Ịdanịyẹrị 2:2 - IWE ỌNỊNỊ

² Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.

Ịdanịyẹrị 2:2 ပူးပေါင်းရင်းမြစ်များ

Oyinyima 41:8

Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

Ẹsịta 1:13

Ịnị ịyẹẹyẹ â nyị ịsị ohinọyị nịnị mẹ. Â nyị aza ana yẹ ọda ọnịrị ịsa ana vọrọ ka ọza ọ̀ mẹ. Dị ohinọyị họ̀ wa use kà ẹ̀ jị iwe yị ọnị ịsa ana vọrọ kà ọnị ọ̀ mẹ nị.

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Ịdanịyẹrị 2:10

Dị aza eneē ré ẹtẹẹ yọ aanị tu ọ ohi dị ẹ ka, ẹ yị nyị ọza ịrẹsụ ẹtẹ ana zụ ká ẹ yị ọ ịsị enee họ̀ use anị aanị nị. Ẹ ka ẹ yị nyị ohinọyị ọsa, ịzị ọ kata na za ana họ̀ ẹngụ usirẹyị ọnọnị hụụnị ụvọ aza eneē ré ẹtẹ yọ, a vị hụụnị ụvọ ọmahọnọ anị ọnịrị ọpọchị anị nịnị da.

Ịdanịyẹrị 2:27

Dị Ịdanịyẹrị tú ọ ohi ka, ẹ yị nyị ọza ọnyọọnyị ana zụ ka ẹngụ ịsa ẹnẹnị yị ohinọyị nị.

Ịdanịyẹrị 3:8

 nyị Anibabironi ẹnyị aanị ana nọ ịdị Inebukadineza ohinọyị, dị e nee du Aniju nịnị nị,

Ịdanịyẹrị 4:3

Ọ kà, ụkọrọ ohyozirenu oni Ohomorihi sị zụ ẹnị ộ da banyị kẹnẹ. Ụkọrọ ịvọpa anị ộ banyị. Ọ kà, Ohomorihi ọ vị ohinọyị ana vaa mẹ ịjọva pooro nị.

Ịdanịyẹrị 4:6

Agụvị avọọ, ọnị tụ́ hị́ avaba ọyẹrẹyị Anibabironi ka ẹ̀ va ka ẹ yị ọnị ịsị ẹ vị iruvo ụra anị ọnọọ nị.

Ịdanịyẹrị 5:7

Dị ohinọyị nowu zẹtẹ dị ọ ka à na hị́ ẹnị ọmahọnọ anị nịnị, ẹnị ọpọchị nịnị, ẹnịrị avaba ọvavo anị nịnị va yị ọnị nị. Ịjị ẹnịnị vẹ, dị ohinọyị kà a yị wa ka, ọza ana àa zụ ka ịsa ana chẹrẹ tụ ịnị ugene aanị dị ọ rẹ zụ ka iruvo anị yị ọnị nị, ọnị vaa sị ọ mẹ ọgwọhụta ịnị aza anaa mẹ ịjọva ịnị ẹtẹ anị, dị e chire e irikimba, dị a rẹ sị ịsọbẹ ana sị igooru mẹ tụ ọ ọbẹ.

1 Ịsamụwẹrị 6:2

Ẹkụhị ọnya dị Anihwirisiti nịnị va hi ọga ori ẹnịnị ọnịrị ẹnị ana aā há ẹva dị ẹ họ̀ wa ka ẹnị mẹ̀ vaa mẹ apoti Ẹnẹyịmavara aanị kẹ. Ẹ ka aza ẹnẹẹ ẹ̀ kà a yị ẹnị, ẹnị mẹmẹ vaa sị ọ varẹma nọ aha anị.