Ịdanịyẹrị 11:4 - IWE ỌNỊNỊ

⁴ Ụmẹ ọnị ọ̀ọ maanị ta jẹẹ kẹnẹ, ịjọva anị vaa gara, dị ọ gà tụ oze ẹẹna. Ama oze ọnyara ẹ yị hyakụ ve tu ịpa evere anị ọ yị mẹ ohinọyị tụra. Ẹ yị vị ẹngụ ịjọva ọnị ọ sị ụkata mẹ avọọ a vanaa mẹ tụra wa ịrẹsụ.

Ịdanịyẹrị 11:4 ပူးပေါင်းရင်းမြစ်များ

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Ijeremaya 12:17

Ama àa nyị anẹkụra ọnyọọnyị ẹnẹ ẹ yị saasa ịrẹyị anị, vị ọnị vee hụ wa hụrị ẹtẹ saka-saka, dị ọnị vu wa ẹtẹ nị.

Ijeremaya 18:7

Ẹnẹyịmavara kà, àa nyị ụmẹ ọnyọọnyị ọnị ọnị kà a ka ọnị vee hu aza ẹnyẹẹnyị àa vị ohinọyị nịnị hụrị ẹtẹ, dị ọnị ka ọnị aa gara wa ha, dị ọnị ò vu wa ẹtẹ nị.

Ijeremaya 31:40

Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Ijeremaya 49:36

Ọ kà ọnị vaa tụ́ ahị hụrị oze ẹyịna ẹbẹẹba a ku Anerami nịnị, dị ọnị gara wa hi avaba aha. Ẹ́ yị vaa nyị ẹkụra ọnị aza ana a du hụrị Erami è yi vee zwè naa ngụ.

Ezikẹẹrị 37:9

Ohomorihi ộ kà a yị ọnị ka, ozi-ọza, ọnị ọ̀ kà a yị ahị ka ẹ̀ tụ́ hụrị eyi ẹnyị eyi ọsa ve kú oku ene hi ẹtẹ aanị, dị ọ̀ mẹ ka ẹnịnị ẹ̀ varẹma yàra.

Ịdanịyẹrị 7:2

Ịdanịyẹrị ka, ọnị maa rá ụra ịrahụ, ọnị ô re ka ahị aa tụ́ kukuku hụrị eyi ụvọnị-ụvọnị ẹbẹẹba. Dị ọ mẹ ka enyi ịnị oku ộ dà vụụvụ nị.

Ịdanịyẹrị 7:6

Ịrẹma ọnọọ, ọnị mee yii re ẹtẹ, di oni vene re ka uye ọsa ọ va jẹẹ nị. Uye ọnọnị vana sị mẹẹ anka ọdụmị avọọ. Ama dị ọ nyị avaka ẹẹna anka avaka inomi avọọ tụ ịrẹma nị. Uye ọnọnị ộ nyị ịrẹsụ ẹẹna, dị a sị ụkata yọ ka ọ̀ọ mẹ ịjọva nị.

Ịdanịyẹrị 7:8

Oni mee re ọpanyị uye ọnọnị, kẹnẹ dị ọpanyị oweyi ọnya aanị vene nyì va jẹẹ ịnị ịrẹsụ uye ọnọnị nị. Dị ọpanyị ọnọọ hu ọpanyị ẹẹta ịnị ọpanyị ene vi di hi ịnị ịrẹsụ uye ọnọnị kwooze nị. Ọpanyị oweyi ọnọnị vị ana nyị eyi anka eyi ọza avọọ, dị ọ rẹ nyị irenu nị. Irenu anị vi e nee sii wo oto ọdẹngụ-ọdẹngụ.

Ịdanịyẹrị 8:22

Ọpanyị ẹẹna ene ve ne nyị tụ aha ene e che ikonyara hụrẹ aanị, ẹnị vị ohinọyị ẹẹna ana va naa rịị tụ́ ẹtẹ ohinọyị ịpaapa ọnọnị, ama ẹnịnị ẹ yị va nyị ụkata ọnị ọ nyị.

Ịdanịyẹrị 8:8

Dị ịdẹ ọnọnị ọnị rẹ kụkụ e wù, dị aa mẹ kàrà-kàrà zị nị. Ộ maanị ta jẹẹ kẹnẹ, dị e che e ọpanyị nị. Dị ọpanyị ẹẹna nyị dọ e ne che aanị ịrẹsụ nị. Ẹnịnị vị ana va eyi ka aha irenyi-irenyi.

Ịzakaraya 2:6

Ẹnẹyịmavara kà a ẹnịnị e juntu-juntu zwe hụụnị ẹtẹ eyi ẹbẹẹba agụvị ka ọnị ọ raa gara wa tụ́ oze ahị ẹbẹẹba ẹẹna.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

Imatiwu 12:25

Ijeesu ộ yẹ ịsị eyee ro, dị ọ kà a yị wa ka, “Ẹkụra ohinọyị ọ̀ọ sị gà hi ẹẹva, dị ẹ và eyi kà ẹngụ nị, vi o si vu ẹtẹ avọọ nị. Àa rẹ nyị ẹkụra, àa vị irehi ana gà hi, dị ẹ và eyi kà ẹngụ nị, ẹ yị zụ kwẹẹtẹ.

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

Ẹtore 7:1

Ịjị ịsa ẹnẹẹ sị mẹ kwooze, di mi re anggẹẹrị ẹẹna, ẹ mẹ̀ jẹẹ eyi ẹẹna ẹnẹ ẹhẹ kụ́ ịrẹsụ gẹ nị. Dị ẹ za ahị eyi ẹẹna ẹhẹ ka asị ẹ tụ́ ku ẹhẹ, àa vị oku, àa daka vị ọchị ọnyọọnyị.