Ịdanịyẹrị 2:4 - IWE ỌNỊNỊ

⁴ Dị aza eneē re ẹtẹẹ yọ aanị tụ́ ohi ịnị ẹkụra Aramị dị ẹ ka: taarụ ohinọyị, aarịhịnị ọ kà a yị ẹnị ụra ọnị ọ ra, dị ẹnị kà iruvo anịị yọ nị.

Ịdanịyẹrị 2:4 ပူးပေါင်းရင်းမြစ်များ

Oyinyima 31:47

Di Ịrabanị ka atakuji ọnọọ ọ rị Ijega-Isahaduta, di Ijekọvụ ọnị hị́ ọ Igareedi nị (Iruvo Ijega-Isahaduta ịnị ẹkụra Anarami ọnịrị Igareedi ịnị ẹkụra Anihiburu vị ataba ivenu).

Oyinyima 41:8

Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

1 Ohinọyị 1:25

Ajịnị ọnya ọnọnị ọ na raà kụ́ ụnọ ọnịrị atẹmẹ ana a pa dị ẹ banyị ana rụrụ aa sịị mẹ̀ ịsọvọ. Ộ hị́ avaba ezi ohinọyị ọnịrị ọga isoja nịnị ne beri Abiyata ohirẹsụ irehi Ohomorihi dị ẹnịnị ne hi ịda anị dị ẹ yaa rị di eyee hú nị. Dị ẹnịnị aa hị́ ‘Taarụ Ohinọyị, orubo ọcha orubo ẹya.’

1 Ohinọyị 1:31

Di Ịbatịsẹba tana tụra ẹtẹ dị ọ kụ́ ohinọyị, dị ọ kà, “Taarụ, Idevidi ohinọyị orubo ọcha orubo ẹya, ẹ yị nyị ịsị ẹ vaa mẹ wụ pooro.”

2 Ohinọyị 18:26

Dị Eriyakimi, Ịsẹbina, ọnịrị Ijowa va kà a yị ọdọvịdị Anisiriya nịnị ẹnẹnị ka, ẹẹ kà ẹkụra Anaaramuu yị ka ẹnị ẹẹ wụ. Asị ẹ kà ẹkụra Ihiburu, agụvị ka aza ene hi ịrẹsụ ọvọ ee be atọ.

Ẹzịra 4:7

Ịjị Atazazasisi mẹ va vị ohinọyị dị Ibisitami, Imiteredati, Itabeeri ọnịrị anda ẹnịnị sị ẹkụra Aramayiki chẹrẹ iwe tu hi ọ nị. Dị ahịka a dọ ịrẹyị ka yị ọ nị.

Inehemaya 2:3

Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha.

Ayịsaya 36:11

Di Eriyakimi ọnịrị Ịsẹbina ne beri Ijowa ve tụ́ ọga isoja Anasiriya ọnọọ ohi dị ọ ka Aarịhịnị de, ọ̀ọ kà ẹkụra Aramayikii yị ẹnị ka ẹnị ệ wụ́. Ẹ ka asị isoja ọnọọ rẹ ka ẹkụra Ihiburu ka aza eni hi ịrẹsụ ọvọ va sị wụ́.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Ịdanịyẹrị 2:7

Dị ẹnị rẹ varẹma kà a yị ohinọyị ka, aarịhịnị ọ̀ kà a yị ẹnị ụra ọnị ọ ra ka ẹnị vaa kà iruvo anịị yọ nị.

Ịdanịyẹrị 3:9

Ệ kụ́ ohinọyị Inebukadineza, dị ẹ ka, vị o vee ku orubo ọcha dị o ku orubo ẹya nị o.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Ịdanịyẹrị 4:7

Ịzẹyịza, â kụ avaba ẹnịnị eneē rè ẹtẹ, ọmahọnọ nịnị, ẹnẹbẹ nịnị, ẹnịrị aza ọkatẹngụ ene hi ịnị ẹkụra vẹ ọvịdị anị. Ịjị ẹ vẹ, ọnị ộ kà a yị wa ụra ọnị ọnị ra, ama ẹnịnị ẹ yị zụ ka iruvo anị yị ọnị.

Ịdanịyẹrị 4:9

Ịbẹtịsaza, ohirẹsụ aza eneē re ẹtẹ, ọnị ộ yẹ ka Ohomorihi ộ jẹẹ yọ ịrẹma, ọnịrị ka ẹ yị nyị ịsa ana tẹ ọnị ẹ̀ yị yẹ. Aarịhịnị, aanị ọnị mẹ ra ụra nị. Ọ̀ navọ ọ̀ kà iruvo anị yị ọnị.

Ịdanịyẹrị 5:10

Ịjị ọnyị ohinọyị wụ ịrẹka oni ohinọyị ọnịrị ọdọvịdị ẹkụra anị nịnị aa kụ, dị ọ ngụ eehi ịzị aza ya aa rị ịsa nị. Dị ọ ka, ohinọyị ọ̀ taarụ! Asị ọ zẹẹ ka ịrẹyị ọnọnị ò du ọnị ayị, dị ọ vaa và ẹngụ hi bẹẹ.

Ịdanịyẹrị 5:8

Ẹnịnị anajuwe ohinọyị ệ jịnẹ vẹ, ama ẹ yị nyị ọza ịnị ẹngụ ẹnịnị ana zụ ka ịsa ana chẹrẹ aanị, dị ẹ̀ hyakụ va zụ ka iruvo anịị yọ.

Ịdanịyẹrị 6:21

Dị Ịdanịyẹrị tụ ọ ohi dị ọ ka, vị ohinọyị ọnọnị vee ku orubo ọcha, dị ọ ku orubo ẹya nị.

Ịdanịyẹrị 6:6

Dị ẹnịnị gẹ eyi dị e ne tu ohinọyị Ịdarịyọsị nị. Dị ẹ kụ ọ ka, ọ̀ taarụ! vi o vee ku orubo ọcha, dị o ku orubo ẹya nị.

Ịdanịyẹrị 6:7

Ẹ ka, avaba ẹnị ọdọvịdị ẹkụra ẹ sị eyi gẹ ka ohinọyị ọ mẹ ọda ọnị ọza ẹ yị va nyayịnẹ sị ahụụ jịnẹ. Ẹ ka ọ̀ mẹ ọda ka asị a nyị ọza ene kuku họ̀ use ịsa hụụnị ụvọ ọza ọnyọọnyị ẹ yị vị hụụnị ụvọ ohinọyị ọnịnya kẹnẹ pooro dị ọ̀ mẹ ẹkụhị ohurẹẹwụ. Dị ọ̀ kà a ka ọza ene èe họ̀ use ịsa hụụnị ụvọ ọza ẹnẹsa, ọ̀ọ vị ori, ọ̀ọ vị ọzarẹyịrẹsụ vị e vee ne e ngụ ịnị ụsị ọbanyị ana a kụ idu nịnị hi nị.

Imatiwu 21:9

Dị ọkọnị aza ene hi ọvịdị ọnịrị ịrẹma ee nowu ka, “Ihosana! Ozi Idevidi! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị. Yâ sị ụga yị Ohomorihi ẹbẹẹba!”

1 Ịsamụwẹrị 10:24

Dị Ịsamụwẹrị kà a yị aza ẹnẹẹ dị ọ ka wéé re ọza ọnị Ẹnẹyịmavara nyị ka ọ̀ vị ohinọyị awụ nịnị? Wê re ka ẹ yị nyị ọza ana vị ẹngụ anị ịnị avaba awụ nịnị. Dị avaba aza ẹnẹẹ nowu dị ẹ kà, “Taarụ Ohinọyị! U vee ku orubo ọcha orubo ẹya.”