Ịdanịyẹrị 2:9 - IWE ỌNỊNỊ

⁹ Ọ kà ẹnịnị ẹ̀ẹ yị kà a yị ọnị ụra ọnị ọnị ra, avaba ẹnịnị vị ene e vee vu ẹtẹ. Ọ kà, vị ẹnịnị gẹ eyi ka ẹnị è cheeche yị ọnị dị ọnị ọ vara ayị anị nị. Agụvị avọọ ẹnịnị ẹ̀ kà ụra ọnọọ yị ọnị, dị ọnị ọ̀ yẹ́ ka ẹnịnị ẹ rẹ zụ kà iruvo anị.

Ịdanịyẹrị 2:9 ပူးပေါင်းရင်းမြစ်များ

1 Ohinọyị 22:22

Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza.

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

Ẹsịta 4:11

â nyị ọda ana a mẹ ka ọza tụra ọza ọnị Ohinọyị ẹ yị tụ hị́, dị ọ ngụ ohweje ana ya ịnị ịnẹ ne re ohinọyị, a wụ̀ ọ. Anajuwe Ohinọyị nịnị ọnịrị avaba aza ene hi ịnị ẹtẹ ọnọọ ẹẹ yẹ ọda ọnọnị. Oze ọnyara chọ̀chọ̀chọ̀ ọ ọza zụ zi ha hụụnị ọda ọnọnị nị. Oze ọnọọ ọ vị ka ohinọyị ọ̀ tana okutẹ Igooru anị hi ọza ana àa vavọọ ngụ ne tù ọ nị.

Ụhịrẹyị 12:19

Ịzẹyịza o mē vu ama ireche vị ana kụ ahụ hi ẹhẹ.

Ayịsaya 41:23

Kà a yị yị ịsị ẹ vaa mẹ̀ ụhwọọ agụvị ya yẹ ka ori ụ vị nị. Mẹ̀ kà etore awụ nịnị ọ sẹ. Mẹ̀ ịsa ọyịza, a vị ịsa odivi ọnya ene ve chire ọza angwa.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ezikẹẹrị 13:17

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị ò ré anyẹnẹẹ anda ẹnịnị anaa dà ịrẹyịị kà, ka vị ẹnị aa kà ịsẹ nị. Ọ kà ọnị ò tụ́ wa ohuvọ, dị ọnị ọ̀ kà a yị wa ka.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Ezikẹẹrị 13:6

Apẹ ẹyaa mẹ ka vị ẹnị re ẹtẹ nị. Ịsẹ ẹnẹ ẹyaa kà vị ireche osusu. Ẹnẹyịmavara kà, ọnị ẹ́ yị tụ́ wa ụtụ, ama dị ẹ ka, ọnị ọ̀ tụ ẹnị ụtụ nị. Dị eyee zi ka ọnị vaa sị ịrẹyị ẹnịnịị gẹ nị.

Ịdanịyẹrị 2:16

Dị Ịdanịyẹrị ngụ eehi ne tù ohinọyị, dị ọ ka ọ̀ sị ụmẹ yị ọnị ka ọnị vaa kà iruvo ụra anịị yọ nị.

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

Ịdanịyẹrị 2:8

Dị ohinọyị tu wa ohi ka, ọnị ee re ka vị ẹnịnị aa dọ ọbọ kẹnẹ ọ yị za ọnị kù nị. Ọ kà ẹnịnị ẹ̀ yẹ ka ẹ yị vị ịrẹyị aahẹ ọnị aa kà o.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Ịdanịyẹrị 5:28

ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.

Ịdanịyẹrị 5:31

Dị ọnọrụ ọnyara ana aā hị́ Ịdarịyọsị ana vị Animeedi vana rị ohinọyị tụ ẹkụra ọnọọ nị. Ịdarịyọsị ọnọnị vị ịrayị ẹbẹẹta tụra ẹẹva ịnị ụmẹ ọnị ọ sị rị ohinọyị.

Ịdanịyẹrị 7:25

Ohinọyị ọnọnị vaa kà kẹnẹ-kẹnẹ hi Ohomorihi ene hu keekere, dị ọọ raa sị ụyaa rị aza Ohomorihi. O vee si ka ọnị ọ̀ vara ọda ana aza Ohomorihi a sị mẹ ahẹkẹ ọnịrị eche ẹnẹ ẹ rị. Avọọ ọ mẹ̀ vaa mẹ ịjọvaa tụra wa ịrẹsụ pooro dị ọ mẹ ịrayị ẹẹta rị ẹjịjị nị.

2 Anịkọrịntị 2:17

Ẹyị ẹ yị yà anka aza ọrụrụ-ọrụrụ ẹnyị ana sị ụvọ za ịrẹyị Ohomorihi anka ịsị a sịị̄ sẹ ohu. Ama Ohomorihi ọ tụ́ ẹyị ụtụ nị, dị yaa sị ịzẹyịzaa kà ịrẹyị anị ọ́vịdị Ohomorihi anka aza ọnị ọnịrị Ikirisiti sị vị ọnya.