Ịdanịyẹrị 12:3 - IWE ỌNỊNỊ

³ Aza ana yẹ ịrẹyị ẹnịrị aza ana mẹ ka aza ọrụrụ-ọrụrụ ẹ̀ mẹ̀ ịsa ana vọrọ vaa za ẹtẹ anka ụzọmị ene hi ẹbẹẹba avọọ pooro zịna-zịna.

Ịdanịyẹrị 12:3 ပူးပေါင်းရင်းမြစ်များ

Ọyịkụra 34:35

dị ẹnịnị re ka eyirẹsụ anị aa za. Di Imosiisi rẹ và ubobo anị kú eyi pooro dị ọ̀ va varẹma ne pe Ẹnẹyịmavara kà ịrẹyị.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ụhịrẹyị 3:35

Aza ana yẹ ịrẹyị vị ana aā ga, ama ọnụra vị ọnị aā mẹ̀ ụhị nyị.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ịrẹyị Ọzwọzịsa 12:9

Ka ọzwọzịsa ọnọnị ộ yẹ ịrẹyị, ịsị ọnị ọ yẹ, ộ kọ ọ yị aza. Ộ tọ̀ọ ụhịrẹyị gụ dị ọ sị ịzẹyịza zama wa re ka ẹ̀ẹ vị ịzẹyịza nị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ijeremaya 23:22

Ọ kà ẹnịnị ẹ̀ẹ yaanị va wụ́ ịrẹyị anị, ịrẹyị anị ọnọọ ẹ yaanị aa kà yị aza anị nị: dị ẹẹ mẹ ka ẹnịnị ẹ̀ và hụrị oze odivi ẹnịnị nị. Aza anị yaanị sị và hụụnị ịsị odivi ẹnẹ ẹyaa mẹ.

Ịdanịyẹrị 11:33

Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa.

Ịdanịyẹrị 11:35

A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.

Ịdanịyẹrị 12:10

Anggẹẹrị ọnọọ ka Ohomorihi vaa nyịna aza ọrụrụ-ọrụrụ hụụnị ịdọtị ẹnịnị, dị ẹ kụkụ vị ọnịnị. Aza anaa mẹ̀ ebira odivi ẹ yị vaa yẹ ịsị aa na, ama dị ẹ yaa yịị mẹ odivi ẹnịnị. Aza ana sị ụvọ za ịrẹyị Ohomorihi kẹnẹ ẹ vaa yẹ ịsị aa na nị.

Imatiwu 13:43

Dị ọnịzẹyịza nịnị ẹnị aa zẹtẹ anka ọyị avọọ ịzị Ohomorihi Ada ẹnịnị yà aa mẹ ịjọva. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Ịjọọnụ 4:36

Ọza ana aa kụ́ ịsa ịnị aarẹ gụ, vaa dọ ọgụ, ịsa ana aa kụ́ụ gụ vị aza ana vaa yàra ị́dị Ohomorihi pooro zịna-zịna. Ọnọọ vaa mẹ ka ọza ene chire ịsa ọnịrị ọza ana kụ́ ịsa gụ è duduu jẹ.

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

1 Anịkọrịntị 3:10

Ohomorihi ọ́ọ nyị ẹngụ anị iyi, dị ọ sị ụkata mị ka ma yà anka ọza ana zụ tụra irehi ẹtẹẹtẹrẹ. Ma raà ká irehi ẹtẹ, dị ọza ẹnẹsa ọnị aa tụraa tụ́ ọọ ịrẹsụ nị. Ama ọzọza ò sị eyi pee, ọ mẹmẹ aa tụraa tụ́ ọọ!

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Anihiburu 5:12

O si tù ka ẹwụ nịnị ọ̀ kụkụụ zụ̀ aza ịsa. Ama áa nyị ka à rẹ varẹma vaa zụ̀ wụ nịnị ịsa ịpaapa ini oze ịrẹyị Ohomorihi. O si tù ka wa yaanịị rị ịsa obooro nịnị, ama áa nyị ka à yịị sị ịrẹvaa kà wụ nịnị.

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.