Ịdanịyẹrị 2:34 - IWE ỌNỊNỊ

³⁴ Ọ kà, óhinọyị mẹ̀ vavọọ e ré e, dị ịrẹta ọbanyị ọnya dà va nya ịsa ọnọọ ịpẹtahụ dị ọ gara a ha rugu-rugu nị. Ẹ yị vị ọza ọ da ịrẹta ọnọọ ne.

Ịdanịyẹrị 2:34 ပူးပေါင်းရင်းမြစ်များ

Ahẹ Ụgama 118:22

Ịrẹta ana aza anaa tụra irehi yi tịtẹ ka ẹ yị nyị ịsị ọ rụra mẹ ọ vana vị ọzẹnya irehi nị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ayịsaya 60:12

Anẹkụra ene yi ka ọnị ẹ yị hẹkẹ wu vị ọnị e vee vu ẹtẹ.

Ayịsaya 8:9

Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Ezikẹẹrị 32:28

Avọọ á mẹ rẹ vaa kwọrọ ẹwụ nịnị Anijipiti ha beri aza ẹnẹ ẹ̀ yị yẹ Ohomorihi ana a wụ á maa kụ̀ ịrẹkụ nị.

Ezikẹẹrị 47:5

Ịjị ọ vana mọ okuvọ akava rị ẹchẹhị ọsa, enyi ọ́ sị nyịnẹ ana ahịka ọza ẹ́ yị zụ ngụ na jịnẹ ẹ̀ yị vị ọ́ mẹrị ọ.

Ịdanịyẹrị 2:33

dị a sị enyusẹ ọsa mẹ ọchahụ anị nị. Ịpẹtahụ ịsa ọnọọ vị ana a sị ụmọpa ọnịrị enyusẹ ene e hùra vabẹ mẹ”.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ịdanịyẹrị 8:25

Ọ kà agụvị ka ộ yẹ ọbọ, aza vị oni o vee vene kẹnẹ o me ze e eyi, dị ọ kụkụ ee wùu zị. Aza ẹnyị ẹ yị vaa kà rohi-rohi dị ò vu wa ẹtẹ. Ohinọyị ene huna avaba ohinọyị nịnị vị ọnị ọ hyakụ vaa kụ̀ụ hịrẹ. Ama ọza ẹ yị vaa bẹ ụvọọ tụ ọ ịrẹyị dị Ohomorihi o vu ọnị nyẹmba ẹtẹ.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Odeyi 4:11

Ijeesu Íwe Ohomorihi kà ịrẹyị ini oze anị nị, ka ‘Ịrẹta ẹnẹ ẹwụ nịnị ọtụrarehi yi tịtẹ, ọnị ọ vana vị ọọnyị ịnị ịrẹta ana a sịị̄ dà irehi nị.’

2 Anịkọrịntị 5:1

Yâ yẹ ka èe wú irehi ọnị ị yà ịnị anị ịnị ẹhẹ ọnọnị aanị, (ọnị ọ vị ka ọchẹngụ ayị ọnọnị) Ohomorihi ộ nyị irehi tụ́ ẹbẹẹba yị. Ọnị ụvọta ọ mẹ irehi ọnọọ nị. O yi vee du pooro zịna-zịna.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”