 2:49

Ịdanịyẹrị ộ da ịpẹ yị ohinọyị ka, ọ̀ nyị Isediraki, Imesaki ọnịrị Abedinego dị ẹ̀ sị eyi pe ịsa anaa na ịnị ẹtẹ Ịbabịrọnị nị. Ama ọnị Ịdanịyẹrị vanaa ya ịdị ohinọyị.

Ịdanịyẹrị 3:14

Ịjị ẹ vẹ, dị ọ họ̀ wa ka, ahẹẹ, ịzẹyịza ẹnịnị wee yi ka ẹnị ẹ yị hẹkẹ ori anị, dị ẹnịnị ẹ yị rẹ vaku ẹtẹ yị uyi ọnị ọnị sị igooru mẹ jẹẹ nị?

Ịdanịyẹrị 3:30

Ịrẹma ọsọnị dị ohinọyị ka udi Isediraki, Imesaki ọnịrị Abedinego hịrẹ ịnị ẹtẹ Ịbabịrọnị nị.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịdanịyẹrị 5:4

Dị ẹ yàa ká ẹngụrẹhaa kú ori ẹnịnị ẹngụ e mee hú eche nị. Ori ẹnẹnị vị ana sị igooru, isiriva ọnịrị enyusẹ ana vọ beri ọchị ọnịrị ịrẹta mẹ.

Ihoseya 2:8

Ayị oo hí ọ ka Ẹnẹyịmavara kẹnẹ ọọ̄ sị akụ, ọnịrị eche ne beri angwẹ orivi mẹ̀ ọza ẹyịza nị. Igooru ọnịrị isiriva ana aa sị na hẹkẹ ori Ịbaarị vị anị.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ihabaku 2:19

Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.

Odeyi 17:29

Yàa vị ezi Ohomorihi, ẹ yị vọrọ ka ye ro o ka ya zụ sị ịsa anaa sị igooru ọnịrị ọmọ beri ịrẹta bẹ juwe anị. Ịsa ẹnẹẹ vị ụkọrọ ụvọ aza kẹnẹ; ariro aza ẹ jẹẹ yị nị.

Odeyi 19:26

Wê ree nịnị, dị ụ rẹ wụ́ ọọ nịnị bẹẹ nị ka Ịpọọrụ ọnọnị ọ sị aza ọrụrụ-ọrụrụ vara ayị, ayị vị ini Ẹhwẹsọsị kẹnẹ, ama avaba ẹtẹ Esiya. Ọ kà ịsị aza sị ụvọ mẹ, ayị vị Ohomorihi ẹ vị.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Ẹtore 9:20

Aza ana vọ ọnị ụyọrị ẹẹta ẹnẹẹ ẹ̀ yị wụ, e yi yi ro ịnẹ varẹma hụụnị ịsa ẹnẹ ẹ yaa mẹ. Ẹyaa yị hẹkẹ ụhwẹ echu nịnị ọnịrị ori ana a sị igooru ọnịrị enyusẹ irenyi-irenyi ọnịrị ịrẹta beri ọchị mẹ. Ịsa ẹnẹẹ ẹnị e yi zụ re ẹtẹ, ẹ yị zụ wụ́ ịrẹyị, ẹ yị rẹ zụ zị ụsẹ.